Qadınlar tarix boyu sülh elçisi olub

Müsahibimiz Milli Məclisin deputatı, siyasi elmlər doktoru, professor Aqiyə Naxçıvanlıdır

– Aqiyə xanım, Ali Baş Komandanın rəhbərliyi ilə Azərbaycan Ordusu müstəqillik tariximizə yeni səhifələr yazır. 30 ilə yaxındır ki, düşmən əsarətində olan ərazilərimizdə artıq Azərbaycan bayrağı dalğalanır . Nəhayət, səbrsiziklə gözlədiymiz gün çatdı.

– Bu günü, yəni qələbə müjdəli xəbərləri 30 ilə yaxındır ki, hər bir soydaşımız böyük səbrsizliklə gösləyirdi. Ali Baş Komandanımızın rəhbərliyi ilə müzəffər ordumuzun ərazi bütövlüyümüzü təmin etməsi hər birmizdə qürur hissi yaradır. Fəxr edirik ki, BMT Təhlükəsizlik Şurası kimi mötəbər qurumun, ATƏT-in Minsk qrupu həmsədrlərinin - hər kəsə bəllidir ki, bu qurumum həmsədləri dünyanın güclü dövlətləridir- 30 ildir ki, həyata keçirə bilmədikləri missiyanı dövlətimizin başçısı 40 gün ərzində yerinə yetirib. Sentyabrın 27- dən bu günə qədər 200-dən artıq yaşayış məntəqəmiz, strateji əhəmiyyətli yüksəkliklər, bu gün Dağlıq Qarabağın ətraf rayonları üçün böyük əhəmiyyət kəsb edən Suqovuşan, qonşu ölkə ilə əlaqələrin daha da möhkəmləndirilməsində xüsusi rola malik Xudafərin körpüləri artıq düşməndən azad edilib. 27 ildən sonra həmin ərazilərdə möhtəşəm Azərbaycan bayrağı dalğalanır. Bütün bunlar müstəqillik tariximizin silinməz salnaməsidr. Dövlətimizin başçısı həmişə deyirdi ki, biz o torpaqlara qayıdacağıq. Möhtərəm Prezidentimiz verdiyi vədlərə sadiqliyini qələbələrə nümayiş etdirdi. Ölkə başçısının “Mən deyirdim ki, mən bilirəm, nəyi nə vaxt və necə etmək lazımdır və xalq tərəfindən mənə verilən və göstərilən etimad imkan verdi ki, biz bu məsələni həll edək və bir daha mən bəyan edirəm ki, bütün verilmiş vədləri mən yerinə yetirirəm, bütün verilmiş vədlərə sadiqəm və mənim Prezident kimi fəaliyyətim üçün əsas məsələ mənim əsas vəzifəm Azərbaycan torpaqlarının qaytarılmasıdır, ərazi bütövlüyünün bərpa edilməsidir və bu gün biz bunu döyüş meydanında edirik”- hər birmizin 30 illik gözləntilərimizi reallığa çevirdi.

Azərbaycan əsgəri bilir ki, o konkret olaraq öz dədə-baba torpağı uğrunda döyüşür. Ona görə də canını qurban verir. Erməni əsgərində isə mücərrəd bir düşüncə var. O niyə və nəyin uğrunda döyüşdüyündən xəbərsizdir.

– Bəlkə də elə buna görə də artıq döyüşdən imtina edirlər. Əsir düşən erməni hərbçiləri də etiraf edirlər ki, onlar Azərbaycan ərazisində vuruşurlar. Artıq erməni valideynlər də uşaqlarını döyüşə buraxmırlar.

– Bəli, artıq Ermənistanda yaşayan insanlar döyüşdən açıq şəkildə imtina edirlər. Onları müxtəlif təzyiqlər altında, hədə -qorxu gəlməklə, bəzən də aldadaraq cəbhəyə aparırlar. Həlak olanlar haqqında isə dəqiq məlumat verilmir. Bu günlərdə eşitmişəm ki, Ermənistanda yeni doğulan uşaqları valideynlərinə vermirlər. Hətta uşağı və anasını xəstəxanada girov saxlayırlar və tələb edirlər ki, uşağın atası cəbhəyə getsin, ondan sonra onun ailəsini xəsətxanadan evə buraxsınlar. Ermənistanda yaşayanlar yaxşı bilirlər ki, onlar öz Vətəni uğrunda yox, Nikol Paşinyanın, onun ailəsinin, hakimiyyətinin, havadarlarının şəxsi maraqlarına və ambisiyalarına xidmət edən amal uğrunda döyüşə yollanırlar. Bunu dəfələrlə açıq şəkildə bildiriblər. Hətta əsgər anaları Müdafiə Nazirliyinin qarşısında dəfələrlə etiraz aksiyaları da keçiriblər. Elə buna görə də bu gün Ermənistan ordusunda əmrə tabe olmama, fərarilik halları durmadan artır. Cavanlar isə açıq şəkildə ordudan imtina edirlər. Artıq erməni cəmiyyəti də ümidsizlik içindədir. Orduda kütləvi şəkildə ölümlər var. Ölkə rəhbərliyi əsil həqiqətləri nə qədər məhdudlaşdırsa da, erməni cəmiyyəti sosial şəbəkələr vasitəsilə real durumdan –məğlubiyyətdən , canlı və texnika itkisindən xəbərdar olurlar.

– Belə çıxır ki, ümidləri qadınlara qalıb. Nikol Paşinyanın arvadı Anna Akopaynın da qadınlardan ibarət silahlı dəstə toplaması bundan xəbər vermirmi?

– Ermənistanda həmişə qadınları irəli veriblər. Müharibə başlayandan ermənilərin cəhbə bölgəsində öz qadınlardan sui- istifadə etmələri ilə bağlı elə iyrənc hadisələrin şahidi oluruq ki... Bu, kişi adıma ləkədir. Qaldı ki, Nikol Paşinyanın arvadı Anna Akopaynın qadınlardan ibarət silahlı dəstə toplamasına və sərhədboyu ərazilərdə silahla sou göstərməklə şəkilllər çəkdirib özünü reklam etməsinə, bax belə yerdə “ərlə arvadın torpağı bir yerdən götürülüb“ el məsəli yada düşür. Paşinyan kimi faşist xisləti bir kişinin Anna kimi qəddar, zalım, müharibə tərfdarı olan arvadı olmalıdır. Bu qəddarlıq onlara gendən gəlib. Axı, Nikol Paşinyanın babası da nasistlərin nökəri olub.

Tarix boyu, qadınlar sülh elçisi, əmin-amanlıq tərəfadı olublar. Bu gün də belədir. Qadın anadır. Hansı ana istəyər ki, müharibə olsun, övladları həlak olsun? Milliyətindən asılı olmayaraq, bütün analar qan tökülməsinin qarşısının alınması məqsədilə dünyaya sülhsevər mesajlar, çağırışlar ediblər. Anna Akopyan isə bunun əksinə olaraq, qadınları müharibəyə səsləməklə cəmiyyətə və bütövlükdə bəşəriyyətə aqressiv ab-hava gətirir. Tarixdə qadın məğrurluğu, mətinliyi, sülhsevərliyi ilə çox rastlaşmışıq. Belə qadınlar həyat durduqca yaşayır. Anna Akopyan isə tarixdə qəddar, müharibəyə, qan tökülməsinə çağırış edən qadın kimi qalacaq. Belələrinə çox nadir hallarda rast gəlinir. İnanmıram ki, tarix də belə qəddar qadınlara öz səhifəsində yer ayırsın? Akopyan tarixin tozlu səhifələri arasında itib-batacaq... Təbbi ki, Akopyanın bu çağırışına qoşulan erməni qadını – anası olmdı. O, özü əqidədə olan əyyaşları və əxlaqsızları ətrafına toplayaraq, guya, qadınlardan ibarət silahlı dəstə yaratması barədə şou göstərdi. Bəs hanı həmin dəstə? Akopyanın bu çağırışı və özünüreklamı erməni əsgər analarında nifrət və ikrah hissi yaradıb. Çünki onlar Annadan sülh çağırışı, ərini də bu yola dəvət etməsini və buna nail olmasını gözləyirdilər.

Yaxın zamanlarda baş vermiş hadisələrə nəzər saldıqda, Nikol Paşinyanın ailə üzvlərininn də özü kimi riyakar, yalançı olduğu aydın şəkildə özünü büruzə verir. Bir vaxtlar Anna Akopyan Rusiyanın müxtəlif kafe və restoranlarından ətrafına topladığı 4-5 qadınla Azərbaycanın işğal olunmuş ərazilərinə gələrək, guya, sülh çağırışları edir, münaqişənin qan tökülmədən həllinin tərəfdarı olduğunu nümayiş etdirirdi. Sonra Ermənistan ordusu tərəfindən başlanılan Tovuz əməliyyatı zamanı da riyakarlığını ört- basdır edə bilmədi və guya, Azərbaycan qadınlarını sülhə səslədi. Gülünc vəziyyətə baxın, müharibəni başlayan da özləri, azərbaycanlıları sülhə çağıran da özlri. İndi isə əlinə silah alıb “vətən müdafiəsi”nə qalxıb. Guya, özü də “Qadınlar sülh uğrunda” təşkilatının müəllifidir. Akopyanın bu hərəkəti qadın, ana ləyaqətinə, ismətinə ləkədir. Akopyanın ana adna ləkə olan bu hərəkəti, əslində, Paşinyanın ailəsinin və ailə dəyərlərinə yanaşmasının mahiyyətini özündə əks etdirir. Hesab edirəm ki, bu ailənin psixoloji vəziyyəti də normal deyil.

– Görünür, Anna Akopyan digər birinci xanımlardan nümunə götürməyi də bacarmır.

– Əslində, belə qəddar, zalım və amansız bir qadına ölkənin birinci xanımı deməyə adamın dili gəlmir. Ancaq, Paşinyan kimi rəhbəri olan bir ölkənin birinci xanımı bundan artıq ola bilməz. Diqqət yetirin, bu gün Azərbaycan qadınının ən mükəmməl nümunəsi respublikamızın birinci xanımı Mehriban Əliyeva hər bir Azərbaycan əsgərini öz balası sayır. O, xalqa hər müraciətində bütün hərbçilərimizin həyatı və sağlamlığı üçün dua etdiyini, şəhid analarının acısını bir ana kimi bölüşdüyünü bildirir və dünyaya sülh çağırışları edir. Mehriban xanım Əliyevanın beynəlxalq fəaliyyəti, ilk növbədə, ölkəmizin milli maraqlarının müdafiəsi və təminatı mənafeyinə xidmət etməklə yanaşı, eyni zamnada, beynəlxalq sülh, təhlükəsizlik, əmin-amanlıq, tarixi mədəni irsin qorunması, mədəniyətlərarsı və dinlərarası dialoq mühitinin formalaşması və möhkəmlənməsi kimi olduqca vacib missiyanın yerinə yetirilməsi işinə böyük töhfə verir. Bütün bunlar beynəlxalq aləmdə də yüksək dəyərləndirilmiş və Mehriban Əliyeva müxtəlif ölkələrin ən ali mükfatları, orden və medalları ilə təltif olunub.

Şəhid anaları ilə görüşdə “Mən bir ana kimi sizin qarşınızda baş əyirəm” - deyən mərhəmətli ana, birinci xanım ismətin, ləyaqətin daşıyıcısı və carçısı olduğunu daim nümayiş etdirib. Anna Akopyan isə müharibə çağırışları ilə həm ölkəsinin, həm də beynəlxalq ictimaiyyətin nifrətini qazanıb.

Müsahibəni qələmə aldı:

Əliqismət BƏDƏLOV

Xalq qəzeti 2020.- 18 noyabr.- S.8.