Azərbaycan xalqı hər zaman ümummilli məsələlərdə güclü birlik həmrəylik nümayiş etdirir

 

Milli Məclisin deputatı, akademik Nizami Cəfərov

- Nizami müəllim, son günlər işğalçı Ermənistan cəbhə bölgəsində təxribatlar törətməkdədir. Azərbaycan Ordusu bu təxribatlara layiqli cavab verdi. İyulun 15-də Nazirlər Kabinetinin 2020-ci ilin birinci yarısının sosial-iqtisadi inkişafının yekunlarına qarşıda duran vəzifələrə həsr olunan iclasında Prezident İlham Əliyev baş verən hadisələrlə bağlı fikirlərini bildirib. Bu barədə deyə bilərsiniz?

 

- Məlumdur ki, Ermənistan silahlı qüvvələri iyulun 12-dən başlayaraq Azərbaycan-Ermənistan dövlət sərhədinin Tovuz istiqamətində növbəti təxribat törədərək qəflətən hərbi postumuza artilleriya atəşi açıb mövqelərimizi ələ keçirməyə cəhd göstərib. Düşmən tərəfin Tovuz istiqamətində törətdiyi təxribat nəticəsində bir neçə hərbiçimiz həlak olub yaralanıb. Eyni zamanda, şəhidlər versək , ordumuz bu dəfə düşmənin hərbi bölmələrinə sarsıdıcı zərbələr endirib, dövlət sərhədlərimizi rəşadətlə qoruyub.

 

Ümumiyyətlə, bu gün Azərbaycanın Silahlı Qüvvələri dünyanın ən güclü orduları sırasındadır. Güclü Azərbaycan Ordusu düşmənin istənilən təxribatına, həmləsinə layiqli cavab vermək iqtidarındadır. Son illərdə biz bunun dəfələrlə şahidi olmuşuq. 2016-cı ilin Aprel döyüşləri, hazırda Azərbaycan-Ermənistan sərhədində baş verən hadisələrin fonunda müşahidə olunanlar bunu bir daha təsdiq edir. Bu günlərdə düşmən ölkənin mediasında, sosial şəbəkələrdə yayılan xəbərlərdən məlum olur ki, Ermənistan Tovuz istiqamətində törətdiyi təxribatın layiqli cavabını alıb, canlı qüvvə texnika sarıdan daha böyük itkilərə məruz qalıb.

 

Nazirlər Kabinetinin 2020-ci ilin birinci yarısının sosial-iqtisadi inkişafının yekunlarına qarşıda duran vəzifələrə həsr olunan iclasında Prezident İlham Əliyev bildirib ki, görülmüş operativ tədbirlər nəticəsində Ermənistan ordusu layiqli cavabını aldı. Onlara sarsıdıcı zərbələr endirildi. Dövlət başçısının qeyd etdiyi kimi, onlarla erməni hərbçi məhv edildi, onların sərhədboyu yerləşən dayaq məntəqələrinin böyük hissəsi darmadağın edildi. Beləliklə, şəhidlərimizin qısası alındı.

 

Əlbəttə ki, bu döyüşlər Azərbaycan Ordusunun gücünü bir daha göstərdi. Bu döyüşlər işğalçılara növbəti xəbərdarlıqdır ki, Azərbaycan öz torpaqlarının işğalı ilə heç vaxt barışmayacaq. Erməni tərəfi başa düşməlidir ki, sülh yolu ilə, xoşluqla torpaqlarımızdan çıxmasalar ordumuz onlara öz yerini göstərəcək. Artıq ordumuzun gücünə yaxşı bələddirlər.

 

- Bugünlər Azərbaycan xalqı cəmiyyəti dövlətimizə ordumuza güclü dəstək nümayiş etdirdi. Bu amili necə dəyərləndirirsiniz?

 

- Ümumiyyətlə, milli birlik, taleyüklü məqamlarda öz dövlətinin Prezidentinin ətrafında sıx həmrəylik nümayiş etdirmək Azərbaycan xalqını səciyyələndirən əsas xüsusiyyətlərdəndir. Biz Azərbaycan xalqının ümummilli məsələlərdə bütün vahid mövqedən çıxış etməsinin dəfələrlə şahidi olmuşuq. Bu da son nəticədə dövlətimizin gücünü artıran mühüm strateji faktor qismində çıxış edir.

Xalqımızın sıx həmrəylik nümayiş etdirdiyi ümummilli məsələlərdən biri Dağlıq Qarabağ problemidir. Dövlət cəmiyyət bəhs olunan problemin həllində vahid mövqedən çıxış edərək prinsipial yanaşma ortaya qoyur - torpaqlarımız işğalçılardan təmizlənməli, ərazi bütövlüyümüz təmin olunmalıdır.

Azərbaycan Ordusunun Tovuz istiqamətində düşmən təxribatının qarşısını qətiyyətlə alması cəmiyyətdə yüksək əhval-ruhiyyə yaradıb. 2020-ci il iyulun 14-15-də Azərbaycan Ordusuna dəstək məqsədilə keçirilmiş aksiyalar cəmiyyətimizdə vətənpərvəlik ruhunun yüksək olduğunu bir daha nümayiş etdirdi. Aksiya iştirakçılarının vətənpərvərliyi, onların səfərbərlik elan olunması istəyi, ordu sıralarında qulluq etmək niyyəti sevindirici qürurverici haldır. Müharibə şəraitində yaşadığımız indiki dövrdə orduya dəstək hər bir vətəndaşın borcudur bu məqsədlə müxtəlif tədbirlər, aksiyalar keçirilə bilər. Eyni zamanda, bugünlər xalqımız şəhidlərimizə böyük ehtiram nümayiş etdirdilər.

 

Cənab Prezident Nazirlər Kabinetinin iclasında bildirdi ki, bizim ordumuzun uğurlu əməliyyatı əldə edilmiş nəticələr, hərbi qələbə, təbii olaraq Azərbaycan ictimaiyyətində ruh yüksəkliyi yaratdı, xalqımızı coşdurdu. Sözsüz ki, bu məsələdə bütün xalqımız həmrəydir. Xalqımızın bir arzusu var ki, bu da torpaqlarımızın işğaldan azd olunması, məcburi köçkünlərin öz yurdlarına qayıtmasıdır. Bu yolda, vətəndaşlarımız döyüşə getməyə hazır olduğunu bildirirlər.

 

Yeri gəlmişkən, qeyd edim ki, hadisələr baş verən günlərdən millət vəkili kimi təmsil etdiyim Ağstafa rayonundayam. Rayon əhalisi bu hadsiələrlə bağlı Prezidentimizi ordumuzu dəstəklədiyini qətiyyətlə bəyan edir. İnsanlar torpaqlarımızın azadlığı uğrunda döyüşə getmək üçün müraciət edirlər. Bilirsiniz ki, bu döyüşlərdə Ağstafa rayonu da şəhidlər verdi. Biz şəhidlərimizin dəfnində iştirak etdik, onların ruhu qarşısında baş əyirik. Ordumuz şəhidlərin qanını yerdə qoymadılar, onların qisasını aldılar.

 

- Xalqın vətənpərvərlik ruhunu, orduya dəstəyini ifadə edən aksiyalardan öz məqsədləri üçün sui-istifadə edən dairələr var. Buna münasibətiniz necədir?

 

- Bu, təəssüf doğuran haldır. Bütün xalqımızın dövlətimizə, Prezidentimizə ordumuza dəstək nümayiş etdirdiyi halda, kiçik bir qrupun təxribat törətməsi qəbul olunmazdır. Biz bu təxribatı iyulun 14-də gördük. Onların bu qanunsuz hərəkətləri düşmənlərimizin maraqlarına uyğundur. Eyni zamanda, sosial şəbəkələr vasitəsilə həm cəbhə xəttində, həm paytaxtda arzuolunmaz proseslərin baş verməsi barədə yalan məlumatlar yayılıb. Şübhəsiz ki, bütün bu kimi cəhdlərin qarşısı qətiyyətlə alınmalıdır.

 

Sərhəddə hərbi əməliyyatlar getdiyi bir vaxtda bir qrup şəxsin Bakının küçələrində təxribat, qarşıdurma yaratmaq cəhdləri, Milli Məclisin binasına girərək binaya maddi ziyan vurması, polislərə qarşı müqavimət göstərilməsi vətəndaşlıq mövqeyinə qanunlara ziddir, ən əsası,Vətən yolunda canını fəda edən şəhidlərin ruhuna hörmətsizlikdir.

Ölkəmizdə müstəqilliyimizin ilk illərində hərc-mərclik dövrü hər kəs yaddaşındadır. 1990-cı illərin əvvəllərində baş verən gərgin hadisələr, anarxiya, özbaşınalıq xaos bizim yaxın tariximizdir hələ yaddaşlardan silinməyib. Bəzi siyasi qrupların, ayrı-ayrı şəxslərin bir daha hərc-mərclik yaratmaq, ölkəmizi yenidən o dövrə qaytarmaq cəhdləri ciddi qınaq doğurur. İndiki dövrdə cəmiyyətimiz səfərbər olunmalı, ziyalılarımız, ictimaiyyətin fəal nümayəndələri belə pozucu fəaliyyətə lazımi qiyməti verməlidirlər. Cənab Prezidentin Nazirlər Kabinetinin iclasında dediyi kimi, bu hadisəyə hüquq müstəvisində qiymət veriləcək, təxribatı törədənlər qanun qarşısında cavab verəcəklər.

Azərbaycan güclü dövlətdir. Respublikamızda əldə olunmuş təhlükəsizlik, əmin-amanlıq, sabitlik, inkişaf sosial rifah müstəqillik dövrümüzün ən böyük nailiyyətləridir. Biz xalqımızın əyilməz iradəsi, uzun illərin əziyyəti zəhməti, şəhidlərimizin qanı bahasına qazandığımız uğurları hər vəchlə qorumalı, inkişaf etdirməli istənilən pozuculuğa qarşı öz vətəndaş mövqeyimizi nümayiş etdirməliyik. İstər pandemiya ilə mübarizədə, istərsə cəbhədə düşmənə qarşı birlik, həmrəylik, güclü milli iradə nümayiş etdirmək zəruridir. Bu yolda bütün səylərimizi səfərbər etməliyik.

 

Yeni Azərbaycan .- 2020 .- 17 iyul .- S. 6.