Kanada Azərbaycanla əlaqələrin möhkəmləndirilməsinə sadiqdir

Kanadanın xarici işlər naziri Melani Jolinin ölkəsinin Azərbaycanla diplomatik əlaqələrinin qurulmasının 30 illiyi ilə bağlı bəyanatında bildirilir ki, Kanada Azərbaycanla əlaqələrin möhkəmləndirilməsinə davam etməyə sadiqdir.

Bəyanatda deyilir: “Bu gün Kanadanın müxtəlifliyi, firavanlığı və uğurunun mühüm hissəsini təşkil edən fəal Azərbaycan icması da daxil olmaqla, insanlar arasında xoş əlaqələrə əsaslanan münasibətlərin, Azərbaycan ilə diplomatik münasibətlərimizin 30-cu ildönümüdür.

Otuz il ərzində ölkələrimiz ümumi dəyərləri təbliğ etmək üçün beynəlxalq arenada güclü işgüzar əlaqələr qurublar”.

Bəyanatda daha sonra qeyd edilir ki, Azərbaycan və Kanada Ukraynaya humanitar yardım edir, Əfqanıstanda birgə işləyiblər və bu, ehtiyacı olanlara kömək etmək üçün qarşılıqlı öhdəliyimizə sübutdur: “Bu mühüm günü qeyd edərkən biz Azərbaycanla əlaqələrin möhkəmləndirilməsinə davam etməyə sadiq olduğumuzu bir daha təsdiq edirik. Qarşıdakı illərdə bu mühüm dostluğu möhkəmləndirməklə daha dərin əlaqələr qurmağı səbirsizliklə gözləyirik”.

Xalq qəzeti.- 2022.- 12 avqust.- S. 1.