Şəkidə ikinci beynəlxalq şirniyyat festivalı keçirilib

 

 

Şəki şəhərindəki Olimpiya İdman Kompleksində ikinci beynəlxalq şirniyyat festivalı keçirilib.

Mədəniyyət Turizm Nazirliyinin, Şəki Şəhər İcra Hakimiyyətinin Azərbaycan Milli Kulinariya Assosiasiyasının birgə təşkilatçılığı ilə keçirilən festivalda 11 ölkədən - Türkiyə, Qazaxıstan, Qırğızıstan, Şimali Kipr Türk Cümhuriyyəti, Rumıniya, İndoneziya, Koreya, Fransa, Rusiya, Moldova Serbiyadan, həmçinin respublikamızın 21 şəhər rayonundan gəlmiş şirniyyatçılar iştirak edib. İdman kompleksinin həyətində düzənlənən sərgilərdə qənnadıçıların əvvəlcədən hazırladıqları müxtəlif çeşiddə şirniyyat nümunələri nümayiş etdirilib. Festivalın rəsmi açılış mərasimində Şəki Şəhər İcra Hakimiyyətinin başçısı Elxan Usubov çıxış edərək beynəlxalq şirniyyat festivalının Azərbaycanın qədim gözəl şəhərlərindən biri olan Şəkidə keçirilməsinin heç təsadüfi olmadığını vurğulayıb. Bildirilib ki, böyük inkişaf yolu keçən Şəki xalqımızın mətbəx mədəniyyətinin formalaşmasına həlledici təsir göstərib. Şəkinin məşhur şirniyyatçılarının əldə etdiyi zəngin təcrübə, vərdiş, bilik bacarıqlar bu günümüzə qədər gəlib çatıb. Qeyd olunub ki, Azərbaycanın ənənəvi şirniyyat sənətinin mərkəzləri arasında Şəki xüsusi yer tutur. Şəki şirniyyatı özünün əla, ləziz dadı geniş çeşidi ilə fərqlənir. Şəkinin şirniyyat ustalarının hazırladıqları məhsullar xarici bazarlara da geniş yol açıb, bu şəhərin mətbəx mədəniyyətinin tanıdılmasında mühüm rol oynayıb. Vurğulanıb ki, bu gün Şəki özünün ipəyi, eyni zamanda, halvası, noğulu, mindalı digər dadlı şirniyyatları ilə tanınır.

Azərbaycan Milli Kulinariya Mərkəzinin direktoru Tahir Əmiraslanov bildirib ki, belə festivalların keçirilməsində əsas məqsəd xalqımızın qeyri-maddi mədəni irsinin qorunub saxlanmasına nail olmaqdır. Vurğulanıb ki, bu festival təkcə Şəkinin deyil, ölkəmizin zəngin mətbəx mədəniyyətinin daha yaxından tanıdılmasında əhəmiyyətli rol oynayacaq.

Mərasimdə Fransanın Azərbaycandakı səfiri Paskal Mönye, iştirakçı ölkələrin təmsilçiləri çıxış edərək belə festivalların xalqlar arasında dostluğu, sülhü təbliğ etdiyini xüsusi vurğulayıblar.

Sonra tədbir iştirakçıları xarici ölkələrdən, həmçinin Azərbaycanın şəhər rayonlarından gəlmiş qənnadıçıların əvvəlcədən hazırladıqları şirniyyat məhsulları ilə tanış olublar. İştirakçı ölkələrin milli mətbəxlərinə aid şirniyyat nümunələri, həmçinin Azərbaycan qənnadıçılarının hazırladıqları paxlava, fəsəlli, qatlama, noğul müxtəlif halvalar tədbir iştirakçıları tərəfindən böyük maraqla qarşılanıb.

Şəki qənnadıçıları festivalda Şəki halvası, paxlava, qoz fındıq mindalı, barama şirni, noğul, bamiyə, qırmabadam geniş çeşiddə digər milli şirniyyat nümunələrini sərgiləyiblər.

Korkunov adına Moskva şokolad məktəbinin rəhbəri Yelena Suçkovanın sədrlik etdiyi 23 nəfərdən ibarət münsiflər heyətinin rəyinə əsasən, respublikamızın təmsilçiləri arasında Gəncə şəhərinin şirniyyatçıları birinci yeri tutublar. Şəki Zaqatala qənnadıçıları ikinci, Ağdaş, Göyçay, Oğuz rayonları Naftalan şəhərinin təmsilçiləri isə üçüncü yerə layiq görülüblər. İştirakçı ölkələr arasında Rumıniya, Qazaxıstan Fransa təmsilçiləri birinci yeri tutaraq festivalın qızıl medallarına Azərbaycan Milli Kulinariya Mərkəzinin kubokuna sahib çıxıblar. İkinçi yeri Serbiya Rusiya təmsilçiləri, üçüncü yeri isə Moldova, Qırğızıstan Şimali Kipr Türk Cümhuriyyətinin qənnadıçıları tutublar. Şirniyyat sexləri arasında isə Şəkinin Ələhməd şirniyyat evi birinci yerə layiq görülüb. Bundan əlavə, Azərbaycan Milli Kulinariya Mərkəzi tərəfindən Şəki şəhəri Azərbaycanın ənənəvi şirniyyat paytaxtı elan edilib bununla bağlı diplom şəhər rəhbərliyinə təqdim olunub. Festivalda Şəkinin musiqi kollektivləri rəngarəng konsert proqramı ilə çıxış ediblər.

Beləliklə, qədim Şəki şəhərində daha bir beynəlxalq festival uğurla başa çatıb.

 

Coşqun Mövlamov

 

Zaman.- 2015.- 22 iyul.- S.7.