MƏİŞƏTİMİZDƏN
-- Kәrbәlayı
Mәmmәdcәfәr, salamәleyküm!
-- Әleykümәssәlam!
-- Hara belә yüyürürsәn?
-- Heç, bu yanda tәlәsik bir işim
var!
-- Ya allah!
-- Ya allah!
-- Xoş gördük!
-- Xoş baxtın olsun: (ürәyindә: Ağzımda
dedim ki, tәlәsirәm).
-- Sәlamәtsәnmi?
-- Allaha
şükür sәlamәtәm, ancaq, burda mәni bәrk gözlәyirlәr!
-- Necә dolanırsan?
-- Şәfaәtin artıq olsun (ürәyindә: Әl çәkmәyәcәk dә!)
--
Canın-başın sağdırmı?
--
Çox sağ olasan (a sırtıq oğlu, axı kişilәr orda mәni gözlәyirlәr).
-- Lap sәlamәtsәnmi?
--
Şükür olsun allaha! (qәribә qanmaz kişidir!)
-- Әhvalın necәdir?
--
Ömrünüzә duaçıyam, amma bir az vacib işim var, çox bәrk tәlәsirәm....
-- Onun zәrәri yoxdur, hamı elә olur. Kefin necәdir?
-- Kefin
yaxşı olsun! (a, nanәcib oğlu nanәcib).
-- Bәs niyә heç görünmürsәn?
-- Vallah hәmişә tәlәsik işim olur, bax, elә indi bu saat elә vacib tәlәsik işim var ki, bir saniyә geciksәm olmaz.
-- Hәmişә bazarın olsun!
-- Allah sәndәn razı olsun (bir dәli şeytan deyir vur beyni
dağılsın!).
-- Papiros
çәkmirsәn?!
--
Çox sağ ol! (mәlun!) hәlә ki xudahafiz!
-- Gedirsәn? Xudahafiz!
*
* * *
*
-- Kәrbәlayı Mәmmәdcәfәr, harda qalmışdın?
-- Әşi, allah mәrdimәzara lәnәt elәsin. Mәşәdi Sәfi mәni qoyurdu ki, gәlәm?
-- Pәh! pәh! Xalq sәni gözlәdi, gözlәdi, axırda gördülәr ki, gәlmәdin, inciyib çıxıb getdilәr.
-- Әşi, nә deyirsәn?
-- Vallah,
atamın goru haqqı!
-- Buy, sәnin evin yıxılsın Mәşәdi Sәfi! Әşi, bilmirәm sırtıq oğlu sırtıq,
hardan mәnә belә әziz çıxıb, qәribәdir, vallah bizim işimiz!
Atalar sözü: hәr görüşә yarım saat vaxt sәrf elәsәn, onda gәrәk, ömrümüzün yarısına qәlәm çәkәk.