Kürdəmir inkişafının keyfiyyətcə yeni mərhələsindədir

2008-ci il rayon tarixində uğurlarla yadda qalıb

Əsası Ümummilli lider Heydər Əliyev tərəfindən qoyulan və Prezident İlham Əliyev tərəfindən uğurla davam etdirilən daxili və xarici siyasət kursu ölkəmizi nəinki regionun liderinə, eyni zamanda dünyanın inkişaf etməkdə olan dövlətlərindən birinə çevirib. Bu uğurlu siyasətin nəticəsidir ki, hazırda Azərbaycanın bütün guşələrində tərəqqi hiss edilməkdədir. Prezident İlham Əliyevin imzaladığı “Regionların sosial-iqtisadi inkişafı” Dövlət Proqramı (2004-2008-ci illər) Azərbaycanın inkişafına təkan verib. Sənədin imzalanmasından sonra aparılan işlər və əldə edilən nəticələr belə deməyə əsas verir. Bundan başqa, dövlət başçısının səfər etdiyi hər bir şəhər və rayonda yerli rəhbərlərə sosial-iqtisadi inkişafa nail olmaq üçün verdiyi xüsusi tapşırıqlar da diqqət mərkəzindədir. Bu, özünü Kürdəmirdə də qabarıq şəkildə büruzə verir. “Yeni Azərbaycan” qəzeti olaraq 2004-2008-ci illəri əhatə etmiş “Regionların sosial-iqtisadi inkişafı” Dövlət Proqramının yerlərdə necə həyata keçirilməsini, rayon, şəhər, qəsəbə və kəndlərimizin necə inkişaf etməsini oxucularımıza bir daha əyani surətdə çatdırmaq üçün başladığımız layihəni davam etdiririk.

Kürlə dəmir necə qovuşdu...

Kürdəmir inzibati ərazi kimi Sovet dövründə rayon statusu alsa da, buradakı bəzi yaşayış məskənlərinin adı hələ qədim dövrlərin tarixin yaddaşına həkk olunub. Məsələn, rayonun Sığırlı kəndinin adı hələ Səfəvilər imperiyası dövründən çəkilir. Karrar kəndinin də tarixi qədim dövrlərə dayanır. Hələ ərəb işğalçılarına qarşı mübarizə dövründə bu kəndin adı xürrəmilərə yardımçı qüvvə kimi çəkilirdi.Rayonun adı haqqında isə bir sıra fikirlər səsləndirilir. Bəzi mənbələrdə Kürdəmir sözü Azərbaycanın əsas infrastrukturlarından sayılan dəmir yolu xəttinin bu rayonun ərazisindən keçməsi və Kür çayının da məhz bu rayonun sərhəddini bölməsi ilə əlaqələndirilir. Bununla yanaşı, rayonun əsasının Əmir titullu şəxs tərəfindən (Kür Əmir-”kür” sözü qədim dilimizdə qəzəbli, hirsli mənasında da işlənib) qoyulması ilə əsaslandırılır. Kürdəmir əsasən kənd təsərrüfatı rayonudur. Pambıqçılıq, taxılçılıq, heyvandarlıq, habelə, üzümçülük, bostançılıq və baramaçılıq mühüm yer tutur. Rayonda quşçuluq və maldarlıqla da məşğul olurlar. Burada şərab və asfalt zavodları, məişət xidməti kombinatı, respublika əhəmiyyətli iri un kombinatı var. Ən böyük yaşayış məntəqələri - Kürdəmir şəhəri, Atakişili, Xırdapay, Yenikənd, Karrar, Mollakənd, Şilyan, Qarasaqqal, Muradxanlı, Pirili, Sığırlı, kəndləridir. Müasir Kürdəmir Ağsu, Sabirabad, Göyçay, İmişli rayonlarıyla həmsərhəddir. razisi 1632 kvadrat kilometr, əhalisi isə 94200 nəfərdir.eniləşən və gəncləşən Kürdəmir...

2008-ci il bütün rayonlarımız kimi Kürdəmirin də tarixinə böyük uğurlarla yazılıb. Xatırladaq ki, bütün rayonlar kimi Kürdəmir də hər zaman ölkə başçısı İlham Əliyevin xüsusi diqqətində olub. 2008-ci il sentyabrın 24-də Prezident İlham Əliyevin rayona səfəri və rayon ictimaiyyəti ilə görüşü bunu bir daha sübut edir. Ölkə başçısı səfəri çərçivəsində “Gənclər Evi”nin, Kürdəmir Olimpiya İdman Kompleksinin, Şirə Emalı Zavodunun və Kürdəmir “Dairəvi Yol”unun açılışını həyata keçirib.

2008-ci ildə Kürdəmir rayonu böyük nailiyyətləri ilə də seçilib. “Azərbaycan Respublikası regionlarının sosial-iqtisadi inkişafı Dövlət Proqramının (2004-2008-ci illər) təsdiq edilməsi haqqında” 11 fevral 2004-cü il tarixli Fərmanına əsasən rayonun sosial-iqtısadi inkişafı ilə bağlı proqramda nəzərdə tutulmuş tədbirlər həyata keçirilib. “Azərsun” Holdinq şirkətlər qrupunun 34 hektar torpaq sahəsinə malik “Kürdəmir Süd Emalı”, “Qafqaz Holdinq” şirkətinin 30 hektar torpaq sahəsinə malik Lift istehsalı zavodlarının tikintisi davam etdirilib. 2008-ci ildə ötən illə müqayisədə ümumi məhsul istehsalı 42,3 faiz və ya 82,2 milyon manat artaraq 232 milyon manata çatıb. Ötən il 72,9 faiz çox, və ya 52 milyon 730 min manatlıq sənaye məhsulu istehsal edilib ki, onun da 93,3 faizi qeyri-dövlət sektorunun payına düşür.Sənaye məhsulunun 95,4 faizi emal, 4,6 faizi isə elektrik enerjisi,qaz və su təchizatı bölməsinin payına düşür.

Aqrar islahatlar inkişafın əsas meyarıdır

Rayonda aqrar islahatların uğurla həyata keçirilməsi, aqrar sahədə sahibkarlığın inkişafı üçün yaradılmış işgüzar şərait və bu sahəyə ardıcıl olaraq göstərilən dövlət dəstəyi nəticəsində ötən ildə də kənd təsərrüfatı sahəsində yüksək göstəricilər əldə olunub. Azərbaycan Respublikası Prezidentinin dövlət təsərrüfatı subyektlərinin işini nizamlamaq, əkinçiliyə diqqəti daha çox artırmaq məqsədi ilə “Kənd təsərrüfatı məhsullarının istehsalçılarına dövlət dəstəyi haqqında” imzaladığı Sərəncam kənd təsərrüfatında çalışan insanların daha yüksək fəallıqla işə bağlanmasına stimul verib. Ötən il dənli bitkilərin əkin sahəsi 688 hektar artaraq 28684 hektara çatdırılıb. Nəticədə 2008-ci ildə 60 min 92 ton taxıl (2007-cı ildəkindən 2 min 38 ton çox), 22 min 943 ton tərəvəz (2007-cı ildəkindən 241 ton çox), 47 min 237 ton bostan məhsulu (2007-cı ildəkindən 310 ton çox), 14 min 682 ton kartof (2007-cı ildəkindən 1458ton çox), 5 min 107 ton üzüm (2007-cı ildəkindən 900 ton çox) istehsal edilib. Rayonda üzümçülüyün və narçılığın ınkışafına xüsusı dıqqət yetirilir. Təsadüfi deyil ki, Kürdəmir nəinki Azərbaycanda, dünyada nar məhsulu ilə xüsusilə məşhurdur. 2008-ci ildə 40 hektar sahədə yeni üzüm bağları salınaraq 693 hektara, 299 hektar sahədə isə yenı meyvə bağları salınaraq 2872 hektara çatdırılıb. 2008-ci ilin payızında 35 min 432 hektar sahədə taxıl əkılib ki, bu da keçən ildən 25,3 faiz çoxdur. Əkin sahəsinin 56,8 faizini arpa, 43,2 faizini isə buğda təşkil edir. Taxılçılığın, eləcə də diğər kənd təsərrüfatı bitkilərinin inkişafı üçün meliorasiya və suvarma sistemlərinin yeniləndirilməsi mühüm rol oynayıb. Bu məqsədlə 162 km. kollektor və drenay şəbəkələri, 476 km. uzunluğunda isə təsərrüfatlararası kanallarda qazma və lildən təmizlənmə işləri aparılıb, 4.5 km. yeni kollektor, 74 km. uzunluğunda isə yeni torpaq kanalı çəkilib, 7 ədəd yeni nasos kompleksi, 45 ədəd yeni hidrotexniki qurğu qurulub, digər nasos stansiyalarında isə təmir işləri aparılıb.

2008-ci il Kürdəmirdə maldarlıq sahəsinin də inkişafında uğurlu olub. Bu sahədə inkişaf nəzərəçarpacaq dərəcədədir. 2008-ci ildə həm fərdi, həm də fermer təsərrüfatlarında böyük irəliləyiş müşahidə edilib. Ötən il irıbuynuzlu mal-qaranın sayı 59 min 932 baş (2007-ci ildəkindən 1880 baş çox), davarların sayı isə 123 min 531 baş (2007-ci ildəkindən 2 min 721 baş çox) olub. Ət istehsalı 5 min ton (2007-ci ildəkindən 50 ton çox), süd istehsalı 24 min 384 ton (2007-ci ildəkindən 471 ton çox), yumurta istehsalı 11 milyon 689 min ədəd (2007-ci ildəkindən 449 min ədəd çox) olub. Rəqəmlərdən göründüyü kimi, kəndli öz şəxsi təsərrüfatının sahibinə çevrilərək onu inkişaf etdirir, bu da bazarlarda məhsul bolluğunun yaradılmasına, qiymətlərin nəzərəçarpacaq dərəcədə aşağı düşməsinə, istehsalçıların maddı rifah halının xeyli yaxşılaşmasına səbəb olub.

İnşaat və tikinti rayona yeni sima verir...

2008-ci il Kürdəmirin inşaat həyatında da xüsusi dəst-xətt qoyub. İl ərzində bütün maliyyə mənbələri hesabına 59 milyon 790 min manat məbləğində investisiya əsas kapitala yönəldilib ki, bu da əvvəlki illə müqayisədə 85,4 faiz çoxdur.İstehsal təyinatlı obyektlərin inşasında istifadə edilmiş investisiya əsas kapitala yönəldilmiş investisiyanın 87,9 faizini təşkil edib. 2008-ci ildə vətəndaşların şəxsi vəsaiti hesabına ümumi sahəsi 4100 kv.m olan 509,5 min manat dəyərində 43 yeni yaşayış evi, dəyəri 124,9 min manat olan 18 sahibkar obyektinin tikintisinə icazə verilib. Rayona abadlıq-quruculuq işlərinin aparılması üçün ayrılmış vəsait hesabına şəhərin “Bakı” prospektində böyük həcmdə işlər aparılıb. Prospektdə 1676 metr uzunluğunda “Avrolüks” hasarlar quraşdırılıb, 2050 kv.m ölçüdə hasarlar yeni üzlük tavaları ilə üzlənib, 1200 kv.m piyada yoluna üzlük tavaları döşənib, 3 km uzunluğunda prospekti əhatə edən 2 lampalı yeni küçə işıqlanması sistemi quraşdırılıb. Bununla yanaşı, rayonun Köhnəbazar və Atakişili kənd orta məktəblərinin yaxınlığına, Şıxımlı, Qaraqocalı kəndlərində magistral yol boyu piyada səkisi salınıb. Ötən il Heydər Əliyev prospektində, Bakıxanov, 20 Yanvar, Ə.Abdullayev, Vaqif küçələrində ümumi sahəsi 15 min 155 kv.m əraziyə yeni asfalt salınıb, “Cənub”məhəlləsində 3000 m, 63-cü məhəllədə isə 1820 m yol çınqılla hamarlanıb. Yerli büdcənin vəsaiti hesabına rayonun Atakişili kəndinə gedən yolun 0,5 km-nə, Xırdapay kəndinə gedən yolun 0,6 km-nə asfalt döşənib, Çöhranlı kəndində 9 km və Sığırlı kəndində 17 km kəndarası yollara çınqıl örtüyü döşənərək bərpa edilib. Bu işlərin görülməsinə 140 min manat vəsait sərf olunub. Rayonun Qocalı, Mehdili, Axtaçı, Carlı, Köhünlü, Şilyan, Karrar və Pirili kənd yollarında 73400 m hamarlama işləri aparılıb. 32126 m ölçüdə kənd yolu çınqıl materialı ilə bərpa edilib. Bu məqsədlə yerli büdcədən 79,7 min manat vəsait xərclənib. “bp” şirkətinin maliyyə dəstəyi ilə “AzKİL” qeyri-hökumət təşkilatının layihəsi əsasında 71 min manat investisiya cəlb olunmaqla rayonun Dəyirmanlı kəndində yolun 3,3 km-i, Sığırlı kəndində isə 4,8 km-i hamarlanaraq çınqıl materialı ilə bərpa edilib.

Kürdəmirdə işsizlik problemi öz həllini tapıb

Regionların sosial-iqtisadi inkişafı Dövlət Proqramından irəli gələn əsas vəzifələrdən biri də əhalinin məşğulluğunun təmin olunması və yeni iş yerlərinin açılması məsələsidir ki, bu da Kürdəmirdə olduqca yüksək səviyyədə təşkil edilib. Son beş ildə rayonda mövcud müəssisələrin fəaliyyəti genişləndirilib, yeni emal, istehsal müəssisələri açılıb və nəticədə iş yerlərinin sayı xeyli artıb. Beş il ərzində rayonda 8805 yeni iş yeri açılıb ki, bunun da 5499-u daimi, 3306-sı isə mövsümi xarakterlidir. 2008-ci ildə isə 643 yeni iş yeri yaradılıb ki, bunun da 393-ü daimidir. Rayon üzrə əməkhaqqı fondu ötən illə müqayisədə 26,5 faiz çox olub. Rayonun iqtisadiyyatında çalışan işçilərin orta aylıq əməkhaqqı 138,9 manat (2007-cı ilə nisbətən 25 faiz çox) olub.

Təhsil, səhiyyə və mədəniyyət sahələri hər zaman diqqət mərkəzindədir

Rayonda təhsil, səhiyyə və mədəniyyət sahələrinin inkişaf etdirilməsi 2008-ci ildə də diqqət mərkəzində olub. Ötən il rayonun tarixində ilk dəfə olaraq müasir standartlara cavab verən beş yeni məktəb binası tikilib istifadəyə verilib. Azərbaycan Respublikasının Prezidenti İlham Əliyevin Sərəncamı ilə qəzalı vəziyyətdə olan məktəblərin tikintisi ilə əlaqədar Prezidentin Ehtiyat Fondundan ayrılmış vəsait hesabına Dəyirmanlı kəndində 640 və 480 şagird yerlik şəhər 6 saylı orta məktəbləri və Dövlət Proqramına uyğun olaraq 190 şagird yerlik Böyük Kəngərli orta məktəbi, Heydər Əliyev Fondunun təşəbbüsü ilə “Yeniləşən Azərbaycana yeni məktəb” proqramına uyğun olaraq 360 yerlik Yenikənd , 300 şagird yerlik şəhər 4 saylı orta məktəbləri istifadəyə verilib. Son beş ildə rayonda 20 yeni məktəb və ya 5570 şagird yerlik 280 sinif otağı tikilib istifadəyə verilib. Bu əvvəlki 20-25 ildə tikilən məktəb və sinif otaqlarının sayından 4 dəfə çoxdur. Rayonun digər tədris müəssisələri isə rayon İcra Hakimiyyətinin tədbirlər planına uyğun olaraq hami təşkilatların köməkliyi ilə vaxtında təmir olunub. Şəhər 2 saylı orta məktəbində yeni istilik sistemi quraşdırılıb.Rayonda maddi və mədəni irsin qorunması və inkişaf etdirilməsi istiqamətində davamlı olaraq tədbirlər həyata keçirilir. O baxımdan fəaliyyət göstərən Heydər Əliyev Muzeyi, Tarix Diyarşünaslıq Mıızeyi, Dövlət Rəsm Qalereyası, Uşaq İncəsənət Məktəbi və kitabxanalar xüsusi vurğulanmalıdır. Ölkə əhəmiyyətli orta əsrlərə aid “Qaratəpə yaşayış yeri və qəbiristanlıq”, “Şəhərgah yaşayış yeri” abidələri rayon Mədəniyyət və Turizm Şöbəsinin abidə mühafizəçiləri tərəfindən qorunur. Bu il N.Nərimanov adına rayon Mədəniyyət Evində, Tarix-Diyarşünaslıq Muzeyində, Mərkəzi Kitabxanada, Uşaq Kitabxanasında, Qarasu kənd Kitabxanasında, Köhünlü Kənd Mədəniyyət Evində əsaslı təmir işləri aparılıb. 2008-ci ildə gənclər üçün nəzərdə tutulan ümumi sahəsi 432 kv.m və 6 otaqdan ibarət müasir tələblərə cavab verən “Gənclər Evi” tikilərək istifadəyə verilib. “Gənclər Evi”ndə Heydər Əliyev guşəsi, internet şəbəkəsinə qoşulmuş kompüter otağı, tennis, bilyard idman oyunları salonu və geniş diskoteka zalı fəaliyyət göstərir. Bununla yanaşı, ötən il Kürdəmirdə respublikada ən müasir standartlara cavab verən 600 yerlik əl-idman oyunları maneji, 200 yerlik üzgüçülük hovuzu, mini-futbol, voleybol, basketbol meydançaları, tennıs kortları, 5 ədəd 2 mərtəbəli kottecləri olan Kürdəmir Olimpiya İdman Kompleksi, 2000 yerlik şəhər stadionu tikilib istifadəyə verilib. Bu isə rayon gənclərinin həm normal səviyyədə istirahəti üçün, həm də sağlamlığı üçün xüsusi rola malikdir. Təbii ki, bütün bu addımlar ölkə Prezidentinin gənc nəslin sağlam yetişməsinə göstərdiyi böyük qayğının təzahürüdür. Hazırda bu obyektlərdə müxtəlif idman növləri üzrə dünya və respublika çempionatlarının keçirilməsi üçün bütün şərait mövcuddur. Xatırladaq ki, rayonun yeniyetmələrdən ibarət voleybol komandası Gəncə şəhərində keçirilən Respublika çempionatında 2-ci, futbol komandası isə 3-cü yeri tutub. Moskva şəhərində keçirilən karate üzrə Avrasiya çempionatında Kürdəmir idman məktəbinin yetirməsi Eldar Heydərov bayrağımızı yüksəklərə qaldırıb.

Vətəndaşların sosial rifahı ölkəmizin prioritetlərindəndir...

Azərbaycan Respublikası Prezidentinin yoxsulluğun aradan qaldırılması üçün “Ünvanlı Dövlət Sosial Yardımı”nın verilməsi barədə Sərəncamından sonra 3618 yoxsul ailə bu imtiyazla təmin olunub. Təqaüd və müavinətlərin vaxtında və ödənişin mütərəqqi üsullarla-plastik kartla-bankomatlar vasitəsi ilə həyata keçirilməsi diqqət mərkəzində saxlanılır. Rayonun ayrı-ayrı yerlərində 8 ədəd bankomat fəaliyyət göstərir və yaxın aylarda daha 2 bankomatın quraşdırılması üçün tədbirlər görülür. Rayonda 13 min 666 nəfər pensiyaçınin hamısı plastik kartla təmin olunub. Rayonun Əmək və Əhalinin Məşğulluq Mərkəzi tərəfindən 371 nəfər işlə təmin olunub ki, onların da 99 nəfəri qadınlardır. Bu məqsədlə keçirilən əmək yarmarkasının rolu böyükdür. Rayonda əlil və şəhid ailələrinin, qaçqın və məcburi köçkünlərin sosial müdafiəsinin gücləndirilməsi diqqət mərkəzində saxlanılır. 2004-2008-cı illərdə ümumi sahəsi 2150 kv.m olan Qarabağ müharibəsi əlilləri və şəhid ailələri üçün 16 mənzilli 2 mərtəbəli 2 ədəd yaşayış binası və bir fərdi ev tikilib istifadəyə verilib. Ümumilikdə bu kateqoriyadan 32 ailə mənzillə təmin edilib. Qarabağ əlilləri və şəhid ailələrinin problemlərini aradan qaldırmaq məqsədi ilə rayon icra hakimiyyəti başçısının tövsiyəsi ilə 40 nəfər Qarabağ əlili və 23 şəhid ailəsi rayonun idarə, müəssisələri tərəfindən himayəyə götürülub və hər ay onlara maddi yardımlar edilir. 2008-ci il ərzində Qarabağ, Çernobıl əlillərinə və şəhid ailəsinə (ümumilikdə 46 ailəyə) 2840 manat məbləğində maddi yardım və bu kateqoriyalardan 798 ailəyə 8500 manat dəyərində ərzaq bağlamaları verilib. Rayonda 2349 nəfər məcburi köçkün və qaçqın, 303 nəfər Özbəkistandan deportasiya edilmiş Axıska türkləri məskunlaşıb. Hər il bayramlarda məcburi köçkünlərlə görüşlər keçirilir və hədiyyələr təqdim olunur.

İnfrastrukturların yenilənməsi rayon əhalisinə rahat yaşayış bəxş edib

2008-ci ildə rayonda rabitə xidmətindən 499,9 min manat gəlir əldə edilib. Bu isə ötən illə müqayisədə 8,6 faiz çoxdur. Nəqliyyat müəssisələri tərəfindən 628 min ton yük (2007-ci illə müqayisədə 8,2 faiz çox), 4 milyon 562 min nəfər sərnişin (2007-ci illə müqayisədə 4,1 faiz çox) daşınması həyata keçirilib. Ötən il ərzində rayonun istehlak bazarında əhaliyə 118,5 milyon manatlıq istehlak malları satılıb və 19,3 milyon manatlıq pullu xidmətlər göstərilib ki, bu da əvvəlki illə müqayisədə 34,5 faiz çoxdur. Əhaliyə pərakəndə ticarət şəbəkələrində 115,2 milyon manatlıq (2007-ci ildən 33,7 faiz çox), iaşə müəssisələrində isə 3,3 milyon manatlıq və ya 60,2 faiz çox əmtəə satılıb. 2008-ci il ərzində rayon əhalisinə 150,9 min manatlıq kommunal xidməti göstərilib. Bundan başqa, əhalinin elektrik enerjisi, təbii qaz, içməli su ilə təminatının yaxşılaşdırılması məqsədilə bir sıra təxirəsalınmaz tədbirlər həyata keçirilib. Yaşayış məntəqələrinə elektrik enerjisi verilişini yaxşılaşdırmaq məqsədi ilə şəhər ərazisində 69 ədəd, kəndlərdə isə 46 ədəd 10 kv-luq beton dayaqlar əkilib, 19 km uzunluğunda hava xəttində əsaslı təmir işləri aparılıb, Cənub məhəlləsində 160 kv-lıq, Qarasaqqal kəndində isə 100 kv-lıq yeni transformator yarımstansiyası quraşdırılıb. Şilyan və Qarasu kəndlərini elektrik enerjisi ilə təmin edən 10 kv-lıq hava xəttinin 3,7 km hissəsində yenidənqurma işləri aparılaraq 29 ədəd, Çöhranlı kənd əhalisini elektrik enerjisi ilə təmin edən 10 kv-lıq hava xəttində isə 17 ədəd beton dayaq əkilərək yeni xətlər çəkildikdən sonra həmin kəndlərə enerji verilişində olan problem aradan qaldırılıb. İstehlak olunan elektrik enerjisinin, təbii qazın və suyun haqqının əhali tərəfindən ödənilməsini təmin etmək məqsədi ilə rayon İcra Hakimiyyətinin başçısı yanında xüsusi qərargah yaradılıb. Qərargah tərəfindən aparılan təbliğat işi öz müsbət nəticəsini verib.Ötən il təbii qazla təminatın yaxşılaşdırılması və uzun illərdən bəri təbii qaz almayan yaşayış məntəqələrinin mavi yanacaqla təmin olunması istiqamətində işlər görülüb. 15-20 il ərzində təbii qaz almayan 8 kəndə (Cəyli, Ucarlı, Şahbəyli, Bala Kənğərli, Qarasaqqal, Yenikənd, Böyük Kəngərli və İsmayıllı) mavi yanacağın verilməsi bərpa edilib. “Azəriqaz” QSC-nin vəsaiti hesabına şəhərin Cənub məhəlləsi adlanan hissəsində 500 abonenti təbii qazla təmin etmək üçün 8,5 km, şəhərin qərb hissəsində, Xırdapay və Atakişili kəndlərinin yaşayış məhəllələrində 550 abonenti əhatə edəcək 160 mm-lik polietilen boru ilə 6 km dairəvi, Qarasaqqal kəndində 7,3 km, Yenikənd kəndində 2,5 km, Böyük Kəngərli kəndində isə 2,5 km uzunluğunda yeni magistral boru kəməri çəkilərək istifadəyə verilib. Cəyli, Şahbəyli, Ucarlı, Bala Kəngərli ,Qarasaqqal, Yenikənd və Böyiik Kəngərli kəndlərində bələdiyyələrin vəsaiti hesabına 19850 p/m kəndarası qaz xətləri təmir edilib. Fərdi abonentlərin mənzilinə 7443 ədəd qaz sayğacı quraşdırılıb.

Rayon əhalisinin içməli suya olan tələbatının ödənilməsi il ərzində diqqət mərkəzində saxlanılan məsələlərdən olub. II Külüllü-Kürdəmir su xəttinin istismara verilməsi şəhər əhalisinin içməli suya olan tələbatının tam ödənilməsinə imkan verir. Yeni su kəmərinin istismara verilməsi ilə əlaqədar şəhərin su şəbəkəsində yüksək təzyiqə davam gətirməyən və uzun müddət istismarda olduğundan çürüyüb yararsız vəziyyətə düşmüş Tağıyev, 20 Yanvar, Tofiq İsmayılov, Aşıq Bilal, S.Ə.Şirvani küçələrındə və Heydər Əliyev prospektində 8 və 10 saylı binalara gələn su xətləri yenisi ilə əvəz olunub və nəticədə 200 -ə yaxın ailənin içməli su təchizatı tam həll olunub. Mərkəzi kanalizasiya xəttinin təmizlənməsi və ötürücü nasos stansiyalarının iş fəaliyyətinin yaxşılaşdırılması məqsədi ilə də bir sıra işlər görülüb. 1 və 2 saylı ötürücü nasos stansiyalarında cari təmir işləri aparılıb, lazım olan avadanlıqlar və ayrı-ayrı hissələr yenisi ilə əvəz olunub. Rayonun Atakişili və Xırdapay kəndlərinin ərazisindən keçən, şəhərin Bakı prospektindən çirkab suların təmizlənməsi məqsədi ilə inşa olunmuş təmizləyici qurğuya qədər 3,5 km məsafədə kollektor lildən təmizlənib.

Rayon rəhbərliyi yalnız vətəndaşların xoşbəxt güzəranını düşünür

Rayonun sosial-iqtisadi inkişafında yerli özünüidarəetmə orqanı olan bələdiyyələr də mühüm rola malikdir. Rayon rəhbərliyinin təşəbbüsü ilə bələdiyyələr öz ərazilərində mövcud sosial obyektlərin son 5 ildə təmır olunmasında yaxından iştirak ediblər. “Bir bələdiyyə-bir layihə” təşəbbüsünə qoşulan rayon bələdiyyələri ötən il kəndlərin sosial-iqtisadi inkişafında, abadlıq-quruculuq işlərində və yerli əhəmiyyətli məsələlərin həlli ilə əlaqədar 135,6 min manatlıq 67 sosial layihə hazırlayaraq həyata keçiriblər. 2008-ci il noyabr ayının 17-dən 23-nə qədər “Azərbaycanda Yerli Demokratiya Həftəsi” çərçivəsində Kürdəmir bələdiyyələri bələdiyyə-xalq münasibətlərinin daha da yaxşılaşması ilə əlaqədar bir sıra tədbirlər hazırlayıb. Demokratiya həftəsinin açıq qapı günlərində əhali ilə 346 görüş təşkil olunub. 2008-ci il ərzində bələdiyyələrin ümumi gəlirləri 327,6 min manat olub. Ümumilikdə rayon üzrə bələdiyyə orqanları büdcələrinin 51 faizini yol tikintisinə və digər sosial problemlərin həllinə yönəldiblər. Rayon İcra Hakimiyyəti başçısının kəndlər üzrə nümayəndələri, bələdıyyələr rəhbərlik etdikləri ərazilərin sosial-iqtisadi inkişafında səmərəli fəaliyyət göstərməklə, torpaqlardan və mülkiyyətində olan əmlaklardan düzgün istifadə etməklə kəndlərin sosial qayğılarının vaxtında həllinə nail olublar.

İnkişaf qarşıdakı illərdə də davamlı olacaq...

Kürdəmir rayonu bu yenilikləri, inkişafı etməklə yerində saymaq niyyətində deyil. 2009-2013-cü illər üçün Azərbaycan Respublikası regionlarının sosial-iqtisadi inkişafı Dövlət Proqramı hazırlanarkən rayonda təhsil, səhiyyə, mədəniyyət, xidmət sahələrinin, həmçinin, sənayenin və aqrar sahənin inkişafı üzrə nəhəng layihələrin həyata keçirilməsi planlaşdırılır. Qarşıda duran mühüm vəzifələrin layiqincə yerinə yetirilməsində hər bir kürdəmirli özünə borc bilir ki, fəaliyyətini yenidən təhlil etsin, daha məsuliyyətli işləsin və ölkənin inkişafına öz töhfəsini versin. Rayon rəhbərliyi isə əhalinin sosial rifahını yüksəltməklə mövcud problemləri aradan qaldırmağı, yeni emal və sənaye müəssisələrinin açılması, yeni iş yerlərinin yaradılması üçün ardıcıl və məqsədyönlü iş aparmaqla bütün səy və bacarığını nümayiş etdirməyi qərarlaşdırıb. Çünki zəhmətsevər kürdəmirlilər Prezident İlham Əliyevin apardığı islahatları, yenilikləri dəstəkləyirlər. Onlar inanırlar ki, Kürdəmir Azərbaycan Respublikasının Prezidenti İlham Əliyevin rəhbərliyi altında daha da gözəlləşəcək, yenilənəcək.

Yeni Azərbaycan Partiyası rayonun aparıcı siyasi qüvvəsidir

Rayonun aparıcı siyasi qüvvəsi olan Yeni Azərbaycan Partiyasının Kürdəmir rayon təşkilatı 1993-cü ilin yayında yaradılıb. Yaranan zaman 16 ilk təşkilatdan, 399 üzvdən ibarət olan Yeni Azərbaycan Partiyası Kürdəmir rayon təşkilatının nəzdində hazırda 117 ilk təşkilat birləşib. Rayondakı 5302 Yeni Azərbaycan Partiyasının üzvünün əsas hissəsini gənclər təşkil edir. YAP rayon təşkilatının sədri Ağəli Kərimlinin sözlərinə görə, rayon əhalisi birmənalı olaraq Yeni Azərbaycan Partiyasının Sədri, möhtərəm Prezidentimiz İlham Əliyevin apardığı siyasəti dəstəkləyir.

Ümumiyyətlə, Kürdəmir rayonunun əhalisi hər zaman ulu öndərimiz Heydər Əliyev siyasi xəttinə sədaqəti ilə seçilib. İstər XX əsrin son onilliyində, istərsə də 2003-cü və 2008-ci ildə keçirilən prezident seçkilərində onlar birmənalı olaraq Yeni Azərbaycan Partiyasının namizədini dəstəkləyiblər. 2008-ci ildə reallaşan prezident seçkilərində rayon əhalisi hazırda müzakirə olunan və martın 18-də referenduma çıxarılacaq məsələlərlə bağlı təkliflərlə çıxış ediblər. A.Kərimli qeyd etdi ki, Yeni Azərbaycan Partiyası hər zaman Kürdəmir rayonunun aparıcı siyasi qüvvəsi kimi qüdrətini saxlayacaq. Çünki bu partiya Ümummilli liderimiz Heydər Əliyev ideyalarının daşıyıcısıdır.

Pərviz SADAYOĞLU

Yeni Azərbaycan.- 2009.- 14 mart.- S.10-11.