1932-1938-ci illərdə Tibb İnstitutuna rəhbərlik
etmiş böyük ictimai-siyasi xadim, dövlət xadimi Əziz Əliyev bu təhsil ocağının inkişaf
etməsinə böyük
əmək sərf etmişdir. O dövrdə 3
fakültənin, 10-dan artıq
kafedranın açılması,
Azərbaycan dilində
dərsliklərin nəşri,
milli dildə dərslərin təşkili
və bu gün hamımızın
qürur duyduğumuz Tibb Universiteti şəhərciyinin əsası
Əziz Əliyev tərəfindən qoyulmuşdur.
Sevindirici haldır ki,
bu gün yubileyini qeyd etdiyimiz “Təbib” qəzeti də görkəmli alimin şəxsi təşəbbüsü,
böyük qayğısı
ilə həyata vəsiqə almışdır.
1933-cü ilin
16 dekabrında ilk sayı
işıq üzü
görən “Tibbi kadro uğrunda” qəzeti Tibbi İnstitutunun həyatında
və eləcə də respublikanın ictimaiyyəti arasında böyük rəğbətlə
qarşılandı. Həmin
dövrdə belə bir mətbu orqana böyük ehtiyac hiss olunurdu. Xüsusilə, mövcud problemlərin
aradan qaldırılması,
milli kadrların yetişdirilməsi, tələbələrin
təlim-tərbiyəsi sahəsində
mühüm işlər
görülməliydi. Qarşıda duran qlobal problemləri Əziz Əliyev kimi böyük şəxsiyyət
görməyə bilməzdi.
Bir sıra çətinliklərə
baxmayaraq, o, istəyinə
nail oldu. Bundan sonra
institut əməkdaşları,
professor və müəllimlər,
tələbələr, eləcə
də həkimlər elmi-pedaqoji fəaliyyətlərini
işıqlandıran yeni
tribuna əldə etdilər.
“Tibbi kadro uğrunda”
adı altında fəaliyyətə başlayan
qəzet milli kadr uğrunda mübarizəyə qoşuldu. Həmin günlərdə
institut rəhbərliyi
sadə zəhmət adamlarının övladlarını,
xüsusilə, qızları
tibb institutuna cəlb etmək üçün qəzetin
imkanlarından istifadə
edirdi.
1937-ci ilin 20 noyabrından etibarən “Medisina kadrları uğrunda” adı ilə çıxmağa başlayan
qəzet artıq geniş redaksiya funksiyasına və fəal müxbirlərə
malik idi. Bu dövrdə fəallığı
daha da yüksələn
qəzet nailiyyətləri
göstərməklə yanaşı,
mövcud qüsurları
da cəsarətlə
tənqid edirdi. Xüsusilə, institutda nizam-intizamın
möhkəmlənməsi, təlim-tərbiyənin yüksək
səviyyədə aparılması
işi qəzetin daimi mövzularından biri idi.
Tibb İnstitutu ictimaiyyətin
sevimli qəzeti kimi fəaliyyət göstərən “Medisina
kadrları uğrunda”
qəzet 1940-cı ilin
mart ayından kiril əlifbası ilə nəşr edildi. Cəmi
bir ildən sonra 1941-ci ilin may ayında 12-ci sayı çıxdı, iyun ayında İkinci Dünya müharibəsi başlanması ilə əlaqədar qəzetin nəşri müvəqqəti
olaraq dayandırıldı.
Qəzet
1969-cu ilin əvvəllərindən
“Tibb kadrları uğrunda” adı ilə fəaliyyətini davam etdirir. Bu dövrdə fakültələrin,
kafedraların, qabaqcıl
professor və müəllimlərin
həyat və fəaliyyəti daha geniş işıqlandırılır.
Professor İbrahim Topçubaşovun
haqqında yazılan məqalə, K.Balakişiyevin
rəhbərliyi altında
1938-ci ildə anatomiya
muzeyinin SSRİ məkanında
ən yaxşı muzeyə çevrildiyindən
bəhs edən və “Azərbaycanın orta əsr tibb
alimləri” başlıqlı
yazılar istər elmi, istərsə də tarixi baxımdan olduqca maraqlı və səciyyəvidir.
Azərbaycan Tibb İnstitutunun “Tibb kadrları uğrunda” qəzeti
1990-cı ilin sentyabr ayından “Təbib” adı ilə fəaliyyətini davam etdirir. Lakin 1995-1996-cı illərdə qəzetin fəaliyyəti
zəiflədi və müvəqqəti olaraq nəşri dayandırıldı.
Təbii ki, böyük tarixi ənənəsi olan bu qəzetin
nəşri universitet
rəhbərliyini düşündürməyə
bilməzdi. Bu məsləyə
böyük əhəmiyyət
verən Tibb Universitetinin rektoru, akademik Əhliman Əmiraslanov qəzetin fəaliyyətini bərpa
etmək üçün
xüsusi qayğı
və təşəbbüs
göstərdi. “Təbib” qəzeti 1997-ci ilin iyun ayından
yeni redaksiyada nəşrə başladı.
Ölkəmiz müstəqillik əldə
etdikdən sonra, xüsusilə, ümummilli
liderimiz, möhtərəm
Heydər Əliyevin prezidentliyi dövründə
azad fikrə, azad sözə geniş meydan açıldı. Bu gün
demokratik yolla inkişaf edən Azərbaycanımızın çoxşaxəli
mətbuat sistemində
“Təbib” qəzeti də uğurla fəaliyyət göstərir.
Ayda iki dəfə işıq üzü görən “Təbib” qəzeti, sözün əsl mənasında, Tibb Universitetinin güzgüsü rolunu oynayır. Universitetin ictimai həyatını, elmi yenilikləri, görkəmli alimlərin
yubileylərini, dünya
tibb elmində baş verən son məlumatları öz oxucularına çatdırmaqda
qəzet geniş iş aparır. Qəzetin səhifələrində
özünə ardıcıl
yer qazanmış həkim məsləhətləri,
xalq təbabətindən
nümunələr, tanınmış
alimlərin ayrı-ayrı
xəstəliklərlə bağlı
çıxışları təkcə tibb ictimaiyyəti, tələbələr
arasında deyil, həmçinin geniş xalq kütləsi tərəfindən rəğbətlə
qarşılanır, “Təbib”
qəzeti təkcə
Tibb Universitetinin həyatı ilə məhdudlaşan bir çərçivədə deyil,
Azərbaycan səhiyyəsi
ilə bağlı aktual yazılara da mütəmadi yer ayırır.
“Təbib” müstəqil ölkəmizdə baş
verən ictimai-siyasi hadisələrə də
ardıcıl olaraq öz münasibətini bildirmişdir. Onun hər sayında
birinci səhifədə
Azərbaycan Prezidenti,
möhtərəm İlham
Əliyevin daxili və xarici siyasəti ilə bağlı sonuncu xəbərləri əks
etdirən daimi guşə fəaliyyətdədir.
Sentyabrın 18-də ATU-nun tədris-terapevtik klinikasının
təməlqoyma mərasimində
iştirak edən Azərbaycan Prezidenti cənab İlham Əliyevin universitetə gəlişi bu ali məktəbin
həyatında bayram şənliyinə çevrildi.
Günün aktual məsələlərinə
həssas yanaşan “Təbib” qəzeti öz səhifələrində
bu mühüm hadisəyə geniş yer ayırdı.
Bu gün Azərbaycan Dövlət Tibb Universitetinin ictimaiyyəti
öz əhatə dairəsində tarixi salnamə rolunu oynayan “Təbib” qəzetinin 75 illik yubileyini qeyd edir. Universitet rəhbərliyinin
daimi qayğısı
və diqqəti ilə əhatə olunmuş “Təbib” ötən illər ərzində olduğu kimi, yenə də Tibb Universitetinin
elmi-pedaqoji, ictimai-siyasi
həyatında və
təlim-tərbiyə sahəsindəki
müvəffəqiyyətlərdə mühüm rol oynayacaqdır.
Eldar İSMAYIL,
“Təbib” qəzetinin
baş redaktoru
Xalq qəzeti.-2008.-30 noyabr.-S.6.