MÜSӘLMAN KӘNDLİSİNİN SİYASİ SÖHBӘTİ

-- Atamoğlan әmi! İndi sәn bizim içimizdә ağıllı adamsan, dayna! Özün dә pristav qabağında söz danışansan. Şәhәrә-zadә da çox-çox gedib gәlirsәn. Bircә de görüm

dünyada vәzir böyükdür, yoxsa vәkil?

-- Әlbәttә, vәzir böyükdür!

-- Yaxşı, indi sözgәlişi, bu gün vәzir istәsә, sәn bilirsәn dayna, vәkili tutub qazamata sala bilәrmi?

-- Salar!

-- Vәkil dә, sözgәlişi, istәsә goburnatı salar, elә deyilmi?

-- Bәli!

-- Koburnat da demәli, nәçәlniyi salar?

-- Bәli!

-- Nәçәlnik dә pristavı salar?

-- Bәli!

-- Pristav da yüzbaşını salar? -- Bәli!

-- Yüzbaşı da, demәli, bizi salar?

-- Bәli!

-- Yaxşı, indi sözgәlişi, bu gün vәzir istәsә, sәn vәkildәn tutmuş bizә kimi cәmi camaatı tutub qazamata salar da!

-- Salmağına salar, amma qazamatda bir elә yer olmaz.

-- Buy, hә. Doğrudan, bizim hümmәt kişi dә deyirdi ki, qazamatın içi çox dardır. Sibirdә dә o qәdәr adam var ki, elә bil qarışqa qoşunudur....