Kənd Təsərrüfatı
Nazirliyi Aqrar Elm Mərkəzi Azərbaycan Elmi Tədqiqat Əkinçilik
İnstitutu
İş yerləri barədə elan
Azərbaycan Hökuməti
Dünya Bankının Dəstəyi ilə İkinci Kənd
Təsərrüfatının İnkişafı və Kreditləşməsi
Layihəsini həyata keçirir. Layihənin ümumi məqsədi
fermerlərin, kiçik və orta-həcmli kənd müəssisələrinin
kənd biznes və kənd təsərrüfatı dəstək
xidmətlərinə, o cümlədən, maliyyə, məsləhət
və baytarlıq xidmətlərinə çıxış
imkanlarını artırmaq və kənd ərazilərinə
bazar yönümlü investisiyaları stimullaşdırmaqdır.
Layihənin əsas
komponentləri və fəaliyyətləri (I) kənd təsərrüfatı
biznes xidmətləri o cümlədən, təkmilləşmiş
maliyyə xidmətləri, biznes əlaqələri və
texnoloji yeniliklər üçün kiçik qrantlar və kənd
biznes məsləhət və bazar xidmətləri və (II)
kənd təsərrüfatına dəstək xidmətləri,
o cümlədən məsləhət sisteminin və
baytarlıq xidmətlərinin genişləndirilməsi və
uyğunlaşdırılmış texnilogiyalara
çıxışın təkmilləşdirilməsi
(Elmi-Tədqiqat Əkinçilik İnstitutunun modernləşdirilməsi)
proqramıdır.
Proqramın məqsədi
Elmi-Tədqiqat Əkinçilik İnstitutunun (ETƏİ)
imkan və şəraitinin
yaxşılaşdırılması, əsas diqqəti keyfiyyətə
və bazar standartlarına eləcə də məhsuldarlığa
yönəltməklə istehsalçılar və
emalçılar üçün uyğunlaşmış
texnologiyaların yaradılması, nümayiş etdirilməsi
və bununla da yeni texnologiyalara təkmilləşdirilmiş
çıxışı təmin etməkdir.
Proqramın Təşkilatlanma
və İdarəetmə bölməsinə uyğun olaraq
fermerlərin və bazarın rəqabət qabiliyətinə
cavab verməsi və daha yaxşı xidmət göstərməsi
üçün Elmi-Tədqiqat Əkinçilik
İnstitutunun strukturu yenidən təşkil olunur. Yeni təşkilatı
struktura uyğun olaraq İnstitutu yüksək ixtisaslı
kadrlarla təmin etmək məqsədi ilə Azərbaycan
Elmi-Tədqiqat Əkinçilik İnstitutu aşağıda
göstərilən şöbə, laboratoriya, qrup və mərkəz
müdirləri vəzifələrini tutmaq üçün
Müsabiqə elan edir
Seleksiya şöbəsi
Bitki fiziologiyası və
biotexnologiya şöbəsi
Davamlı əkinçilik
və bitki diversifikasiyası şöbəsi
Torpaq və bitki analizləri
laboratoriyası
Dənin keyfiyyəti
laboratoriyası
Xəstəlik və zərərvericilərə
nəzarət laboratoriyası
İlkin toxumçuluq və
toxumun keyfiyyət laboratoriyası
Yayım və təlim əlaqə
qrupu
Kitabxana və kompyuter mərkəzi
Vəzifələrin təsviri
Seleksiya şöbəsi
Seçiləcək
namizəd bitkilərin seleksiyası şöbəsinə rəhbərlik
edəcək.
Şöbənin heyəti institutun mandatında olan bitkilər
(buğda, arpa, qarğıdalı, ərzaq paxlalıları)
üzərində seleksiya işləri aparmaqla yerli və
introduksiya olunmuş nümunələrin seçilməsi və
hibridləşməsi yolu ilə yüksək məhsuldar,
keyfiyyətli, xəstəlik və zərərvericilərə
davamlı və ekoloji cəhətdən bölgələrin
təbii-iqlim şəraitinə uyğunlaşa bilən
sortlar yaradacaqlar. Namizəd şöbənin
bütün tədqiqat proqramını idarə etməklə
bərabər öz tədqiqat proqramını da həyata
keçirəcəkdir. O, çoxsahəli tədqiqat
komandasında işləməyə hazır olmaqla
İnstitutun Texniki Şurasının üzvü olur.
Bitki fiziologiyası və biotexnologiya şöbəsi
Seçiləcək
namizəd bitki fiziologiyasi və biotexnologiya şöbəsinə
rəhbərlik edəcək. Heyət institutun mandatında
göstərilən bitkilərin morfo-fizioloyi və biokimyəvi
aspektlərdə stress amillərə davamlılıq problemləri,
bitki sortlarının təkmilləşdirilməsi, dənli
bitki sortlarının zülal kompleksinin abiotik və biotik
amillərdən asılı olaraq formalaşması, orqanizm və
hüceyrə səviyyəsindəki stress təsirlərdə
müxtəlif dənli bitki genotiplərinin
adaptasiyasının və digər məsələlərin
öyrənilməsi ilə məşğul olacaq və əldə
olunan nəticələri seleksiya işlərinə yönəldəcək.
Namizəd şöbənin bütün fəaliyyətini
idarə etməklə bərabər öz tədqiqat
proqramını da həyata keçirəcəkdir. Seçiləcək namizəd çoxsahəli tədqiqat
komandasında işləməyə hazır olmaqla institutun
Texniki Şurasının üzvü olur.
Davamlı əkinçilik və bitki diversifikasiyası
şöbəsi
Seçiləcək
namizəd davamlı əkinçilik və bitki
diversifikasiyası şöbəsinə rəhbərlik edəcək. Şöbə müasir
texnologiyaları (təsərrüfat gəlirlərini
artırmaq məqsədilə bitkilərin diversifikasiyası,
təbii ehtiyatların davamlı istifadəsi və
konservasiyası (qorunub saxlanması), torpaq becərmələrinin
sayının azaldılması, sıfır becərmə, torpağın
mühafizəsi - münbitliyin qorunması və eroziya məsələləri,
tirə əkinləri, quraq və suvarılan ərazilərdə
sudan istifadənin səmərəliliyi, zərərvericilərin
inteqrə olunmuş idarə edilməsi, ətraf mühitə
zərər vurmayan əkinçilik təcrübəsindən
istifadə və istehsal vasitələrinin istifadəsinin
optimallaşdırılması) tətbiq etməklə
suvarılan və dəmyə əkinçilikdə bitkilərin
məhsuldarlığının və keyfiyyətinin
artırılması istiqamətində tədqiqat işlərinə
məsul olacaqdır. Namizəd şöbənin
bütün tədqiqat proqramını idarə etməklə
bərabər öz tədqiqat proqramını da həyata
keçirəcək, eyni zamanda İnstitutun Texniki
Şurasının üzvü olacaqdır.
Torpaq və bitki analizləri laboratoriyası
Seçiləcək
namizəd torpaq və bitki analizləri (tədqiqi)
laboratoriyasına rəhbərlik edəcək. Laboratoriyanın heyəti
torpaqda ümumi humusun və udulmuş əsasların,
şoranlıq və şorakətlik dərəcələrinin
təyini və adekvat tədbirlərin görülməsi,
bitkilərdə makro və mikroelementlərin, dəndə azot
və fosforun təyini, respublikanın müxtəlif
torpaq-iqlim şəraitində iqtisadi cəhətdən səmərəli
məhsul alınmasını, torpaq münbitliyinin bərpasını
təmin edən qida rejimlərinin öyrənilməsi,
bölgələr üzrə torpaqların aqrokimyəvi
analizləri ilə bağlı məlumat bazasının
hazırlanması, informasiyaların yayılması və
müvafiq tövsiyələrin verilməsi istiqamətlərində
yayım əlaqələri ilə əməkdaşlığın
genişləndirilməsi istiqamətində fəaliyyət
göstərəcəkdir. Laboratoriya müdiri
seçilmiş namizəd çoxsahəli tədqiqat
komandasında işləməyə hazır olmaqla institutun
Texniki Şurasının üzvü olur.
Dənin keyfiyyəti laboratoriyası
Seçiləcək
namizəd dənin keyfiyyəti laboratoriyasına rəhbərlik
edəcək.
Laboratoriyanın heyəti yumşaq buğdalarda un
çıxımı və çörək bişirmənin
kompleks keyfiyyət göstəricilərinin təyini, bərk
buğda sortlarında makaron və yarma keyfiyyətlərinin təyini,
yumşaq və bərk buğdalarda, arpada ehtiyat
zülalların və pivəlik xüsusiyyətlərinin tədqiqi,
qarğıdalının, ərzaq paxlalılarının
(noxud və mərcimək) keyfiyyət göstəricilərinin
təyini sahəsində fəaliyyət göstərəcək
və əldə olunan nəticələri seleksiya işlərinə
yönəldəcək. Laboratoriya, həmçinin nəzərdə
tutulmuş taxılın xüsusi müqavilə əsasında
keyfiyyət göstəricilərinin təyini və müvafiq
şəhadətnamələrin hazırlanması, verilməsi
və s. sahələrdə fəaliyyət göstərəcək.
Seçiləcək namizəd çoxsahəli
tədqiqat komandasında işləməyə hazır olmaqla
institutun Texniki Şurasının üzvü olur.
Xəstəlik və zərərvericilərə nəzarət
laboratoriyası
Seçiləcək
namizəd xəstəlik və zərərvericilərə nəzarət
laboratoriyasına rəhbərlik edəcək. Laboratoriya İnstitutun yeni
mandatında göstərilən bitkilərin (buğda, arpa,
qarğıdalı, ərzaq paxlalıları) yerli və
introduksiya olunmuş rüşeym plazmalarının
(nümünələrinin) kompleks olaraq xəstəlik və
zərərvericilərə davamlılıqlarının
müəyyənləşdirilməsi, respublikanın dəmyə
və suvarma əkinçiliyində məhsuldarlığın
artırılmasında həlledici rol oynayan xəstəlik və
zərərvericilərə qarşı inteqrir mübarizə
tədbirlərinin öyrənilməsi, tətbiqi və tədrisi,
fermer və digər uyğun torpaq mülkiyyətçilərininin
əkin sahələrinin fitosanitar vəziyyətinin
aydınlaşdırılması, müvafiq tövsiyələr
verilməsi, xəstəlik, zərərverici və
alaqların yayılması, zərərvurma hədlərinin
müəyyənləşdirilməsi, onlara qarşı
effektiv mübarizə tədbirlərinin işlənib
hazırlanması sahəsində regional və beynəlxalq təşkilatlarla,
elmi müəssisələrlə əməkdaşlığın
gücləndirilməsi istiqamətində fəaliyyət
göstərəcək. Seçiləcək
namizəd çoxsahəli tədqiqat komandasında işləməyə
hazır olmaqla institutun Texniki Şurasının üzvü
olur.
İlkin toxumçuluq və toxumun keyfiyyət laboratoriyası
Seçiləcək
namizəd ilkin toxumçuluq və toxumun keyfiyyət
laboratoriyasına rəhbərlik edəcək. Laboratoriya institutun
mandatında olan bitkilərin ilkin toxumçuluq işinin
aparılması, onların yüksək məhsuldarlığa
və sabit irsi əlamətlərə malik, xəstəliklərə,
zərərvericilərə və müxtəlif iqlim şəraitinə
dözümlü sortlarının toxumlarının səmərəli
üsullarla artırılması və
çoxaldılması, həmçinin bioloji cəhətdən
təmiz super-elit və elit toxum istehsal edilməsinə məsul
olacaq. Namizəd çoxsahəli tədqiqat
komandasında işləməyə hazır olmaqla institutun
Texniki Şurasının üzvü olur.
Yayım və təlim əlaqə qrupu
Seçiləcək
namizəd yayım və təlim əlaqə qrupuna rəhbərlik
edəcək.
Qrupda çalışacaq heyət elmi nailiyyətlərin
və mütərəqqi texnologiyaların mümkün qədər
geniş əraziyə yayılması və
istehsalçıların peşəkar köməyə olan
ehtiyaclarını ödəmək istiqamətində fəaliyyət
göstərəcəklər. Namizəd Kənd Təsərrüfatının
İnkişafı və Kreditləşməsi Layihəsinin tərkib
hissəsi olan İnformasiya və Məsləhət Xidməti
Komponentinin bir hissəsi kimi yaradılmış 10 Regional Məsləhət
Mərkəzləri (RMM) ilə sıx əlaqə
yaratmalıdır. Bununla yanaşı seçiləcək
namizəd Şəki, Zaqatala, Cəlilabad, Qobustan və Tərtər
Bölgə Təcrübə Stansiyalarında aparılan
işlərlə müvafiq RMM, Regional Aqrar Elm Mərkəzləri
(RAEM) arasında əlaqələrin möhkəmlənməsinə
köməklik göstərməlidir. İnformasiya
ötürülməsini yaxşılaşdırmaq
üçün təcrübə stansiyalarında seminar və
tarla günləri keçirilməsi və informasiya
mübadiləsi edilməsinə də məsul olacaqdır.
Namizəd Elmi-Tədqiqat Əkinçilik
İnstitutunda aparılan işlərin nəticələri barədə
RMM-i və RAEM-i tam məlumatlandırmalı və hər iki
istiqamətdə əks-əlaqə yaradılmasını təşkil
etməlidir. Yayım və təlim əlaqə
qrupunun rəhbəri seçilən şəxs həm də
ETƏİ-na ünvanlanmış müraciəti xüsusi tədqiqat
heyətinə istiqamətləndirəcək. Tədqiqatçılar və yayım işçiləri
ilə birgə aparılan sınaqların və
nümayişlərin nəticələrini bölüşmək
üçün əsas kənd təsərrüfatı
bölgələrində seminarlar təşkil edəcəkdir.
Qrup həmçinin, institutun xarıci əlaqələrinin
inkişafı, Beynəlxalq elm mərkəzlərində,
dünyanın qabaqcıl elmi müəssisələrində
olan elmi yeniliklərin, texnologiyaların, Azərbaycana gətirilməsi,
uyğunlaşdırılması istiqamətində də səylər
göstərəcəkdir. Qrupun rəhbəri
eyni zamanda institutun Texniki Şurasının üzvü olacaqdır.
Kitabxana və kompyuter mərkəzi
Seçiləcək
namizəd kitabxana və kompyuter mərkəzinə rəhbərlik
edəcək.
Mərkəzdə fəaliyyət göstərəcək
heyət AETƏİ-nun kitabxanasının yenidən
qurulması və digər elmi informasiya üçün
elektron məlumat bazasının yaradılmasını
reallaşdırmaq üçün kompyuter şəbəkəsinin
yaradılmasını təmin edəcəkdir. Bu informasiya həm yerli səviyyədə həm də
beynəlxalq səviyyədə bütün maraqlı tərəflər
üçün açıq olacaq, eləcə də
dünyanın müxtəlif elm mərkəzlərindən məlumatların
əldə edilərək müvafiq tədqiqat
proqramlarında istifadə edilməsini təmin edəcək.
AETƏİ-nun veb saytının
yaradılması, saxlanılması və təzələnməsi
də mərkəzin məsuliyyətində olacaqdır.
Vəzifəyə görə tələblər:
a) seçilmiş
bütün namizədlər şöbə, laboratoriya, qrup və
mərkəz üçün dərhal 5-illik iş planı,
yeni kadr təyinatı üçün iş və vəzifələrin
təsvirini hazırlamalı və yeni kadr təminatında
seçim prosesinə köməklik göstərməlidir;
b) vəzifələr
5-illik müqaviləyə əsaslanacaq və aparılan
işin nəticəsi və keyfiyyəti nəzərə
alınmaqla hər il təzələnəcək;
c) göstərilən
vəzifələri tutmaq üçün namizədlər
aşağıdakı keyfiyyətlərin hamısına,
yaxud əksəriyyətinə cavab verməlidir:
* Böyük elmi
işçi olaraq minimum 5-illik iş təcrübəsi
* Kənd təsərrüfatı
elmi üzrə ali dərəcəli
olması daha məqsədəuyğun olardı (yayım və
təlim əlaqə qrupu üçün kənd təsərrüfatı,
iqtisadiyyat və ya buna yaxın sahələrdə universitet dərəcəsi,
kənd təsərrüfatı, iqtisadiyyat üzrə elmi dərəcəli
olması daha məqsədəuyğun olardı; kitabxana və
kompyuter mərkəzi üçün müvafiq ixtisasa, bilik
və təcrübəyə malik olmalıdır)
* Sanballı elmi əsərləri
* Layihə idarəedilməsi
və elmi rəhbərlik sahəsində yüksək qabiliyyətə
malik olması
* Birgə tədqiqat
proqramlarında digər alimlərlə əməkdaşlıq
şəraitində iş təcrübəsi
* İngilis dili üzrə bilik
qabiliyyətinin olması faydalı olardı (yayım və təlim
əlaqə qrupu, kitabxana və kompyuter mərkəzi
üçün ingilis dili bilməsi vacibdir)
Ərizə təqdimetmə prosesi
Vəzifələrə namizədliklərini
irəli sürmək üçün iddiaçılar
aşağıdakı komponentlərdən ibarət ərizə
formasını təqdim etməlidir:
1.İddiaçının vəzifəni
tutmaqda marağını (səbəbi) izah edən ərizə
forması
2.Elmi əsərlərinin
siyahısı da daxil olmaqla təhsil və kadrların şəxsi
uçot vərəqəsi, elmi fəaliyyətinə dair tərcümeyi-hal
(yayım və təlim əlaqə qrupu vəzifəsi
üçün əlavə olaraq birgə tətbiqi tədqiqat
və ya yayım proqramlarında digər alimlərlə əməkdaşlıq
şəraitində fəaliyyət göstərməsi və
bu sahədə təcrübəsi, kitabxana və kompyuter mərkəzi
üçün müvafiq ixtisas, bilik və təcrübə)
3.İddiaçının namizədliyini dəstəkləyən rəy məktubu
4.Yeni şöbə (laboratoriya, qrup, kitabxana və kompyuter mərkəzi barədə namizədin prioritet hesab etdiyi sahələr və baxışlara dair təklifləri (10 səhifədən artıq olmamaqla). Təklifdə aşağıdakı məlumatlar öz əksini tapmalıdır:
a) şöbənin/laboratoriyanın, qrupun, mərkəzin forması və ümumi məqsədlərinə dair baxışları göstərməklə 2-səhifəlik şərh;
b) yeni heyətin işinə dair prioritet mövzuların siyahısı və vəzifələrin məntiqi əsaslandırılması;
c) yeni
şöbənin/laboratoriyanın, qrupun, mərkəzin
prioritet təlim ehtiyacları;
d) şöbə/laboratoriya,
qrup və mərkəz üzrə əsas prioritet
avadanlıqlara olan tələbatın siyahısı, o
cümlədən avadanlığa olan ehtiyacın əsaslandırılması;
e) tədqiqatın
məqsəd və vəzifələri, o cümlədən
şöbədən/laboratoriyadan, qrupdan, mərkəzdən
gözlənilən illik elmi və digər nəticələr;
f) şöbənin/laboratoriyanın,
qrupun, mərkəzin bir illik iş planı və büdcəsi;
g) şöbə/laboratoriya,
qrupvə mərkəz üzrə təklif olunan əməkdaşlıq
əlaqələri;
h) şöbədə/laboratoriyada,
qrupda və mərkəzdə elan olunacaq iş yerlərinin
birinin təsvirinə dair nümunə.
Müddət
Ərizələrin qəbulu
üçün son müddət 16 fevral 2009-cu il
saat 17.00-dır. Son müddətdən sonra təqdim
edilən sənədlər nəzərə alınmayacaq.
Ünvan:
Bakı şəhəri, Pirşağı qəsəbəsi,
2 №-li sovxoz.
Telefon 497-49-31;
551-61-30.
E-mail: talai_akinchi@box.az
Azərbaycan Elmi-Tədqiqat Əkinçilik
İnstitutunun Rəhbərliyi
Xalq qəzeti.-2009.-15 yanvar.-S.7.