MӘŞHӘDİ HİDAYӘT BӘY
"XAKİ"
Mәşhәdi Hidayәt bәy Molla
Abdulla oğlu Mirzәyev Gәncә
şairlәrindәn birisi hesab olunur. Türkcә vә
farsca yaxşı savadı var imiş, rusca da bilirmiş.
Mәrhum Mәşhәdi Hidayәt
bәy cavanlığında Gәncә vilayәt
idarәsindә (qubernski upravleniyedә) mütәrcim
olub, çox sәnәlәr bu mәnsәbdә qulluq
edibdir. Sonraları qocalıq halında istefa verib
xanәnişin olubdur. Mәşhәdi Hidayәt
bәyin tәxәllüsü "Xaki" olub,
bәzәn "Hidayәt" dәxi yazarmış.
Yetmiş yaşı olduğu halda 1903-cü
ilin oktyabr ayının 14-cü günündә
Gәncә şәhәrindә vәfat edibdir.
Mәrhum Xaki çox mömin,
mütәdәyyin, sadiq, әmin vә düzgün bir
zat imiş ki, Gәncә әhli indi dә onu zikri-xeyir
vә rәhmәtlә yad edir. Xaki mütәәddid
övlad müsibәtinә düçar olduğu
üçün yazdıqları әşarın bir
çoxu növhә misallı hüznavәr
kәlamlardır. Şer mәcmuәsi varsa da, hәnuz
çap olunmayıbdır; öz övladındadır.
Şerlәrindәn nümunә:
Ey cövri-yardәn cigәri qan olan
könül!
Mәtlubә yetmәyib belә giryan olan
könül!
Bu qәm günündә bircә
mәdәdkarı olmayan,
Zәrdü zәif, xәstәvü nalan
olan könül!
Mәn çox dedim, eşitmәdin әsla
nәsihәtim,
Ey eşq әlindә valehü heyran olan
könül!
Gördün sәni nә
günlәrә saldı bәlayi-eşq,
Divanәvar gündә hәrasan olan
könül!
Müşküldür indi qurtarasan
eşqi-yardәn,
Xaki kimi cigәrlәri büryan olan
könül!
Dam altında qalıb vәfat edәn 8-9
yaşında oğlu Abbasa xitabәn yazmışdır:
Sübh oldu gәlmәdin, bala, barı
naharә gәl!
Çox yatma qәbr evindә, amandır,
kәnarә gәl!
Nәmdir yerin, qışın günü
yatmaq rәva deyil,
Gir qoynuma, bala, barı dübarә gәl!
Olmur könül riza yatasan sәn
mәzardә,
Qoy mәn girim, qocalmışam, ol
mәzarә, gәl!
Baran misal göz yaşım olmuş rәvan
mәnim,
Rәhm eylә, qoyma çox da mәni
intizarә, gәl!
Vallahı, gündә min kәrә
mәn mәrgә şayiqәm,
Mümkün olursa, eylә, oğul, sәn
dә çarә, gәl!
Hicrin qәmilә öylә yәqin
mәn gәrәk düşәm
Mәcnun sifәt hәmişә dәxi
kuhsarә, gәl!
Bir vaxt tapdılar sәni, çıxsın
gözüm mәnim,
Olmuşdu gül kimi bәdәnin
parә-parә, gәl!
Qurban olum
solan yüzünә, laxta qanına,
Dolmuşdu qoynuna sәnin, ey mahparә,
gәl!
Sәbr elәyim nә növ ilә
sәndәn sora, bala,
Qәddim dönüb kәmanә, nedim,
yoxdu çarә, gәl!
Ömrüm nә qәdri var sәni yaddan
çıxarmazam,
Gәllәm müdam sübhü mәsa
ah-zarә, gәl!
Dünyada toy tutub sәni mәn rahәt
etmәdim.
Qaldım, oğul, ölüncә dәxi
intizarә, gәl!
Ya rәb, nolur ki, tapşırasan xakә
Xakini,
Qәmdәn dönüb kamanә qәddi,
bәxti qarә, gәl!
Mәrhum Xakinin bu hәr iki növhә
misal, şikvә vә nalәamiz şerlәrindә,
doğrusu ki, bir lәtafәt görmәdik. Hәm
mәna vә hәm lәfzәn bunlarda bir
lәyaqәt әsәri yoxdur. Şiveyi-lisan vә
sәbki-kәlama gәldikdә bunlarda qüsur az deyil.
Rәdif vә qafiyәlәrin bәzisi tәkrar olunur.
Mәsәlәn, "çarә",
"kәnarә", "intizarә".
"İntizarә" sözü qafiyә
üçün istemal olmağa görә, şerdә
mәna vermir. Mәsәlәn, "qoyma mәni
intizarә, gәl!" vә hәmçinin
"qaldım, oğul, ölüncә dәxi intizarә,
gәl!" hәr iki mәqamda "intizarә,
gәl!" demәk dürüst deyil.
"İntizarә" әvәzindә "intizar"
vә yainki "intizarda" yazılmaq lazım gәlir.
Bütün növhәdә
xoşmәzmun vә mövzun bir beyt vә ya misra
tapılmaz ki, şair kәlamına bәnzәsin vә
yainki bәnzәri olsa da, qeyrilәrdәn götürülmüş
olmasın. Kәlamın özü dә xeyli
binәmәk vә xoşa gәlmәyәn
tәrzdә başlanır: "Sübh oldu
gәlmәdin, bala, barı naharә gәl!" Ölәn
adamı nahara çağırmaq qulağa әcibü
qәrib gәlir. Bu kәlamın bir para qüsurunu
özümüz düzәldib, bir beytini әsla daxil
etmәdik. Haman beyt budur:
Qanlın mәnәm, apardım, oğul,
sәni [haraya?]
Qoydum dam altında, gör necә
qaçdım kәnarә, gәl!
Bәli ... bu da Mollaşәnbә
şerinә bәnzәr bir şeydir.