XURŞİDBANU "NATӘVAN"
Qarabağ mahalı, şәhri-Şişә Qafqaz qitәsinin Şirazı mәnzәlәsindә olduğu
cәhәtә, onun
torpağı vә ab-havası hәr qisim әhli-kәmal vә sahibi-elmü hünәr vә xüsusәn xoştәb
vә şirinzәban
әdiblәr vә
şairlәr yetirib ki, cümlәsini zikr etmәklә qurtarmaz.
Bәlkә hәr әhli-savad böyük әdiblәrә peyrәvilik
edib, şüәralıq
iddiasına düşübdür
vә dәrәceyi-tәblәrinә görә
şerü qәzәl
yazıbdır. Fünuni-şerә
o qәdәr meylü rәğbәtlәri
olub ki, çox vaxt irsal-mәrsullarını
da nәzm ilә yazıblar vә Qarabağın ünas әhli dәxi şer demәklә öz qüvvәlәrini sınayıb
imtahan ediblәr vә bu yolda
çox şairәlәr
zühur edibdir. Onlardan mәşhur olanları Aşıq Pәri Maralyani idi. Sabiqdә onun barәsindә mümkün olan qәdәri mәlumat verildi. Aşıq Pәridәn sonra cәnab Xurşidbanu bәyim "Natәvan"
tәxәllüs vә
Fatimә xanım
"Kәminә" tәxәllüs
olublar.
Cәnabi-meymәnәtmәab
mәlәkeyi-müәzzәmeyi-әliyyeyi-mükәrrәmә
Xurşidbanu bәyim
qüfranpәnah Mehdiqulu
xanın qızı vә İbrahimxәlil xan Cavanşirin nәvәsidir. Tәvәllüd
edibdir tarixi-hicrinin
1253-cü sәnәsindә vә cәmadiyül-әvvәl ayının
15-ci günündә[1]. 1315-ci[2] tarixdә Şuşa qalasında daiyi-rәbbaniyә lәbbeyk
deyib, bu dari-fәnadan alәmi-bәqaya rehlәt buyurublar.
[1] 17 avqust 1837. Son tәdqiqatda Xurşidbanu Natәvanın
tәvәllüd tarixi
1830-cu il göstәrilir.
[2] 1897.
Mәrhumeyi-mәğfurә validi-әmcәdinin vәfatından sonra atasının yerindә әylәşib, bir müddәt artıq tәntәnә ilә
atası kimi cәmi Qarabağa xanlıq elәdi. Әvvәlcә Dağıstan
nücәbalarından knyaz
Xasay cәnablarına
әrә gedib vә ondan iki nәfәr övladı olubdur: biri Mehdiqulu xan sani vә
biri Xanbikә ki, Naxçıvan xanlarından İsmayıl
xanın oğlu Aman xana verilmişdi.
Xasay xanın
vәfatından sonra
Xurşid bәyim Qarabağın nәcib seyidlәrindәn Ağaseyid
Hüseynә әqdi-nikah etdirib vә
ondan dәxi neçә nәfәr
oğlan vә qız övladları olubdur.
Seyid Hüseyn hәzrәtlәrinin
hali-hәyatında vә onun tәdbir
vә sәlahdidi ilә xeyli ehsanatlar edib ki, әzancümlә Xurşidbikә cәnablarının
asari-cәmilәlәrindәn
birisi dә Şuşa qalasına әtraf bulaqlardan külli xәrclәr töküb su çıxartmaq olubdur vә bu xeyir
iş ittifaq düşübdür
1290-cı[3] sәnәlәrdә.
Heyfa ki, Seyid Hüseynin vәfatından sonra xanlıq işlәrinә
sәrkeşlik vә
nәzarәt edәn
olmayıb, xanlığın
irәliki övzavü
dәstgahı pozulmağa
üz qoydu.
[3] 1873.
Son tәdqiqatda bu tarix 1872-ci il göstәrilir.
Ol vaxtlarda
cavan Mehdiqulu xan rus qulluğunda
olurdu vә bir dә ol cәnab alitәb bir vücud olduğundan
çәndan dünya ümuratü sәlahına mәhәlgüzar olmazdı
vә hübbi-cahü riyasәt onun
tәbiәtinә müqayir
olduğuna görә, övqatını
Tiflisdә
vә sair qәrib şәhәrlәrdә, vilayәtlәrdә keçirәrdi.
Xurşidbanu bәyim dәxi müsinn bir hala çatmışdı
ki, әmlak işlәrinә nәzarәt etmәyә qüdrәti yox idi vә tamami mülkü dövlәti
hәris vә tamahkar darğa vә vәkillәrin ixtiyarında
qalıb, az
vaxtdan sonra sabiqdә
cahü cәlal vә malü
dövlәtdәn ağır borclardan başqa bir әsәrü nişanә qalmadı.
Xurşidbanu elmü mәrifәt sahibәsi olmağa [görә], әksәri-övqatı
ürәfa, şüәra vә üdәba dairәsindә keçirәrdi. Şer vә qәzәli
sevib, özü dәxi gözәl vә zәrif tәb
sahibәsi
idi.
Mәrhum
Qasım bәy Zakir vә sonralardan Abdulla bәy Asi vә onun müasirlәri
vә xüsusәn hali-hәyatda olan Mirzә Rәhim
Fәna cәnabları ol gövhәri-pakın
iltifatü inayәtlәri sayәsindә tәblәrinә vüsәtü qüvvәt
verdilәr.
Xurşidbanunun kәlamlarından nümunә. Öz fәrzәndi-әzizi Mehdiqulu xanın
müfariqәtindә deyibdir:
Varımdı
sinәdә dәrdü qәmi-nihan, ölürәm,
Fәda olum sәnә, gәl eylә imtәhan, ölürәm.
Fәraqdәn
gecәlәr yatmaram sәbahә kimi,
Xәyali-zülfünә
bağlı gedibdi can, ölürәm.
Bahari-hüsnün
ara gör necә xәzanәm mәn,
Bahar qönçәsi tәk bağrım oldu qan,
ölürәm.
Vәrәq-vәrәq
dilü can hicrin ilә odlaşdı,
Misali-gәncәfә sәd
parә oldu can, ölürәm.
O
xaki-payini mәn aşiyan etmiş idim,
Vәtәndәn ayrı düşüb
indi lamәkan ölürәm.
Dedin ki,
çәk әlini damәnimdәn, әl çәkdim,
Tәrәhhüm eylәmәdin
axır, ey cavan, ölürәm.
Fәda
o qamәtinә kim, qәza
nә xoş çәkmiş,
Qәdr büküb belimi, eylәyib
kәman, ölürәm.
Fәraqdәn
tükәnib tabü taqәtim, billah,
Vüsalә yetmәz әlim, zarü Natәvan
ölürәm.
Әyzәn qәzәli-Xurşid bәyim
düxtәri-Mehdiqulu xan Qarabaği:
Olmuşam
dәhri-bәla içrә bu gün divanә mәn,
Varmadım meyxanәyә, sındırmadım peymanә mәn.
Әhdlәrdәn keçmәdim,
peymanәlәr sındırmadım,
Lacәrәm bimehrlәr tәk olmuşam әfsanә mәn.
Tәrki-gülzar
etmişәm bülbül kimi mәn,
ey rәqib,
Aqibәt bir guşә içrә gәlmişәm әfğanә mәn.
Eşqi-ruxsarında
bir dәm vәsl ilә şad olmadım,
Hәr tәrәf seyr eylәdim, düşdüm әcәb
hicranә mәn.
Qәm
yükün çәkmәkdәn, ey dil, bir dәm
azad olmadım,
Hәrçi cәhd etdim, nә
hasil, yetmәdim cananә mәn.
Duş
gördüm kim, gәlibәn külbeyi-әhzanıma,
Ol zaman nәzr eylәdim canü dilim qurbanә mәn.
Yoxü
varımdan qalan ancaq mәnim bir can idi,
Natәvan, daxi nedim, sәrf eylәyim mehmanә mәn.
Görmәyim
düşvardır, billah, sәni mәn, ey rәqib,
Zülfә bağlı qoy gedim axır
düşüm zindanә mәn.
Dövrü
dönmüş dövr dövran etmәdi kamımca, ah,
Düşmәnimdir,
bilmәzәm kim, netmişәm
dövranә.
Әyzәn qәzәli-Xurşidbanu bәyim:
Dilbәra,
dәrdi-dilimdәn belә ünvan etdim--
Ki, qәmi-hicrdә dil mülkünü viran
etdim.
Mümkün
olmaz mәnә vәslin bilirәm hәşrә kimi,
Ol sәbәb mәskәnimi kuhü biyaban etdim.
Eşq
sultanı mәnim qәtlimә fәrman gәtirib,
Etmәdim tәrki-vәfa, taәti-fәrman etdim.
Sәri-kuyindә
qoyub başımı bir uf demәdim,
Sәri-sidq ilә dilü canımı fәrman
etdim.
Yoxdu bir
kimsә mәgәr dәrdimi bilsin, ya rәb--
Ki, mәn öz qanım ilә dәrdimә dәrman
etdim.
Dәrdi-hicrindә
gözüm yaşı tutub dünyanı,
Nuh tufanı kimi gör ki, nә tufan etdim.
Natәvan,
etmәdi ol sәngdilә nalәm әsәr,
Gecә-gündüz bu qәdәr
nalәvü әfğan etdim.
Әyzәn qәzәli-Xurşidbanu bәyim:
Rәqib
töhmәti etdi mәni cüda, ey dust,
Bu
zülmü gördü rәva, görmә sәn rәva,
ey dust!
Әgәr ki, tiğ çәkib
öz әlinlә öldürsәn,
Deyil cәfa
bu mәnә, bilmәzәm cәfa, ey dust!
Kәnardәn
baxaram mәn hәqir hәsrәt ilә,
Bu,
yaxşı şivә deyil, olma bivәfa,
ey dust!
Sәnin
bu hüsnünә layiq heyf ki, әhdin yox,
Nә qәdәr sәy
elәdim, tapmadım dәva, ey dust!
Bәli,
bu hicrin ilә mәn hәmişә xoşhalәm,
Görәk
ki, neylәyәcәk axırı qәza,
ey dust!
Rәqibә
xoşdu hәmişә mәni kәnar etsin,
Fәda
o himmәtinә, olasan riza, ey dust!
Çağırram
allahı mәn hali-Natәvan ilә,
Mәgәr
ki, tez verә hәq düşmәnә cәza,
ey dust!
Bu iki
beytlәr dәxi ol cәnabın kәlamıdır:
Әgәrçi xoşdu mәnә әtri,
hәm sәfası gülün,
Cәfası çoxdu, nә
hasil ki, yox vәfası gülün.
Cәfayi-xarı
görüb köçdü bağdәn bülbül,
Görәn kim oldu bu gülşәndә aşinası gülün?!
Qasım
bәy Zakir Xurşidbanu bәyimin әyyami-mәrәzindә ona yazdığı
xeyir-duadan belә mәlum olur ki, ol vaxtı ismәtmәab
Xurşidbanunun bir müddәt övladı
olmayıbdır vә bu barәdә ol nәcibә qәmü xiffәt
edib, övlad ümidi ilә özünә
bir para müalicәlәr etdiribdir vә xәstә
olubdur. Zakirin atidә dәrc olunan qafiyәlәri
bu hala aşikarәn dәlalәt elәyir:
Sipehri-bәrinin
hilalı sәnsәn,
Şәrafәtdә mәlәk misalı sәnsәn,
Gülşәni-Xәlilin
nihalı sәnsәn,
Barvәr istәrәm xudadәn sәni.
Mәsihi çıxardan
әrşi-әlayә,
Salan üftadәlәr
başına sayә,
Yetmişdә İshaqı verәn Sarayә
Qurtarsın bu
rәncü inadәn
sәni.
Mәrhum Mirzә
Fәtәli Axundov dәxi bu barәdә
Zakirә yazdığı
mәktubdan aşikarәn
mәlum olur ki, Xurşidbanu bәyim övlad ucundan bәstәri-möhnәtdә bir müddәt rәncü
tәәb çәkibdir.
Mirzә Fәtәli
Zakirә belә yazıbdır:
Rәvadırmı çәkә bixürdü
bixab
Bәstәri-möhnәtdә bu qәdәr әzab?!
Duayi-xeyrinә
eylәyin şitab
Siz dә
mәnim kimi hәr leylü nәhar.
Belә pәriruyin,
heç sәni tarı,
Rәvadırmı qәmdәn sola üzarı,
Hәm xәlәfdәn
xali ola kәnarı?
Olsun ona
mövlam yavәrü
qәmxar....
Mirzә Fәtәli
Axundovun Zakirә yazdığı bu mәktubu öz mәqamında tamamәn
zikr olunacaqdır. Haman bu mәktub
yazılıbdır mәhәrrәmül-hәramın ibtidasında
1271-ci[4] tarixdә ki,
haman vaxta mәrhumeyi-mәğfurә
Xurşidbanunun xәstә
vә naçaq olmağı ittifaq düşübdür. Mәrhum
Cәfәrqulu xanın
tәsnifi olan bu beyt Xurşidbanu
bәyimin möhüründә
hәkk olunmuşdu:
Neşinәd ba mәlәk zanubezanu,
Kәnize-Fateme
Xurşidbanu[5].
[4] 1854.
[5] Tәrcümәsi:
Fatimәnin kәnizi Xurşidbanu
Mәlәklә diz-dizә әylәşir.