Gədəbəydə II Beynəlxalq Aşıq Festivalı keçirilib

Gədəbəy Rayon Aşıq Musiqi Məktəbində Mədəniyyət və Turizm Nazirliyi Azərbaycan Aşıqlar Birliyi ilə birlikdə II Beynəlxalq Aşıq Festivalı keçirib.

Festivalda Türkiyə, İran, Gürcüstan, Özbəkistan, Qırğızıstan, Qazaxıstan, Türkmənistan, Rusiya Federasiyası, Azərbaycanın bütün bölgələrindən aşıqlar və Azərbaycanın görkəmli ziyalısı - professor Qəzənfər Paşayev, Mədəniyyət və Turizm Nazirliyinin Mədəniyyət siyasəti şöbəsinin müdiri Fikrət Babayev iştirak ediblər. Tədbiri Rayon İcra Hakimiyyətinin başçısı Ramiz Yediyarov açıb və festival münasibətilə qonaqları təbrik edib. O, çıxışında Prezident İlham Əliyev və onun xanımı - YUNESKO və İSESKO-nun xoşməramlı səfiri, Heydər Əliyev Fondunun prezidenti Mehriban Əliyevanın Azərbaycan mədəniyyətinin, incəsənətinin adət-ənənələrinin inkişafında, qorunub saxlanılmasında gördükləri işləri, verdikləri töhfələri xüsusi vurğulayıb. Sonra professor Qəzənfər Paşayev çıxış edərək, festivalın təşkil edilməsində əməyi olan hər kəsə öz təşəkkürünü bildirib. Daha sonra festival Azərbaycan və digər ölkələrdən olan aşıqların ifaları ilə davam etdirilib.

Vüqar Nəbiyev, Gədəbəy

Zaman.-2014.-18 noyabr.-S.7.