Ötən il 21,2 milyard kilovatt-saat elektrik enerjisi istehsal edilib
“Azərenerji”
ASC-nin mətbuat xidmətindən aldığımız
məlumata görə,
elektrik enerjisinin 19 milyard kilovatt-saatı istilik elektrik stansiyasında, 2,2 milyard kilovatt-saatı isə su elektrik
stansiyalarında hasil edilib.
Bundan əlavə,
ötən ilin dekabr ayında ölkə enerji sistemində 2,1 milyard kilovatt-saat elektrik enerjisi istehsal edilib ki, bunun
da 2 milyard kilovatt-saatı istilik elektrik stansiyalarının,
0,1 milyard kilovatt-saatı
isə su elektrik stansiyalarının
payına düşür.
Bununla yanaşı,
il ərzində
qonşu dövlətlər
— Rusiya Federasiyası,
Türkiyə, İran
İslam Respublikası
və Cürcüstanla
planlı şəkildə
elektrik enerjisi mübadiləsi davam etdirilib.
Onu da qeyd edək ki, Dünya Azərbaycanlılarının Həmrəyliyi
Günü və Yeni il günündə
(31 dekabr 2008-ci il) “Azərenerji” sistemində
73,6 milyon kilovatt-saat elektrik enerjisi istehsal olunub.
Qəzənfər QASIMOV
Xalq qəzeti.-2009.- 11 yanvar.- S.7.