"MӘSLӘHӘTLİ"
SÖZLӘR
Belә baxıb görürәm ki,
Dövlәt dumasına müsәlmanlardan da vәkil
gedәcәkdir. Hәrçәnd mәn
mәslәhәt görmәzdim, çünki nә
lazımdır ki, adam durduğu yerdә özünü
biabır elәsin, amma indi nә etmәk, bir işdir
olubdur, gedәcәklәr, qoy getsinlәr,
hәvәslәri soyumasın. Bununla belә mәn bir
neçә mәslәhәtli sözlәr demәk
istәyirәm ki, hәr bir müsәlman vәkili
öz abır vә hәyasını salmamaq
üçün, mәnim sözlәrimi dәrs kimi
әzbәrlәyib, onlara durüst әmәl etsin.
Әvvәla, hәr bir müsәlman
vәkilinә vacibdir ki, buradan Fitilbörkә gedәn
zaman camaat әhlindәn heç bir kәsә bunu
bildirmәsin vә evdә uşaqlarına
tapşırsın ki, әgәr onlardan soruşan olsa ki, "atan
hara gedib", cavab versinlәr ki, Qarabağdan motal pendiri
almağa gedibdir. Çünki bilirsiniz, camaat bilsә ki,
mәsәlәn, filan adam dumaya gedir, ola bilsin ki, bir söz
tapşırar, ya bir düsturul әmәl
göstәrәr ki, get belә otur, belә danış,
belә dur, belә yat! Qәrәz,
başağrısı verәr, sonra da әmәl
olunmayanda adamı utandırar, nәticәdә
rüsvayi-cahan elәr. Halbuki kişi gәrәk öz
abır vә hәyasını hәmişә
gözlәsin....
Saniyәn, hәr bir müsәlman
vәkilinә vacibdir ki, dumaya çatdığı zaman
özlәri üçün qapı ağzında bir yer
tutsunlar, çünki vәzir-vüzәradan
içәri girәn olsa, kamali-әdәblә onun
ayağına durub görünmәk ancaq bu yolla
mümkündür vә bu da vacibdir. Ondan ötrü ki,
adama zarafat görünmәsin, vәzir deyәndә bir
adamdır ki, bu gün istәsә, hamını top
ağzına qoydura bilәr.
Salisәn, rәhbәr müsәlman
vәkilinә vacibdir ki, bacardıqca az danışsın
vә yaxşı olar ki, heç әbәdәn danışmasın.
Çünki danışmağın bir xatası var ki, adam
özgәlәri özündәn incidә bilәr
vә bununla bir çox adamın xoşuna gәlmәz.
Vә yenә danışmağın bir ayrı xatası
vardır ki, adam özünün ağıldan kövrәk
olduğunu da bildirәr, amma danışmasa, bildirmәz.
Çünki:
Çu dәr bәstә bәşәd
çe danәd kәsi,--
Ki, bu advokatdır vә yaxud başburt yazan.
Vә rabeәn, hәr bir müsәlman
vәkilinә vacibdir ki, әgәr duma vәkillәri,
adamdır-işdir, müsәlman millәtini dә yada
salıb, "xala xәtrin qalmasın"dan ötrü onlar
barәsindә dә bir qәrarnamә-filan qayırmaq
istәsәlәr vә bu barәdә müsәlman
vәkillәrindәn bir söz soruşsalar,
müsәlman vәkillәri durub kamali-әdәb
vә әrkanla demәlidirlәr ki, "siz hәr
nә mәslәhәt görsәniz, biz ona
razıyıq. Allah sizdәn razı olsun, vәssalam!".
Ta qәrarnamәnin yaxşılığına,
yamanlığına orada diqqәt yetirmәk lazım deyil,
çünki eyibdir. Sonra adama pis söz deyәrlәr.
* *
* * *
Pis söz dedim, yadıma bir yaxşı söz
düşdü. Belә ki, bir dәfә
yoldaşlarımdan birisi kәnddәn
şәhәrә qayıdıb, kәnd mәişәtinin
şairanәliyindәn mәnim üçün
söhbәt elәdi, Bunu dәxi әlavә elәdi
ki, kәndlәrdә bol-bol yavanlıq var, Adamlar
gündüz axşama kimi südün, qatığın,
qaymağın vә yağın içindә
üzmәkdәdirlәr.
Mәn öz-özümә fikir elәdim
ki, yaxşı hәlә deyәk ki, südün, qaymağın
içindә üzmәk olar, aya yağın
içindә dә üzmәk olarmı?
Yoldaşım birdәn-birә mәnim fikrimi duyub dedi:
-- Bәs, Bakıda filan küçәnin tinindә bir müsәlman hamamı var vә onun xәznәsinә girәn adamlar yağın içindә üzmәyib bәs nәyin içindә üzürlәr?!..