“Şəmkir SES silsiləsi” üzrə təmir işləri aparılıb

“Azərenerji” ASC-nin mətbuat xidmətindən aldığımız məlumata görə, “Şəmkir SES”də gücü 190 meqovat olan 2 saylı hidroaqreqat sel sularının qəbulu və ötürülməsi mövsümündə normal işləyir. Gücü 190 meqavatt olan 1 saylı hidroaqreqatda isə təmir işləri başa çatıb və blok işə qoşulub.

Kran təsərrüfatında olan 5 ədəd kətilli və 2 ədəd körpülü kranlar saz vəziyyətdədir. Ümumilikdə isə stansiyada 13 transformator, 330-110 kulovoltluq 12 ədəd hava açarı, 12 ədəd kompressor qurğuları təmirdən və profilaktik yoxlamalardan keçirilib və hazırda normal vəziyyətdədir.

“Yenikənd SES”də isə hər birinin gücü 37,5 meqavatt olan 4 ədəd hidroaqreqat hazırda normal vəziyyətdədir. Burada da işdə olan 2 ədəd kətilli və 1 ədəd körpülü kranlar, 5 ədəd 110 kilovoltluq qaz açarı, 12 ədəd müxtəlif gücə malik transformator profilaktik yoxlamadan keçirilib və aşkar olunan xırda nöqsanlar aradan qaldırılıb.

Bundan əlavə, yanğın təhlükəsi olan bütün iş yerləri və obyektlər diqqət mərkəzində saxlanılır və onlar təlimata uyğun olaraq yanğına qarşı ləvazimatlarla tamamilə təmin olunublar.

Qəzənfər QASIMOV

Xalq qəzeti.-2009.-11 yanvar.- S.7.