Texniki peşə
təhsili sahəsində
Dövlət Proqramı
uğurla həyata keçirilir
Son illər
Azərbaycanın təhsil
sistemində ciddi islahatlar həyata keçirilir. Ulu öndər Heydər Əliyevin başladığı
bu islahatlar bu gün çox
hörmətli Prezidentimiz
İlham Əliyev tərəfindən davam etdirilməkdədir. Ötən
beş il ərzində təhsilin inkişafına xidmət göstərən 16 Dövlət
Proqramının qəbul
olunması və onların həyata keçirilməsi ilə bağlı davamlı iş aparılması bunu bir daha
təsdiq edir. Azərbaycanın şəhər
və rayonlarında məktəb tikintisinin böyük vüsət alması təhsilə qayğının bariz nümunəsidir. Son beş
ildə 1600 məktəb,
məktəblərə əlavə
korpuslar inşa edilmişdir ki, bu da təhsilin
keyfiyyətinə müsbət
təsir göstərmişdir.
Bir vaxtlar baxımsız vəziyyətə
düşmüş texniki
peşə təhsili
də bu islahatlardan kənarda qalmamışdır. Belə
ki, son illər Təhsil Nazirliyinin böyük səyi nəticəsində bu sahədə islahatlara başlanmış, onun inkişafına diqqət artırılmışdır. Möhtərəm
Prezidentimiz cənab İlham Əliyevin 3 iyul 2007-ci il tarixdə imzaladığı
“Azərbaycan Respublikasında
texniki peşə təhsilinin inkişafı
üzrə Dövlət
Proqramı (2007-2012-ci illər)”
bunu bir daha təsdiq edir. Bunun obyektiv
səbəbləri də
vardır. Çünki
Azərbaycan dövləti
davamlı şəkildə
inkişaf edir, yeni istehsal sahələri
yaradılır, sahibkarlığa
geniş imkanlar açılır və
s. Ona görə də bu gün
təhsilin bu sahəsində islahat aparılması zəruri məsələyə çevrilmişdir.
Qeyd edim ki, Dövlət Proqramında bu sahədə ciddi dəyişikliklərin edilməsi
vacib məsələ
kimi qarşıya qoymuşdur. İnkişaf
etmiş ölkələrin
təcrübəsi göstərir
ki, peşə təhsili hər bir ölkənin həyatında əhəmiyyətli
rol oynayır. Az vaxt içərisində
iqtisadiyyatın müxtəlif
sahələri üçün
mütəxəssis kadrların
hazırlanması yalnız
təhsilin bu sahəsində mümkündür.
Peşə təhsilini
iqtisadiyyatın inkişafetdirici
bazası hesab edirlər. Bu gün ölkəmizdə 144 texniki
peşə təhsili
müəssisəsi fəaliyyət
göstərir. Texniki
peşə təhsili
müəssisələrindən 6-sı işğal altında qalmış ərazidə
fəaliyyət göstərmiş
və hazırda fəaliyyətləri dayandırılmışdır.
Qalan təhsil müəssisələrindən 47-si peşə liseyi, 60-ı peşə məktəbi,
1-i isə Peşə
Tədris Mərkəzidir.
Bu müəssisələrdə 101 peşə üzrə
24.000-dən çox şagird
təhsil alır. Bizim məktəblərə
hər il orta hesabla 14000-dən yuxarı şagird qəbul olunur. Bunlar faktiki rəqəmlərdir. Bizi isə daha çox
texniki peşə təhsili sahəsində hazırlanan kadrların keyfiyyəti maraqlandırır.
Deyim ki, texniki peşə təhsili sektoru təhsilin spesifik xüsusiyyətləri olan
sahəsidir. Bu məktəblərin
şagirdləri ilə
işləmək pedaqoji
kollektivdən xüsusi
bacarıq və vərdişlər tələb
edir. Artıq Azərbaycanın texniki peşə təhsili sahəsində kifayət qədər təcrübəli
pedaqoqlar vardır və onlar bu
sahənin inkişafına
böyük həvəslə
xidmət göstərirlər.
Rəhbərlik etdiyim 7
saylı Bakı Peşə Liseyi ölkəmizdə peşə
təhsili islahatlarının
uğurla həyata keçirilməsi üçün
böyük işlər
görür. Məktəbimiz
Azərbaycan Respublikası
Nazirlər Kabinetinin
23 avqust 1996-cı il tarixli qərarı ilə lisey statusu almışdır.
V.H. Ağayev adına
7 saylı Bakı Peşə Liseyi 1970-ci ilə qədər neftmaşınqayırma sənayesi,
sonralar isə “Ulduz” Elmi İstehsalat
Birliyi üçün
ixtisaslı fəhlə
kadrları hazırlayan
56 saylı Texniki Peşə Məktəbi kimi fəaliyyət göstərmişdir. 1996-cı ildən yeni statusla fəaliyyətə
başlayan məktəbimiz
yeni ixtisaslar üzrə kadr hazırlığına başlamışdır.
Bizim məktəb əsasən informasiya-kommunikasiya
texnologiyaları üzrə
kadr hazırlığına
üstünlük verir.
Bu da təbiidir. Belə ki, indi
ölkəmizdə informasiya
texnologiyalarının tətbiqi
diqqət mərkəzindədir.
Dövlət rəhbərimiz
İlham Əliyev informasiya texnologialarının
inkişafına böyük
qayğı göstərir.
Cənab Prezident
2004-cü ildə orta
ümumtəhsil məktəblərinin
informasiya-kommunikasiya texnologiyaları
ilə təminatına
dair Dövlət Proqramı imzalamışdır.
Həmin Proqrama görə 2007-ci ilə kimi hər 33 şagirdə bir kompyuter nisbəti həll olunmalı idi. Artıq bu proqram reallaşıb
və bu gün orta məktəb
şagirdlərinin hər
29 nəfərinə bir
kompyuter nisbəti həll olunmuşdur.
2008-2012-ci illəri əhatə
edən yeni bir Dövlət Proqramının da qəbul olunması bu sahəyə ölkə rəhbərinin
xüsusi önəm verməsinin əyani sübutudur.
Söz yox ki, XXI əsr informasiya cəmiyyətinin
formalaşması dövrü
olduğundan hər kəsin informasiya texnologiyaları sahəsində
müəyyən bilik,
bacarıq və vərdişlərə yiyələnməsi
vacibdir. Ona görə də cəmiyyətin inkişafında
böyük əhəmiyyət
daşıyan peşə
təhsili sistemi də bundan kənarda qala bilməz. Bizim liseydə bu sahədə kadr hazırlığına böyük
önəm verilir. Belə ki, ixtisaslarımız
demək olar ki, ancaq bu
sahəni əhatə
edir. Onlar kompyuter üzrə
operator, kompyuter texnikasının
sazlayıcısı, mühasib-fərdi
kompyuter operatoru, kompyuter texnikasının təmiri ixtisaslarıdır.
Bu ixtisaslar
üzrə liseyimizdə
əsas təhsil bazasından 341, orta təhsil bazasından isə 60 nəfər şagird təhsil alır. Onların təlim-tərbiyəsi ilə
64 mühəndis-pedaqoji işçi
məşğul olur.
Bu il 100 nəfər şagirdimiz məktəbi
bitirir. Onlardan 56 nəfəri hərbi xidmətə çağırışçıdır.
Qalanları isə müxtəlif müəssisələrlə
bağladığımız muqaviləyə uyğun olaraq işlə təmin olunacaqlar. Bizim “Kür” MMC, “Məşəl” MMC, “İnter press” qəzet redaksiyası,
“Dibare Melal” MMC və
s. təşkilatlarla kadr
hazırlanması ilə
bağlı müqavilələrimiz
var.
Liseyimizin maddi-texniki
bazası ildən-ilə
möhkəmlənir. Yeni
kompyuterlər, müxtəlif
avadanlıqlar alırıq.
Təhsil Nazirliyinin yaxından köməkliyi
ilə bu yaxınlarda 8 ədəd müasir tələblərə
uyğun kompyuter əldə etmişik. Bundan başqa, proyektorlar, ayrı-ayrı
ixtisaslar üçün
əyani vasitələr
alınıb şagirdlərin
istifadəsinə verilmişdir.
Onu da deyim ki, bizim
liseyin binası müasir tələblərə
uyğun olaraq təmir edilmişdir. Burada kompyuter texnikasının təmiri
və quraşdırıcısı
ixtisası üzrə
laboratoriya və emalatxana hazırlanıb şagirdlərin istifadəsinə
verilmişdir.
Bunlar hamısı
təhsilin keyfiyyətli
aparılması üçün
səmərəli şərait
yaradır. Təhsil naziri Misir Mərdanov,
eyni zamanda, nazirliyin texniki peşə təhsili şöbəsinin müdiri
Namiq Məmmədov vaxtaşırı bizim fəaliyyətimizlə maraqlanır
və lazım olan köməkliyi göstərirlər. Bu yaxınlarda
nazir Misir Mərdanov bildirdi ki, peşə təhsili sistemi üçün yeni kurrikulumlar hazırlanır.
Artıq orta ümumtəhsil məktəblərində
bu islahatlar başlanmışdır. İnanırıq
ki, kurrikulum islahatı peşə təhsili sistemində təhsilin keyfiyyətinə
öz təsirini göstərəcəkdir.
Doğrudan da, ölkəmizdə peşə
təhsilinin inkişafına
böyük önəm
verilir. Bu sahədə
başlanan islahatların
uğurla həyata keçirilməsi üçün
ciddi tədbirlər görülür.
Kollektivimiz də bu islahatların reallaşmasına öz töhfələrini verir.
Dövlət Proqramında
qarşıya qoyulmuş
vəzifələrin həyata
keçirilməsi üçün
bütün imkanlar səfərbər olunmuşdur.
Yəhya SƏFƏROV,
7 saylı Bakı
Peşə
Liseyinin direktoru
Xalq qəzeti.-
2009.- 14 aprel.- S. 7.