Suraxanı rayonunda

“Heydər Əliyev – ömrün davamı”

adlı anım mərasimi keçirilmişdir

Azərbaycan xalqının ümummilli lideri, ulu öndər Heydər Əliyevin vəfatının 5-ci ildönümü ilə əlaqədar respublikanın bütün bölgələrində olduğu kimi Suraxanı rayonunda da anım mərasimi keçirilmişdir. Rayonun Səttar Bəhlulzadə adına mədəniyyət sarayında “Heydər Əliyev - ömrün davamı” adlı ədəbi-bədii kompozisiyanın nümayişi ilə ulu öndərin əziz xatirəsi anılmışdır. Mərasimdə Suraxanı Rayon İcra hakimiyyətinin başçısı İlqar Abbasov, Milli Məclisin deputatları Əhməd Vəliyev, Musa Urud, xalq şairi Zəlimxan Yaqub, YAP Suraxanı rayon təşkilatının sədri Vüqar Seyidov, təhsil, səhiyyə, sənaye, bələdiyyə və RİHB-nin qəsəbə nümayəndələri iştirak etmişlər.

Səttar Bəhlulzadə adına mədəniyyət sarayının foyesində ümummilli liderin həyatını əks etdirən çoxlu sayda foto-stendlər və Suraxanı rayonuna səfərlərini əks etdirən şəkillər düzülmüşdü. Xüsusi tərtibatla hazırlanan, ulu öndərin büstü qoyulan səhnədə “Heydər Əliyev — ömrün davamı” adlı ədəbi-bədii kompozisiyada rayon ərazisində yerləşən məktəblərdə təhsil alan şagirdlərin ifasında ümummilli lider Heydər Əliyevin fəaliyyətinin müxtəlif dövrlərini, bu gün Prezident İlham Əliyevin rəhbərliyi altında aparılan geniş miqyaslı abadlıq-quruculuq işlərini özündə əks etdirən şeirlər, musiqilər səslənmiş və böyük ekranda video-çarxlar göstərilmişdir.

Vaqif BAYRAMOV

Xalq qəzeti.-2008.- 13 dekabr.- S.7.