MİRZӘ HÜSEYN BӘY "SALAR"

Abdulla bәy Asinin müasiri, әhli-kәmal vә sahibi-tәbisәlim olan şairlәrdәn birisi dә Mirzә Hüseyn bәy vәlәdi-Mәhәmmәd ağa "Salar" tәxәllüs idi. Çox pürmәzmun fars qәzәllәri vardır vә gözәl türk qәzәllәri çoxdur. Onlardan birisini nümunә üçün mәcmuәyә daxil edirik:

Mari-siyahi-zülfün edәr xanә könlümü,

Qıldı mәhәlli-gәnc bu viranә könlümü.

Tiri-bәlayә etdi hәdәf aqibәt mәni,

Ya rәb, görüm ki, seydvәş oxlanә könlümü.

Qәmzәn çәkib xәdәng, qaşın tir ilә kәman,

Qanlı kimi çәkәr hәrә bir yanә könlümü.

Qoyma ki, şanә dil uzada tari-zülfünә,

Allah üçün batırmagilәn qanә könlümü.

Xalın hәvası ilә könül qondu zülfünә,

Axır әsiri-dam elәdi danә könlümü.

Hәr sübhlәr bu xәstә dili xәstә eylәyir

Gahi nәsimi-sübh, gәhi şanә könlümü.

Salarını qoyub qәmi-hicranda mübtәla,

Rәhm eylәmәz, edәr yenә viranә könlümü.