MOLLA MӘHӘMMӘD BAĞDADİ
"FÜZULİ" TӘXӘLLÜS
Molla Mәhәmmәd Bağdadi türk
şairlәrinin babası hesab olunur. Ona binaәn,
Azәrbaycan şüәra vә üdәbasından
bәhs edib dә, onların sәrvәri vә
pişrәvi mәqamında olan Füzulinin
ismi-şәriflәrini zikr etmәmәk bir növ
haqqı vә әmәyi itirmәk kimidir. Bir halda ki, ol
fәsahәt vә bәlağәt kanının
tәsiri bu әsrdәki şüәramızın asar
vә әşarında dәxi müşahidә
olunmaqdadır.
Mәşhur qövlә görә, Molla
Mәhәmmәd ibn Süleyman Kәrbәlada vә
Bağdadın hәvalisindә Hillә adlı balaca bir
qәsәbәdә, Sultan Süleymanın
әsrindә--hicrәtin 900-cü tarixindә
tәvәllüd etmişdir. Bәzi rәvayәtә
görә, yetmiş sәnәyә qәdәr
ömür edibdir. Tarixi-vәfatı dürüst mәlum deyil
isә dә, ömrünün müsinn çağında
dari-bәqaya rehlәt elәmәyi öz
kәlamından dәxi anlaşılır. Necә ki,
deyibdir:
Ey Füzuli, qәdimiz qıldı fәlәk
xәm, yәni
Vәqtdir çıxmağa dünya
qapısından, әyilin.
Füzuli kimi mәşhur vә
mötәbәr şairin tәrcümeyi-halına dair
mәlumat, heyfa ki, çox azdır. Bu barәdә
özgә bir mәxәz vә mәnbәdәn
әhvalat götürmәkdә aciz qalıb, ol
dürri-yeganәnin öz әsәrlәrinә rücu
etmәkdәn başqa bir çarә bulmadıq.
Divani-bәlağәtünvanının
dibaçәsindә ol fәsahәt bustanının
әndәlibindәn vә ibarәt çәmәninin
bülbülündәn, yәni Füzulinin öz
lisani-bәlağәtsәncindәn halına dair bir para
mәlumat verilir, xüsusәn, onun türk lisanında
yazmağına sәbәb nә olduğu filcümlә
bәyan edilir.
Mәzkur müqәddimәdәn mәlum
olur ki, Füzuli uşaqlıqdan şer vә qәzәl
demәyә ziyadә hәvәsnak imiş vә ol
[dürri]-yeganәnin hәnuz sәbi ikәn
üfüqi-tәbinә hilali-mövzuniyyәt tülu
etmişdir vә xurşidvәşlәrdәn
iqtibasi-nuri-şövq qılmışdır vә onun
әşarının şöhrәti çox
yerlәrә dağılmışdır. Necә ki,
özü deyir:
Seyti-fәsahәt ilә sözüm tutdu
alәmi,
Mәn mәhdi-etibardә tifli-zәbun
hәnuz.
Buyi-xoşumla oldu müәttәr
dimağlәr,
Mәn nafeyi-vücuddә bir qәtrә
xun hәnuz.
Vә lakin şair öz әsәrlәrinә
diqqәt yetirib, onları hülyeyi-elmdәn müәrra
görüb, bir müddәt nәqdi-hәyatın
ülumi-әqliyyә vә nәqliyyә kәsbinә sәrf edibdir
vә öz әsrindә mütәdavil fünun vә ülumun cümlәsinә malik
olmuşdur. Әgәrçi şair türk lisanında
şer vә qәzәl yazmağına ümdә bunu
sәbәb göstәrir ki, türk tayfalarının sahibi-şövq vә
mәzaqları dәxi onun bustani-kәlamından
şükufәlәr dәrib bәhrәmәnd olalar
vә bu tәklifi ona guya bir nigari-mişkinxәtt
etmişdir vә lakin hәqirin anladığına
görә, Füzuli özü türk oğlu olmağa
binaәn, öz ana dilini artıcıq sevib dә, ona
rövnәq vermәyi baş vәzifәlәrindәn
birisi hesab edirmiş. Vә insafәn demәk olur ki,
türk әdәbiyyatının banisi Molla
Mәhәmmәd Bağdadi olubdur. Әgәrçi
ondan müqәddәm türklәrdәn dә bәzi
mötәbәr şairlәr olubdur, vәli onun kimi müqtәdir
vә cәmi lisana malik vә camei-fünuni-nәzm vә
nәsr olmayıbdır. Vә hәqiqәtdә
demәk olur ki, türk dilinә rövnәq verәn
vә onu xarü xaşakdәn tәmizlәyib bir
göyçәk vә sәfalı
çәmәnә bәnzәdәn Füzuli olubdur.
Vә bununla biz türklәrin üstә ümumәn
vә Azәrbaycan
türklәrinin boynuna [xüsusәn] böyük bir
minnәt qoyubdur. Türk dilinin üstündә sәrfi-himmәt vә
qeyrәt göstәrdiyini
şair özü bir mәqamda bәyan etmişdir:
Ol sәbәbdәn farsi lәfzilә
çoxdur nәzm kim,
Nәzmi-nazik türk lәfzilә ikәn
düşvar olur.
Lәhceyi-türki
qәbuli-nәzmi-tәrkib eylәsә,
Әksәri-әlfazı namәrbut,
nahәmvar olur.
Mәndә tövfiq olsa, bu
düşvarı asan eylәrәm,
Novbahar
olğac tikandan bәrgi-gül izhar olur.
Burada bunu
dәxi әlavә etmәk lazımdır ki, Füzuli
özündәn
müqәddәm vә ya öz dövründә olan ali vә rәqiq bir şair bulub da, onun әsәrlәrinә tәqlidәn bir şey vücuda gәtirmәmişdir. Nәsr vә nәzmdә bir şәxs onun ustadı olmayıbdır. Әazimi-üdәbadan bir nәfәrinin asarını sәrmәşq vә ittixaz etmәyibdir. Necә ki, bu barәdә Mәhәmmәd Cәlal "Osmanlı әdәbiyyatı nümunәlәri" nam mәcmuәsindә buyurubdur: "
Onun
müqәllid
olmadığı xüsusda Mәhәmmәd Cәlal belә yazır: "Әgәr bir şәxs bizә bu gunә sual versә: "Bәlkә Füzulidәn әvvәl әrәblәr, әcәmlәr "Leyli vә Mәcnun"u, "Yusif vә Züleyxa"nı,
"Xosrov vә
Şirin"i yazmış olsunlar da Füzuli dә tәqlid etmiş olsun?"
Biz cavab
veririz: "Xeyr! Hәtta mәrhumun
ruhi-lәtifi nitqә gәlib bizә bu babdә: "Bәn dә müqәllidәm!"--demiş olsa, inanmayız. Ehtimal
ki, bu böyük şairin zehninә fikri-tәqlid gәlmiş olsun. Fәqәt "Leyli vә Mәcnun" tәqlid olmaq üzrә yazılan asardan deyil.
Bәs nәdir?
Bütün
göz yaşlarıdır. Lakin burasını
düşünmәli: iqtibas başqa, tәqlid yenә başqadır. Bünaünileyh
"Leyli vә Mәcnun"
bütün-bütün Füzuliyә aiddir. Bu xәzineyi-qiymәtdara heç bir әcnәbi müdaxilә edәmәz!"
"Leyli
vә Mәcnun" barәsindә aşağıda söz
olunacaqdır.
Divani-әşarın cәm etdikdәn sonra Füzuli kәmali-inkisar ilә әrbabi-bәlağәt vә әshabi-fәsahәtә üz çöndәrib, onlardan tәvәqqe elәyir ki, onun divani-kәlamını mütaliә etdikdә demәsinlәr ki, Füzuli tamami-ömrünü
bir mәhәldә, yәni İraqi-Әrәbdә keçirib, qeyri bir mәmlәkәtә sәyahәt etmәyibdir vә lazimeyi-tәcrübә vә kәmali-tәhsil qılmayıbdır. Bu illәti mucibi-süquti-etibar
bulmasınlar vә
mәhәlli-mәqamına görә rütbeyi-istedadına hәqarәtlә baxmasınlar. Zira, qızıl
torpaqda yatmaqla ciladan düşmәz....
Bundan
sonra şair dәrgahi-ilahiyә üz tutub deyir:
"İlahi! Bu mәhәbbәtnameyi-nami vә bu fәrzәndi-dilbәndi-girami ki, zadeyi-tәbi-füsunsaz vә nәticeyi-idraki-sehrpәrdazımdır, nә diyara getsә vә nә vilayәtә yetsә, mәqdәmi-şәrifin mübarәk vә meymun vә mәtlәi-lәtifin xücәstә vә hümayun edәsәn". Doğruluqla demәk olur ki, Füzulinin bu
duası dәrgahi-hәqqdә dәrәceyi-qәbula irişdi vә onun tәbi-füsunsazından
vücuda gәlәn fәrzәndi-dilbәndi, yәni divani-әşarı hәr ölkә vә diyarda әziz vә möhtәrәm oldu. Bundan әlavә, Füzuli hәqqdәn niyaz edir ki, "bu mәhbubi-cahanpeymanı vә şahidi-rәnanı ümumәn әhli-fәsaddan vә xüsusәn üç tayifeyi-bәdnihaddan hüsni-himayәtindә mәhfuz vә mәhrus qılsın. Bu üç tayifәdәn biri ol katibi-naqabildir ki,
xameyi-müxalifәttәhriri
tişeyi-bünyani-maarifdir vә kilki-küdurәttәsiri memari-binayi-zәxarifdir. Gah bir nöqtә ilә "mәhәbbәt"i "möhnәt" göstәrәr vә gah bir hәrf ilә "nemәt"i "niqmәt" oxudar:
Qәlәm olsun әli ol katibi-bәdtәhririn--
Ki, fәsadi-rәqәmi sözümüzü şur eylәr.
Gah bir hәrf süqutilә qılır "nadir"i
"nar",
Gah bir
nöqtә
qüsurilә
"göz"ü "kur" eylәr.
Biri ol
naqisi-bәdsavaddır
ki, tәbi-namövzunu
ilә mәclisü mәhafildә dәvayi-istedad qılıb, şer oxuduqda
nәzmi nәsrdәn seçilmәyә vә әdayi-süstü
ilә şahidi-mәni camalından niqab
açılmaya:
Binәsib olsun nәimi-xülddәn ol zişt kim,
Namülayim
lәhcәsi mövzunu namövzun edәr.
Tişeyi-lәfzi binayi-nәzmi viran eylәyib,
Süst
göftarı fәsahәt әhlini mәğbun edәr.
Vә biri ol hasidi-cәfapişәdir ki, tәbi-namövzunu ilә dәvayi-şer edә, amma dәqayiqi-әşarә sahibşüur olmaya vә idraki-rәkiki ilә lafi-nәzm ura, amma hәqayiqi-göftarә rahi-tәsәrrüf bulmaya. Lacәrәm, hәsәd dideyi-insafın kor edib, idrakına
etimad edә vә cahillәr hüzurunda bihudә-bihudә laflar urub, hәrzә-hәrzә dәxllәr eylәyә, ta kim, şerdәn zövqi-istima gedә:
Xәzandır gülşәni-ürfanә hasid,
İlahi,
hasidi xar eylә
daim.
İşidir
mәrifәt әhlinә azar,
İlahi,
hasidi zar eylә
daim.
Füzuli
türklәr әdәbiyyatında "Ustadi-şüәra" lәqәbini alıbdır vә bu zati-şәrif mәzkur lәqәbdәn sәva Azәrbaycan vilayәtindә "Ustadül-mәkatib" ismilә dәxi şöhrәtlәnmişdir. Füzulinin mәşhur әsәrlәri bunlardır: 1)
"Külliyyati-divani-Füzuli", 2) "Hәdiqәtüs-süәda". 3) "Şikayәtnamә" ki, nәsr ilә yazılmışdır vә bu axırıncı әsәr bizim nәzәrimizә çatmayıbdır.
"Külliyyat"a
daxil olan әsәrlәr bunlardır: Müqәddimәtül-kitab, qәsaid, tәrkibbәnd vә tәrcibәnd, "Bәngü badә", "Nişançı
Paşa xidmәtinә yazılan mәktubi-hikmәtüslub", "Saqinamә", "Mәrsiyә dәr hәqqi-xamisi-Aliәba hәzrәti-Seyyidüş-şühәda", qәzәliyyat, müsәddәsat, müxәmmәsat, mürәbbeat, әlmüqәttәat, "Dastani-Leyli vә Mәcnun". Bu
"Külliyyat"ın әn mötәbәr çapı sabiqdә İstambulda fars dilindә tәb olunan "Әxtәr" cәridәsinin mәtbәәsindә 1308-ci sәnәdә çap olunanıdır. Bu
divani-Füzuli artıq diqqәtlә tәshih olunmuş nüsxәlәrdәn birisi olub, açıq vә aydın hürufat ilә sarı rәngә mail kağız üstә tәb olunmuşdur.
"Hәdiqәtüs-süәda" on bir baba tәqsim olunubdur. Bu qәrar üzrә:
Әvvәlinci bab bәzi әnbiyayi-üzam vә rüsüli-kiramın surәti-әhvalları bәyanındadır.
İkinci
bab Hәzrәti-Rәsulun Qüreyşdәn çәkdiyi әzaların bәyanındadır.
Üçüncü
bab hәzrәti-Seyyidül-mürsәlinin keyfiyyәti-vәfatı bәyanındadır.
Dördüncü
bab Hәzrәti-Fatimeyi-Zәhranın vәfatı bәyanındadır.
Beşinci
bab Әliyyül-Mürtәza hәzrәtlәrinin vәfatı bәyanındadır.
Altıncı
bab Hәzrәti-İmam Hüseynin bәzmi-bәlada sağәri-bәqa nuş etdiyi bәyanındadır.
Yeddinci
bab Hәzrәti-İmam Hüseynin Mәdinәdәn Mәkkәyә tәvәccöhü bәyanındadır.
Sәkkizinci bab Müslüm ibn Әqilin şәhadәti bәyanındadır.
Doqquzuncu
bab İmam Hüseynin Mәkkәdәn Kәrbәlaya tәvәccöhü bәyanındadır.
Onuncu bab
Hәzrәti-İmamın lәşkәri-Yezid ilә müharibәsi bәyanındadır.
On birinci
bab xatimeyi-kitab vә müxәddәrati-әhli-beytin Kәrbәladan Şama getdiklәri bәyanındadır.
Tәtimmeyi-kitabda on iki imamın tәriqi-icmal üzrә әhvalları bәyan olunubdur.
"Hәdiqәtüs-süәda" dәxi türk dilindә inşa olunubdur. Bu bәrgüzidә әsәrin türk lisanında tәhrir olunmağının sәbәbini Füzuli bu minval üzrә bәyan edib, itmamına hәqqdәn müavinәt istәyir: "Çün cәmi müddәtdә mәcalis vә mәhafildә tәqrir olunan vәqayeyi-Kәrbәla vә keyfiyyәti-әhvali-şühәda farsi vә tazi ibarәtindә bәyan olmağın әşrafi-әrәb vә әkabiri-әcәm tәmәttö bulub, әizzeyi-әtrak ki, cüzi-әzәmi-tәrkibi-alәm vә sinfi-növi-bәni-adәm olub, sәtri-zaidi-sәhaifi-kütüb kimi süfufi-mәcalisdәn xaric qalıb,
istifayi-idraki-hәqayiqdәn mәhrum qalırlardı, bu sәbәbdәn iqtizayi-ümumi-matәmi-Ali-әba zәbani-hal ilә mәni-xaksarә tәәrrüz etdi vә dәsti-tәәrrüz ilә giribanım tutdu ki, ey pәrvәrdeyi-xani-nemәti-şahi-Kәrbәla--Füzuliyi-mübtәla, nola ki, bir tәrzi-mücәddәdә müxtәre olasan vә himmәt tutub bir mәqtәli-türki inşa qılasan ki,
füsәha
türki zәbanında
istemalından tәmәttö
bulalar vә
idraki-mәzmunundan
әrәbdәn vә әcәmdәn müstәğni olalar.
Q İ T Ә
Tәkrari-zikri-vaqieyi-dәşti-Kәrbәla,
Mәqbuli-xasü amü
siğarü kübardır.
Tәqrir edәnlәrә sәbәbi-izzü ehtişam,
Tәhrir edәnlәrә şәrәfi-ruzigardır.
Bu hәqir vә fәqir ki, bu nәsihәti isğa qıldım vә bu xidmәtin mәhz sәadәt olmağın mühәqqәq bildim, әdәmi-istitaәt vә qillәti-bizaәtdәn ehtiraz vә ictinab etmәyib tәrtibinә tәvәccöh qıldım. Әgәrçi ibarәti-türkidә bәyani-vәqaye düşvardır, zira ki, әksәri-әlfazı rәkik vә ibaratı nahәmvardır, ümmiddir ki, hikmәti-övliya itmamına
müsaidәt vә әncamına müavinәt qıla.
N Ә 3 M
Ey feyzrәsani-әrәbu türkü әcәm,
Qıldın
әrәbi әfsәhi-әhli-alәm.
Etdin
füsәhayi-әcәmi İsadәm,
Mәn türkzәbandan iltifat eylәmә Lәm.
İlahi!
Vaqifi-keyfiyyәti-hal
vә alimi-dәqayiqi-әfalsan. Bilirsәn ki, sәndәn qeyri müinü müzahirim yoxdur vә әtrafü cәvanibdә hasidü müanidim çoxdur. Әmimi-mәkarimindәn vә kәrimi-mәrahimindәn tәvәqqe budur ki, bu binayi-mücәddәd tәmirindә vә bu mülki-müәbbәd tәsxirindә әlfazü
mәanidәn cәmi mәsalihim mühәyya qılasan vә әrbabi-hәsәd vә әshabi-inad
hücum etdikcә
mәnә müinü müsaid olasan:
"innәkә әlә kulli şeyin tәdirun".
Әgәrçi "Hәdiqәtüs-süәda" nәsr ilә tәhrir olunubdur vә bәzi mәqamlarda münasibi-hal vә müvafiqi-mәqal gözәl şerlәr vasitәsilә şәrhi-mәna qılınıbdır vә lakin bu nәsrdә Füzuli o qәdәr mәharәt vә fәsahәt göstәrmiş ki, vә әhvali-keyfiyyәti-şühәdanı elә bir gözәl vә şirin dil ilә yazmış ki, әhli-zövq vә әrbabi-mәrifәt indindә onun dәrәcә vә mәnzilәti çox nәzmlәrdәn artıqraqdır. Bu vaxta kimi füsәhayi-türk vә әcәmdәn bir kәs belә bir xoş ibarәli vә şirin lәhcәli vә gözәl şivәli әsәr vücuda gәtirmәyibdir--desәk, sәhv etmәmiş olarıq.
Füzulinin
asari-qәlәmiyyәsindәn nümunәlәr göstәrmәyi lazım görmәdik. Bu cәhәtә ki, Azәrbaycan türklәrinin handa azacıq
savadlısı varsa, onun әsәrlәri ilә az-çox tanışdır. Hәtta bu axır vaxtlara kimi onun
divani-qәzәliyyatı vә "Leyli vә Mәcnun" hekayәsi mәktәblәrdә tәlim kitabı olub, uşaqlara ondan dәrs verilirdi. İndi dә köhnә mәktәblәrdә tәlim almış adamlardan hәr birisini dindirsәn, "Leyli vә Mәcnun" hekayәsinin ibtidasını--"Dehqani-hәdiqeyi-hekayәt, Sәrrafi-cәvahiri-rәvayәt...." başlayıb әzbәrdәn oxuyacaqdır. Amma çoxları bu
qәribә hekayәnin mәnasını әsla fәhm etmәyib, tutuquşu kimi ancaq onun lәfz vә ibarәsini öyrәnmişlәr. O ki, qaldı Azәrbaycan şairlәrinә, onlardan çoxu Füzuliyә peyrәvilik edib, xüsusәn qәzәliyyat vә müxәmmәsat qismi әsәrlәrindә ustadi-giramilәri getdiyi tәriqi ixtiyar edib, onunla getmişlәr vә bәzilәri bu müqәllidlikdә övci-mәqama yetişib, fünuni-şerdә böyük bir mәharәt kәsb etmişlәr. Mәsәlәn, Nuxa şairlәrindәn mәşhur İsmayıl bәy "Nakam" tәxәllüs Füzulinin atidә zikr olunan müsәddәsinә yazdığı bir nәzirә xeyli mәrğub vә dilpәsәnd kәlamlardan birisidir.
MÜSӘDDӘSİ--FÜZULİ
Dün
sayә saldı
başimә bir sәrvi-sәrbülәnd--
Kim, qәddi dilrüba idi, rәftarı dilpәsәnd.
Göftarә gәldi ta ki, açıb lәli-nuşxәnd,
Bir
püstә
gördüm onda tökәr rizә-rizә qәnd.
Sordum:--Mәgәr bu dürci-dәhәndir--dedim, dedi;
--Yox, yox,
dәvayi-dәrdi-nihanındürür sәnin!
Әymiş
hilali üstünә tәrfi-külahini,
Çox
dilşikәstәnin göyә yetirmiş ahini,
Zülfün
dağıtdı, gizlәdi әbr
içrә
mahini,
Gördüm
yüzündә hәlqeyi-zülfi-siyahini.
--Ol
piçü tabı çox nә rәsәndir?--dedim, dedi:
--Dövri-rüxümdә
rişteyi-canındürür sәnin!
Vermiş
füruğ şәmi-rüxi gün çirağına,
Salmış
şikәst sәrv qәdi gül budağına,
Dün sәrv tәk basanda qәdәm göz bulağına,
Bir
neçә xardәn әlәm irmiş ayağına.
--Gül
bәrginә batan nә dikәndir?--dedim, dedi:
--Mücgani-çeşmi-әşkfişanındürür
sәnin!
Seyr ilә saldı bağә güzәr ol sәmәnüzar,
Әnvai-zibü
zinәt ilә fәsli-novbahar,
Tökmüş
gül üzrә
sünbüli-giysuyi-müşkbar,
Yaxmış
ayağına yenә gülbәrg
tәk nigar.
--Nәsrinә rәngi-lalә nәdәndir?--dedim, dedi:
--Qәmzәm xәdәngi tökdüyü
qanındürür sәnin!
Seyli-sirişkim
oldu rәvan
xaki-kuyinә,
Can valeh
oldu lәli-lәbü göftguyinә,
Dil
düşdü dami-silsileyi-müşkbuyinә,
Ol lәhzә kim, sataşdı gözüm
zülfü ruyinә,
--Әqrab mәhi-münirә vәtәndir?--dedim, dedi:
--Vәhm eylә kim, xәtәrli qiranındürür sәnin!
Düşmüş
üzarı üzrә müәnbәr sәlasili,
Aşüftәhal edib neçә bisәbrü bidili,
Әqlimi
valeh eylәdi
şәklü
şәmayili,
Göz
gördü qamәtin, dilü can oldu mayili.
--Vәh, bu nә türfә sәrvi-çәmәndir--dedim, dedi:
--Mәnzuri-dideyi-nigaranındürür
sәnin!
Dün
sübhdәm ki,
lalәvü nәsrin salıb niqab,
Gül
çöhrәsindәn aldı sәba pәrdeyi-hicab,
Gülzarә çıxdı seyr edә ol rәşki-aftab,
Şәbnәm nisar etdi günәş lölöi-xoşab.
--Lölömü,
yoxsa dürri-Әdәndir?--dedim, dedi:
--Әbsәm, Füzuli, әşki-rәvanındürür sәnin!
Bu
dürri-Әdәn vә löleyi-xoşab ilә arastә vә tәrtib olunmuş kәlami-behcәtәngizә nәzirә olaraq İsmayıl bәy Nakam demişdir:
Kuyi-nigarә duş gedib eylәdim büka,
Guş elәyib fәğanımı ol
türki-dilrüba,
Dәrdimi bildi, heyrәtimi gördü cabәca,
Rәhm etdi halimә, dedi:--Ey әrseyi-bәla,
Kim eylәmiş bu dәrdә sәni mübtәla? Dedim:
--Mәn bilmәm özgә, aşiqi-heyranınam sәnin.... i.a.
Bu kәlamın tamamisi cәnab Nakamın seyrü süluku
babında dәrc
olunacaqdır. Oraya baxmalı!
Nakamdan әlavә Qasım bәy Zakir, Abdulla bәy Asi, Mehdiqulu xan Vәfa, Hacı Seyid Әzim Şirvani, Bixud, Mustafa
ağa Nasir, Qövsi, Molla Qәdir Naci vә Azәrbaycanın qeyri müzzәm vә mәşhur şairlәri Molla Mәhәmmәd Bağdadiyә peyrәvilik edib, fünuni-şerdә özlәri üçün şan vә şöhrәt kәsb etmişlәr. Zәnnimizcә, Fuzulinin nüfuzu xeyli müddәt bizim Azәrbaycan şairlәrinin asari-qәlәmiyyәlәrindә müşahidә olunacaqdır vә onun ruhpәrvәr olan әşari-mütәәddidәsinin hüsni-tәsirindәn bizim şüәranın da tәblәri sәfalanıb, nuraniyyәt kәsb edәcәkdir.
Füzulinin
asari-qәlәmiyyәsinin hәlә daha da çox zamanlar hәyat üzrә davam edib, tәrü tәzә qalmağına iki ümdә sәbәb vardır. Onlardan birisi budur ki, haman әsәrlәrin tamamisi pak, hәqiqi vә tәbii hissiyyatdan nәşәt etmiş әsәrlәrdir ki, eşqi-hәqiqidәn bәhs edir. Füzulinin özü hәqiqi aşiq olduğu
üçün kәlamı dәxi
başdan-ayağa aşiqanәdir. O pakizәlik vә lәtafәt vә o naziklik vә nәzakәt ki, Füzulinin şerlәrindә hiss olunur, heç bir şairin kәlamında o dәrәcәdә mәhsus deyildir. Bilafәrq Füzulinin hansı qisim kәlamını mütaliә etmәk istәsәniz, mütaliә buyurun, onun hüsni-tәsirini oxuduqda öz
vücudunuzda dәrk
edәcәksiniz. Vә bu tәsirdәn içәri alәminiz bir növ tәmizlәnib paka çıxacaqdır,
vicdanınız uyqudan ayılan kimi olacaqdır. Fikir vә xәyalınız sizi başqa bir ali mәqama-mәnәviyyәt alәminә tәrәf çәkәcәkdir. Burada nümunә üçün uzaq getmәyib, divani-qәzәliyyatından әvvәlinci qәzәlinә iktifa edәlim ki, mәhәbbәti-әzәli ilә başlanıbdır:
Qәd әnarәl-eşqә lil-üşşaqi mәnhacül-hüda,
Saliki-rahi-hәqiqәt eşqә eylәr iqtida.
Eşqdir
ol nәşeyi-kamil
kim, ondandır müdam
Meydә tәşviri-hәrarәt, neydә tәsiri-sәda.
Vadiyi-vәhdәt hәqiqәtdә mәqami-eşqdir--
Kim,
müşәxxәs olmaz ol vadidә sultandan gәda.
Eylәmәz xәlvәtsәrayi-sirri-vәhdәt mәhrәmi
Aşiqi
mәşuqdәn, mәşuqi aşiqdәn cüda.
Ey kim, әhli-eşqә söylәrsәn: mәlamәt tәrkin et!
Söylә kim,
mümkünmüdür tәğyiri-tәqdiri-xuda?
Eşq
kilki çәkdi
xәtt hәrfi-vücudi-aşiqә--
Kim, ola
sabit hәq
isbatında nәfyi-maәda.
Ey
Füzuli, intihasız zövq buldun eşqdәn,
Böylәdir hәr iş ki, hәqq adına qılsan ibtida.
Bu
şerlәri
mütaliә
etdikdә, filhәqiqә, oxucular bir növ hәqiqәt yolunda sәy edәn saliklәr cümlәsinә daxil olub, onların fikir vә xәyalı vadiyi-vәhdәt tәrәfinә meyl edir ki, onda sultan ilә gәda vә әğniya
ilә füqәra arasında bir fәrq vә tәfavüt yoxdur. Füzulinin әşar vә kәlamının bәqasına ikinci sәbәb onların elm vә tәcrübә üzü ilә tәbi-sәlimdәn doğub vüqua gәlmәlәridir. Necә ki, şair özü deyir ki,
şairliyim tәsdiq
olub, avazeyi-nәzmim
ilә alәmlәr dolub şöhrәt tapdımsa da, mәşşateyi-himmәtim rәva görmәdi ki, müxәddәreyi-hüsni-nәzmim pirayeyi-maarifdәn xali vә rişteyi-silki-şerim cәvahiri-elmdәn ari qalsın. Zira ki, elmsiz
şer әsası
yox divar kimi olur vә әsassız divar qayәtdә bietibar olur (Bu irada bizim şüәra diqqәt yetirmәlidir vә elm vә maariflә öz şerlәrinә möhkәm bina vә әsas saz
etmәlidir). Pәs, Fuzulinin qәlәmi-gövhәrrizindәn vücuda gәlәn lölö vә cәvahir ilә tikilmiş imarәtin divarları elm vә maarifin möhkәm bünövrәsi üstündә qәrar tutmuşdur vә afәti-zәmanәdәn ona bir xövfü xәtәr yoxdur, zira bir xanәnin binası nә qәdәr möhkәm olsa, bir o qәdәr onun daimi vә әbәdi olması yәqindir. Bu cәhәtә, Füzulinin tәbi-gövhәrbarından zühur etmiş
vә ülum vә maarifin әlәyindәn әlәnmiş vә әqli-sәlimin tәrәzisindә müvazinә olunmuş әşari-hәkimanә vә asari-fәlsәfanә onun ismi-şәriflәrini, necә ki, dünya vardır vә türk tayfaları
sağdır, baqi saxlayacaqdır. Ol dürri-yeganәnin uşaqlar әlinә tәlim üçün verilәn "Leyli vә Mәcnun" dastanında o qәdәr hikmәtamiz sözlәr, dәrin fikirlәr, nazik imalar vә rәqiq işarәlәr, şairanә nәzmlәr vә fәlsәfanә şerlәr vardır ki, cümlәsini burada zikr etmәyә vә şәrh qılmağa nә xamәdә qüdrәt vә nә lisanda bir o qәdәr tәlaqәt vә fәsahәt vardır. Avropa hükәma vә fәlasifәsindәn mәşhur Şopenhauer "Mәhәbbәt nәdәn ibarәtdir" sәrlövhәsilә yazdığı bir әsәrindә bәst verdiyi şәrh vә bәyanatın çoxunu Füzulinin abdar
şerlәrindә tapırıq. O fikirlәr ki, alman filosofu әlli sәnә bundan irәli bәyan etmişdir, onları Molla Mәhәmmәd Bağdadi üç-dörd
yüz sәnә bundan müqәddәm xeyli әdibanә vә mәrğub surәtdә rişteyi-nәzmә çәkmişdir.
Fuzulinin hәkimanә kәlamlarından nümunә üçün ancaq
"Leyli vә Mәcnun" hekayәsinin ibtidasında dәrc olunmuş münacatın
bәzi yerlәrini burada yazmaqla iktifa edirik:
BU,
MÜNACAT DӘRYASINDAN
BİR CÖVHӘRDİR VӘ TӘZӘRRÖ MӘDӘNİNDӘN BİR GÖVHӘRDIR.
Ya rәb, kәrәm et ki, xarü zarәm,
Dәrgahә bәsi ümidvarәm.
Topraqdan
eylәdin bir
insan,
Müstövcibi-әqlü qabili-can.
Gәr can isә xaki-dәrgәhindir,
Vәr әql isә saliki-rәhindir.
Mәn gülşәni-can içindә xarәm,
Ayineyi-әqli pürqubarәm.
Ol gün
ki, yox idi mәndә qüdrәt,
Qıldın
mәnә qeybәtimdә rәğbәt.
Can
verdinü sahibi-dil etdin,
İdraki-ümurә qabil etdin.
Yüz
şükr ki, yox sәnә
xilafım,
İnsafım
varü etirafım.
Öylә deyilәm ki, bu aradә
Sәdd ola sülukim etiqadә.
Rahi-tәlәbindә biqәrarәm,
Әmma
tәlәbimdә şәrmsarәm.
Doğru
yola getmәdim, nә hasil?
Bir mәnzilә yetmәdim, nә hasil?
Bir әrsәdә hәr әsәr ki, gördüm,
Sәnsәn dedim ol әsәr, yügürdüm;
Çün
verdi xәyal ona xәmü piç,
Mәn münfәil oldum, ol әsәr hiç.
Mәn әqldәn istәrәm dәlalәt,
Әqlim
mәnә göstәrәr zәlalәt.
Tәhqiq yolunda әql netsin,
Әmavü
qәrib qanda
getsin?
Tövfiq
edәsәn mәgәr rәfiqim,
Ta sәhl ola şiddәti-tәriqim.
Dünya
nәdirü tәәllüqatı,
Әndişeyi-mövtdür
hәyatı.
Әmma
demәzәm yalandır ol hәm,
Sәrmәnzili-imtәhandır ol hәm.
Billah ki,
bu dilfәrib mәnzil
Öylә mәnә verdi rahәti-dil--
Kim, әski mәqamımı unutdum,
Sandım
vәtәnim, mәqam tutdum.
Müşkül
gәlir indi tәrkin etmәk,
Bir özgә mәqama dәxi getmәk.
Mәn böylә qılıram
etibarı--
Kim, bunda
olur könül qәrarı.
Әmma
çü sәnindürür
bu göftar--
Kim,
dünyadan özgә axirәt
var.
Oldur ki, mәqami-cavidandır,
Kami-dilü
rahәti-rәvandır.
Göftarına
etiqad qıldım,
Ol dәxi yek olduğunu bildim.
Bildim bu
imiş sәnin
muradın--
Kim, әhli-kәmal ola ibadın,
Bunda yetә rütbeyi-kәmalә,
Onda yetә dövlәti-vüsalә.
Bu rahdәn etmәk olmaz ikrah,
Xoşrahdürür
sәnә gedәn rah.
Ol lәhzә hәm etmә şәfqәtin kәm.
Tövfiqinә qıl rәfiq hәr dәm.
Çün
әql ilә can әmanәtindir,
Mәndә әsәri-inayәtindir.
Bunları
mәnimlә zar qılma,
Bir
neçә әzizi xar qılma!
Ta kim, bu
mәqamı tәrk edәndә,
Mәndәn sәnә әzm edib
gedәndә,
Mәndәn cәzә ilә getmәsinlәr,
Dәrgahә şikayәt etmәsinlәr.
Şum
olmasın onlara vüsalım,
Olmasın
olardan infialım.
Etmәk gәrәk әhli-feyzi-biniş,
Tәhqiqi-vücudi-afәriniş.
Bilmәk gәrәk onu kim, cәvahir
Nә gәnci-nihandan oldu zahir?
Nә dairәdir bu dövri-әflak,
Nә zabitәdir bu mәrkәzi-xak?
Cismә әrәzi kim etdi qaim.
Narә nәdәn oldu nur lazim?
Hәr xilqәtә gәrçi bir sәbәb var,
Aya, sәbәbi kim etdi izhar?
Gәr kaf ilә nundan oldu alәm.
Aya nәdәn oldu kafü nun hәm?
Bihudә deyil bu karxanә,
Bifaidә gәrdişi-zәmanә.
Haşa
ki, bu türfә
nәqşi-qәrra
Nәqqaşından ola mübәrra.
Haşa
ki, bu bargahi-ali,
Bir dәm әyasından ola xali,
Fikr eylә vә gör, nәdir bu üslub,
Nә saniәdir bu süni-mәnsub?
Hәr zәrreyi-zahirin zühuri
Bir
özgәyә bağlıdır zәruri.
Gәr ğayәtә eylәsәn tәәmmül,
Zahir olur
onda mәzhәri-küll.
Versәn özünә fәnayi-mütlәq,
İsbat
olur ol fәna ilә hәqq.
Gәr var isә mәrifәt mәzaqi,
Fani sәnә bәs dәlili-baqi.
Hәqqa ki, hәmin vücud birdir,
Bir zatә vücud münhәsirdir.
Әksidir
onun vücudi-әğyar,
Mәnidә yox etibar ilә var.
Var
olanı xәlq
yox sanırlar,
Yox
varlığına aldanırlar.
Yoxdur bu
vücudun etibarı,
Hәq ayinәdir, cahan qübarı.
Ey әql, әdәbә riayәt eylә,
Bu bilmәk ilә kifayәt eylә!
Tәhqiqi-sifatә qane olgil,
Әndişeyi-zatә mane olgil!
Ol pәrdәyә kimsә rah bulmaz,
Tәhqiq bil, onu bilmәk olmaz.
Gәr yetsә idi bu sirrә idrak,
Demәzdi rәsul "maәrәfnak".
Xәlq oldu bu bәhri-heyrәtә qәrq,
Ta xәlqdәn ola xaliqә fәrq.
Hәr riştә ki, hәqq әyan edibdir,
Sәrriştәsini nihan edibdir.
Faş
oldu ki, sirri-hәq
nihandır,
Alәmdә nişanı binişandır.
BU,
İZHARİ-ETİRAFİ-CӘHALӘTDİR VӘ İQRARİ-İSRAFİ-MӘSİYYӘTDİR.
Ey hikmәtә baxmayan nәzәrsiz,
Әhvali-zәmanәdәn xәbәrsiz!
Tәn etmә ki, çәrx bivәfadır,
Daim
işi cövr ilә cәfadır.
Şәrh eylә mәnә ki, çәrx netdi?
Ondan nә cәfa zühura yetdi?
Nәn var idi kim, әlindәn aldı,
Nә mәrtәbәdәn aşağı saldı?
Dövranә gәtirdi mehrü mahi,
İçindә sәpidiyü siyahi.
Gәh atәşә zәcri-ab verdi,
Gәh badә qәmi-türab verdi.
Şәmi-әmәlin münәvvәr etdi,
Hәr nә dilәdin müyәssәr etdi;
Qıldı
sәni hiçdәn bir adәm,
Әsbabi-tәnәümün fәrahәm.
Çәrxin xud işi sәninlә böylә,
Sәn neylәdin onun ilә, söylә!
Hәr dәm onu bivәfa oxursan,
Dönsün--deyü
bәddua oxursan.
Çün
ol sәnә qıldı mehribanlıq,
Yaxşılığa
eylәmә yamanlıq!
RUHA
XİTAB
Ey ruh ki,
cami-cәhl edib
nuş,
Hübbi-vәtәn eylәdin fәramuş.
Kim
saldı sәni
bu tәng rahә,
Qandan
düşdün bu damgahә?
Sәn tәrk qılıb әdәm diyarın,
Bulduqda
vücud etibarın,
Qılmışdı
sәninlә hikmәtüllah,
Әcnasi-hәvasü әqli hәmrah.
Ta alәmә qәldiyin zamanda,
Bazari-tәrәddüdi-cahanda
Sәrmayәlәrindәn edәsәn sud,
Ol sud nәdir?--Rizayi-mәbud.
Hala ki, xәsarәt oldu vaqe,
Sәrmayәlәrin tәmam zaye.
Heyranü
mükәddәrü tәhidәst,
Әhvali
xәrabü
rütbәsi pәst.
Dönsәn yenә gәldiyin mәqamә,
Qabilmi
düşәsәn ehtirama?
Әlbәttә, zәlilü xar olursan,
Bu fel ilә şәrmsar olursan.
NӘFSPӘRӘST QAFİLӘ XİTAB
Ey nәfspәrәstü cismpәrvәr,
Olma qәmi-hirs ilә mükәddәr!
Sәy eylә mәtai-mur yığma,
Cәhd eylә әzabi-gur yığma!
Alma әlә sәğari-meyi-nab--
Kim, qәrqә edәr sәni bu girdab!
Olma nigәrani-sәbzeyi-bәng--
Kayineyi-dininә salır jәng!
Dәf kimi köksdә lәhv qoyma!
Ney kimi hәvayi-nәfsә uyma!
Damani-tәriqi-şәri tutgil,
Hәr nә ki, xilafi-şәrdir, unutgil!
Tәhqiqi-vәsileyi-vüsul et!
Tәqlidi-şәriәti-rәsul et.
Qәdim Yunanıstanda şüәra sinfi bir qissә vә hekayәt yazmaq istәdiklәri әsnada Muza adlı şer ilahәsinә rücu edib, ondan kömәk vә mәdәd dilәrdilәr. Bu adәtә oxşar әski әcәm vә әrәb vә türk şairlәri dәxi saqiyi-safzәmirә vә sadәruya üz çöndәrib, ondan kәrәm vә himmәt dilәrdilәr. Füzulinin "Leyli vә Mәcnun" qisseyi-pürqüssәvü mәlalının ibtida vә intihasında vә hekayәnin bәzi mәqamlarında yazdığı saqinamәlәr onun әn xoşmәzmun vә dilpәzir kәlamlarından әdd olunsa gәrәkdir. Bu saqinamәlәrdә o qәdәr mühәssәnat, lәtafәt vә mövzuniyyәt vardır ki, onları yazmaqla
başa gәlәsi deyil. Onları diqqәtlә oxuyanlar bir tәrәfdәn dünyayi-dunun qeydindәn vә nәfsi-şumun hirs vә tәmәindәn, alçaq vә rәzil әmәllәrdәn, pis işlәrdәn, fasid vә batil fikirlәrdәn xilas olub, nuraniyyәt kәsb edirlәrsә dә, digәr tәrәfdәn onların qәlbi bir növ mәhzun vә könlü tutqun olur. Bu
hala sәbәb oldur ki, Füzuliyi-şikәstә-halın qәlәmi-gövhәrsәnci tökdüyü
dürri-safın әksәri
gözdәn
tökülәn
әşki-müsәffaya bәnzәyir, nәinki şadlıq çәmәnindә yağan barana. Füzuli, demәk olur ki, möhnәt yükünün
barkeşi olub, alәmi-insaiyyәtdә tamami qәmzәdәlәrin vә möhnәtkeşlәrin yüklәrini götürmәk vә mәzlumların halına yanmaq
üçün xәlq olunmuşdur. Füzulinin ahü nalәlәri qarelәrә dәxi sirayәt edib, onları da özü ilә atәşi-hüzn vә әlәmә yandırır. Amma bu yanmaqda bir feyz vә sәadәt vә ülviyyәt vardır ki, o atәşә yanan istәr ki, bir dә yansın. Bu cansuzluq pәrvanәnin şam başına dolanıb
yanmağına bәnzәyir.
Füzuli
tamam alәmin dәrd vә qәmin çәkdiyini "Hәdiqәtüs-süәda"nın axırında bәyan edir. Bu qәm vә әlәm nüsxәsini tamam etdikdәn sonra şair füzәlayi-bәlağәtpişә vә füsәhayi-diqqәtәndişәdәn tәvәqqe vә rica edir ki, binayi-tәlifinә vә tәrhi-tәsnifinә diqqәt yetirdikdә, islahi-xәtasına iqdam vә ehtimam edәlәr vә mühәrririn duayi-xeyir ilә yad edib, qәbuli-üzr ilә hәr nöqsanın tamam qılalar. Vә sonra bu şeri gәtirir:
Hücumi-möhnәti-dövran mәluli,
Giriftari-qәmi-alәm Füzuli.
Deyil ol lәhceyi-göftarә qabil--
Kim, ola
qabili-sәmi-әkabir.
Qılır
cәmiyyәti-dil lәfzi dilkәş,
Müşәvvәş söylәmәz, illa müşәvvәş.
Gәl, ey hali-tәkәllümdәn xәbәrdar,
Tәrәhhüm qıl, tәәrrüz qılma zinhar!
"Leyli
vә Mәcnun" hekayәsinin sәbәbi-nәzmini bәyan qıldığı saqinamәdә Füzuli deyir: Bu, bir bәzmi-müsibәti-bәladır ki, onun әvvәli qәm, sonu bәladır. Bu hekayәnin nә badәsinә nişatdan rәng, nә nәğmәsinә fәrәhdәn ahәng var. İdrakı verir xәyala azar, әfkarı edәr mәlali әfkar.
Hәrkah bu, bir bәhcәt gәtirәn vә fәrәh yetirәn hekayә olsaydı, bunun tövcihinә rağib olanlar çox
olardı. Bu, pürmәlal bir dastandır ki, hәr bir fәsihin halını pәrişan edib nitqini bağlar
vә sözlәrini kutah elәr. Necә ki, bu babda Nizamiyi-şirinkәlam deyibdir:
Әsbabe-soxәn neşato nazәst,
Zin hәr do soxәn bәhane sazәst.
Meydane-soxәn fәrax bayәd,
Ta tәb dәr u honәr nәmayәd.
Dor gәrmiye-riko sәxtiye-kuh,
Ta çәnd soxәn rәvәd beәnbuh. [1]
[1]
Tərcüməsi:
Sözün
lәvazimatı
şadlıq vә
nazdır,
Söz
özünü bu iki vasitә ilә göstәrir.
Sözün
meydanı gәrәk geniş olsun--
Ki, tәb onda hünәr göstәrә bilsin.
İsti
qumda vә bәrk dağda
Heç
qiymәtli söz
demәk
olarmı?!
Füzuli
Şeyx Nizaminin bu sözlәrini saqinamәsindә zikr edib deyir:
Bir iş
ki, qılır şikayәt ustad
Şagirdә olur rücui bidad.
Amma bu әmr nә qәdәr düşvar isә dә, Füzuli onu әncama gәtirmәyә şüru edib, öz tәbi-lәtifindәn vә qәlәmi-gövhәrrizindәn himmәt tәlәb edir;
Ey tәbi-lәtifü әqli-vala,
İdraki-bülәndü nitqi-guya!
Düşdü
sәfәrim diyari-dәrdә,
Kimdir mәnә yar bu sәfәrdә?
Hәr kimdә ki, vardır istitaәt,
Dәrdü qәmü möhnәtü qәnaәt,
Oldur bu
müsafirәtdә yarım,
Zövq әhlinә yoxdur etibarım....
QӘLӘMӘ
XİTAB
Ey xameyi-sәrkәşi-sәbükxiz,
Vәqt oldu ki, olasan göhәrriz!
Mәn acizәmü bu әmr müşkil.
İmdad
dәmidir, olma
qafil!
Asari-mürüvvәt eylә izhar,
Bir tәprәn, әgәr mürüvvәtin var!
Sәn qıl hünәri, mәn alayım ad,
Sәn çәk әlәmi, mәn olayım şad.
Çün
nәxli-hәdiqeyi-hünәrsәn,
Müftahi-xәzineyi-göhәrsәn,
Cәhd eylә, çıxar cәvahiri-pak,
Fikr etmә ki, yoxdur әhli-idrak!
Demә ki, bulub kәsad bazar,
Bulmaz bu mәtaimiz xәridar....
*
* * *
*
Ey bәxt, vәfasız olma sәn hәm,
Hәmrahlıq et bizimlә bir dәm.
Әlhәqq, demәk olur, bu
әmri-müşkili, yәni "Leyli vә
Mәcnun" hekayәsini ustadi-şüәra vә
әfsәhi-füsәha Molla Mәhәmmәd Bağdadi
Füzuli kәmali-fәsahәt vә bәlağәt
ilә әncama yetiribdir ki, onda zәrrәcә bir
qüsur yoxdur vә ümumi-şüәra vә
üdәba bu qövlә şәrik vә müqirrdir.