Daşkənd sərgisində Azərbaycan

çayları və “Bizim tarla”nın

məhsulları böyük maraqla qarşılandı

Özbəkistanın Daşkənd şəhərində 3-cü Beynəlxalq “Çay və qəhvə” festivalı keçirilmişdi. Özbəkistan respublikasının Kənd Təsərrüfatı Nazirliyi və qeyri-dövlət təşkilatının təşkilatçılığı ilə 3-cü Beynəlxalq “Çay və qəhvə” sərgisi keçirilmişdir. Sərgidə Almaniya, Rusiya, Ukrayna şirkətləri öz məhsulları ilə təmsil olunurdular.

“Azərsun Holdinq” Şirkətlər Qrupu 3-cü Beynəlxalq “Çay və qəhvə” sərgisində Azərbaycan Respublikasının yeganə təmsilçisi idi.

Festivalda holdinq Azərbaycanın çay mədəniyyətini layiqli nümayiş etdirmişdir. Azərbaycan Respublikasında inkişaf etməkdə olan qida sənayesi, şirkətin tətbiq etdiyi standartlar və istehsal prinsipləri barədə tədbir iştirakçılarına məlumat verilmişdir.

Tədbir zamanı, müsabiqənin ən yüksək mükafatına “Azərsun Holdinq” layiq görülmüşdür.

Sərgi geniş media dəstəyi ilə müşayiət olunmuşdur. Tədbirin son günü, “Azərsun Holdinq” Şirkətlər Qrupunu təmsil edən nümayəndə heyəti Daşkənd şəhərində yerləşən Uşaq evində olmuş və onlara humanitar yardım etmişdirlər.

Xalq qəzeti.-2008.-7 dekabr.- S.7.