15
iyun - Milli Qurtuluş Günü ərəfəsində
Teleradio İB bir sıra tədbirlər keçirib
15 iyun - Milli Qurtuluş
Günü ərəfəsində Azərbaycan Rabitə və
İnformasiya Texnologiyaları Nazirliyinin Teleradio İstehsalat
Birliyində və yerlərdəki filiallarda bir sıra tədbirlər
görülüb. Bu barədə nazirliyin mətbuat xidmətindən
xəbər verilib.
Xəbərdə deyilir
ki, Teleradio İB-nin Bakı Teleqüllə müəssisəsində
UHF anten-fider sisteminin rekonstruksiyası ilə əlaqədar
olaraq 22, 27, 31 və 44 TV kanallarda istifadə olunan kombayner və
36 panelli, altı mərtəbəli, altı yönlü 35
kVt-lıq UHF antenna-fider sistemi quraşdırılıb. Nəticədə
Abşeron yarımadasında, Sumqayıt şəhərində,
Bakıətrafı qəsəbələrdə AzTV, SPACE TV,
ANS kanallarının proqramlarının yayım keyfiyyəti
bir necə dəfə artıb.
“Respublika” radio
proqramının yayım əhatəsini genişləndirmək
məqsədi ilə görülən işlər davam
etdirilib. Füzuli rayonunda 250 Vt gücündə “RVR Elektronika”
tipli TV verici quraşdırılıb və istifadəyə
verilib. Özəl TV proqramların yayım əhatəsinin
genişləndirilməsi istiqamətində də işlər
davam etdirilir. Bu məqsədlə Şamaxıda XƏZƏR
TV proqramını yayımlayan yeni 500 Vt gücündə
Vigintos elektronika tipli verici quraşdırılıb.
M.MÜKƏRRƏMOĞLU
Xalq qəzeti.- 2009.- 11
iyun.- S. 8.