BAHADIR VӘ SONA
BİRİNCİ
HİSSӘ
Yayın isti günlәrindәn idi.
Günün axırıncı şәfәqi uca
ağacların başını qızıl rәngindә
etmişdi vә nazik yel yavaş-yavaş әsib
yarpaqları tәrpәdirdi. Belә bir gözәl vaxtda
ağacın altında, otun üstündә bir universitet
tәlәbәsi, "student"
әylәşmişdi vә hәrdәnbir öz
әtrafına nәzәr yetirib fikrә gedirdi. Bu novcavan
gül üzlü, xoş sifәtli olub, ağıl vә
kamalı üzündәn mәlum edirdi. Amma bununla belә
dә üzü ürәyindәki pünhan qәmini
bәyan edirdi. Neçin bu qәm dәryasına
batmışdı? Vә neçin kabab tәk qovrulurdu? --
sәbәbini bir özü, bir dә әlindәki
dәftәrçә bilirdi.
Axşam yavaş-yavaş araya gәldi. Gün
mәğribә yavuqlaşdı, Qalın meşә,
yaşıl ot adam boyunda, gözәl quşların
nәğmәlәri, iti bulaqların
qıjıltısı, havanın tәmizliyi insana lәzzәt
verir, kәrdişin comәrdliyini anlayırsan. Belә bir
gözәl vaxtda hәmin meşәdә tәk,
yaşıl otun üstә sәrilmiş gözәl bir
qız görәrsinizsә, mәnzәrә daha
artıcaq surәtdә gözәl görünәr....
Bahadır dәftәrçәsini xeylaq
yazandan sonra meşәdә gәzirdi. Komalıqda
gәzәrkәn nәzәri bir ağacın altına
düşdü vә orada on yeddi yaşında aya
bәnzәr bir qız görüb halı
dәyişirildi. Qız arxası üstә uzanıb kitab
oxuyurdu. İsti olmağa görә qız ağ,
mәrmәr döşünü açmışdı
vә hәrdәnbir әtrafına baxıb guya
lәzzәt aparırdı. Bahadır bir ağacın
dalına qısılıb mәzkur qızı yaxşı
manşırladı. Qız Bahadırın orada
olmağından xәbәrsiz idi. Bir az müddәt
keçәndәn sonra qız şümşad әlini
yaxasına uzadıb saata baxdı vә yerindәn tez durub
getdi. Çünki qızın yolu Bahadırın yanından
idi. Ona görә Bahadır istәdi ki, gizlәnsin ta
qız onu görmәyә, qız isә Bahadırı
görüb yanından keçәrkәn xumar
gözlәrini Bahadıra süzdürdü. Qızın
belә baxmağı Bahadırı özgә xәyallara
saldı....
İki novcavanın meşәdә bir-biri
ilә rast gәlmәklәri ikisini dә iztiraba
saldı: qanları cuşә gәlib az qaldı ki,
özlәrini itirsinlәr....
Bahadır qızın dalınca xeylaq baxdı: vaxt ki,
qız gözdәn itdi, Bahadır yavaş-yavaş
qızın dalınca gedirdi. Bu minvalla gәldi bazara, fәqәt
qızı görmәdi. Bahadır mahud almaq fikri ilә bir
mağazaya varid oldu. Bunun üzәrinә mağazanın
sahibi gәlib Bahadıra:
"Buyurunuz, nә xahiş edirsiniz?"
Bahadır:
"Zәhmәt çәkib mәnә
qara rәngdә mahud göstәriniz."
"Buyurunuz, " -- deyә göstәrir --
bu çox yaxşı mahuddur.
"Hәqiqәt, yaxşıdır!
Neçәdir qiymәti?"
"Axır qiymәti: arşını
dörd manatdır."
"Çox gözәl! İki arşın
yarım kәsiniz."
Mağaza sahibi iki arşın yarım
ölçüb kәsdi, sonra kağıza qoyub Bahadıra
verdi vә bir az fikirdәn sonra Bahadırdan sual etdi:
"Cәnabınız
studentdirmi?"
"Bәli, " -- Bahadır cavab
verdi.
"Sizin
yoldaşlardan burada çoxdurmu?"
"
Xeyr, ancaq üç nәfәrik."
"Bәs sizlәrdәn heç müsәlman varmı?"
"Bәli, ancaq bir müsәlman var."
"Siz
buyurduğunuz şәxs farsca bilirmi?"
"Bәli, bilir."
"Bәs nә vaxt siz zәhmәt çәkib mәni onunla aşna edәrsiniz?"
Bahadır
bir az fikirdәn
sonra cavab verdi:
"Mәlum ola ki, o student mәnәm, sizin qulluğunuzda durmuşam."
"Çox
gözәl oldu
ki, mәn sizinlә aşna oluram "-- Yusif,
deyib Bahadıra әl verdi. Vә
bir-birinә
öz adlarını bәyan edәndәn sonra Bahadır bir az fikrә gedib sual etdi:
"Tәvәqqe edirәm buyurasınız görüm, siz
neçin farsca bilәn axtarırsınız?"
"Sәbәb odur ki, -- cavab verdi Yusif -- mәnim bir qızım var,
"Qız institutunu" qurtarıb, türkcә dәxi yaxşı bilir vә hәtta
yazır da. Amma indi farsca oxumaq istәyir, ona gәrә mәn dә adam axtarırdım. Sizә rast gәlib nәhayәtdә xoşhal oldum. Ümidvaram ki, bu barәdә mәnә kömәklik edәrsiniz."
Bahadır
bir az fikirdәn
sonra:
"Çox
әcәb! Bu barәdә mәn sizә kömәklik edәrәm...."
"Çox mәmnunәm, " -- Yusif Bahadırın әlindәn tutdu vә dedi: -- Bәs nә vaxt bizә buyuracaqsınız? "Nә vaxt istәrsiniz."
"Belә olan surәtdә tәvәqqe edirәm sabah günorta bizә buyurasınız, amma ...
çünki evimizi bilmirsiniz, ona görә zәhmәt qәbul edib
mәnim yanıma
buyurarsınız, buradan bir yerdә gedәrik."
"Çox
әcәb, " -- Bahadır deyib
çıxdı.
Bahadır
üz qoydu öz evinә gәlmәyә. Ruzigar
qaranlıqlaşmışdı. Bahadır şam
yandırıb öz adәtinә
görә
başladı qәzetә
oxumağa. Hәmin
nömrәdә müsәlmanların mәdәniyyәt barәsindә dalda qalmağından
yazmışdılar. Oxuyub qurtarandan sonra dәrin-dәrin fikrә gedib qәm dәryasına batdı vә qәlәm götürüb öz ruznamәsindә yazdı. Bir xeylaq yazandan sonra qәlәmi әlindәn buraxıb soyundu yatmağa.
Bahadır yerinin içindә cürbәcürә fikirlәrә düşdü. Nәdәn fikir edirdi? Peterburqdanmı vә orada tәhsil etdiyi elmdәnmi? Xeyr, Bahadırın başındakı
fikirlәr bunlar
deyildi. Üç fikir onu mәşğul etmişdi: әvvәlinci öz millәtinin halı ki, qәzetәdә yazılmışdı. İkinci, o
qız ki, ona meşәdә rast gәlmişdi vә üçüncü o
qız ki, onu oxudacaqdı.... Bu tövr fikirlәrә gedәrkәn birdәn sәslә dedi: "Ah, nә olardı ki, mәn oxutduğum qız meşәdәki olaydı!" Sonra: "Belә iş olmaz" -- deyib
ümidini yozdu. Bu fikirlәrdәn sonra
Bahadırı ermәni qızının farsca oxumağı mәşğul etdi vә öz-özünә dedi: "Bu millәtә tәәccüb etmәlidir! Ermәni qızı neçin farsca oxusun?
Neçin türkcә bilsin?...." Bu fikirdә olarkәn Bahadır yuxuya getdi.
Bahadırın
atası qәdim
bәylәrdәn olub, dolanacağı ancaq mülklәrinә bağlıydı. Çünki
mülklәrini
qeyrilәri
dolandırırdı. Bir zamandan sonra borca düşüb
var-yoxunu satıb borcunu verdi. Lakin iki min manatlıq yer
anasının adına qalmışdı.Bahadır hәrçәnd atasının tәk oğlu idisә dә, bununla belә qeyrilәri kimi atasının dövlәtinә çox da ümid bağlamayıb
oxumağa səy edirdi. Gimnaziyanın beşinci klasına
keçәndә Bahadırın atası vәfat etdi vә bir il ondan sonra anası
öldü. Atasının vә anasının bivaxt ölmәklәri, atasından sonra kömәksiz qalmağı vә oxumağa mәhәbbәti Bahadırı min-min fikirlәrә salıb bilmirdi ki, nә etsin. Bahadırın gözәl әxlaq vә әtvarına
görә
yoldaşları onu çox sevirdilәr. Bahadıra belә bәdbәxtlik üz verәndәn sonra yoldaşları sözlәrini bir edib başladılar
Bahadıra layiqincә kömәk
etmәyә, bu minvalla Bahadır
gimnaziyanı qurtardı. Gimnaziyanı qurtarandan sonra yenә oxumaqdan әl çәkmәyib istәdi ki, anasının adına qalan yeri
ucuz qiymәtә satıb universitetә getsin, taki, elmini
başa çıxarda. Qeyrәtli yoldaşları: "Yer gәlәcәkdә sәnә lazım olar" deyib, onu belә fikirdәn daşındırdılar
vә özlәri dәxi öz aralarında Bahadıra
kömәk
edirdilәr. Universitetdә Bahadırın işlәri yaxşı keçdi.
Çünki özü üçün bir neçә dәrs tapıb ayda 40 vә 50 manata qәdәr pul qazanırdı. O pulla
yoldaşlarından birinә dә
kömәk
edirdi. Üç il bu minvalla universitetdә oxuyub dördüncü il
yay fәsli
rüxsәt
olunan vaxt bir neçә yoldaşları ilә Mәngilisә gәldi.
*
* * *
*
Sabah
açıldı. Bahadır hәlә üzünü yumamış ev yiyәsi qoca övrәt Bahadırı çay
içmәyә çağırdı. Bahadır
üzünü yuyub çay içmәyә getdi. İki stәkan çay içib öz
otağına gәldi vә qәzetә götürüb oxumağa mәşğul oldu. Sonra Yusifgilә getmәk üçün
hazırlaşıb yola rәvan oldu. Yusif
Bahadırı görüb nәhayәtdә şad oldu.
Yusif
tiflisli mәşhur
dövlәtli ermәninin oğlu idi. Atası mәdәniyyәtli olduğuna görә oğlunu da gimnaziyada
oxudurdu. Yusif 18 yaşında ikәn atası öldü. Çünki
Yusif atasının tәk oğlu idi, ona görә atasından sonra buna mümkün
olmadı ki, elmlәrini başa çıxartsın. Bu sәbәbә Yusif gimnaziyadan çıxdı. Bir
az müddәtdәn sonra Yusif bir gözәl ermәni qızına aşiq olub onu
aldı. Bunun övrәti Avropa elmlәrindәn
dadmış bir ağıllı övrәt idi. İki ildәn sonra bunlardan bir qız dünyaya
gәldi adı Sәlimә (Salome), 17 yaşında ikәn әrә getdi. Sәlimәnin әri Mәngilisdә olurdu. Yusifin Sәlimәdәn başqa bir oğlu vә iki qızı var idi. Yusif
uşaqlarının içindә hamıdan çox kiçik
qızı Sonanı istәyirdi. Zira ki, Sona әxlaq vә әtvarda hamıdan gözәl bir qız idi. Sona
oxumağı 8 yaşından başladı. Sonanın ibtida
müәllimәsi nәhayәtdә ağıllı vә pedaqogika elmindә qabilә bir övrәt idi. Mәzkurә qız bir neçә vaxtdan sonra "Jenski
institut" adlanan mәktәbdә oxuyurdu. Az müddәtdә bu qızı
ağıl-kamalının sәbәbinә müәllimlәri nәhayәtdә sevirdilәr; 15 yaşında firәng vә rus dilindә azadә danışardı. Bu dillәrdәn başqa dәxi türkcә yaxşı yazıb-oxuyurdu. Öz
dilini demәk
artıqdır! Çox çәkmәdi ki, bu qız institutu nişanla
qurtardı vә
ağıl-kamalı ilә mәşhur
olub hәr yerdәn istәyirdilәr ki, onu alsınlar. Amma qız
heç kәsә getmәk istәmәyirdi, çünki istәyirdi ki, ömrünü qәlәm işlәtmәklә millәtinin yolunda
çürütsün.... Yusif
bir neçә sәbәblәrә görә Mәngilisә gәlib orada mağaziyә açdı vә yer alıb bir yaxşı
ev saldırdı. Payız fәsli Yusifin külfәti Tiflisdәn Mәngilisә köçdü. Amma nә fayda ki, Mәngilisin pis vaxtı idi. Çünki
yayda gәlәnlәr hamısı
köçmüşdülәr, bundan әlavә, ağaclar yavaş-yavaş solub
havanın nәfәsi
sovuqlaşmışdı. Sona üçün günlәr nәhayәtdә qәmgin keçirdi, bir dost-mehribanı
yox idi. İti çovğunlardan sonra yaz fәsli gәldi. Mәngilis yaşıl mәxmәrlә bәzәndi vә Sonanın ürәyi qәfәsdәn çıxan bülbülün
ürәyinә bәnzәrdi. Yay aralığa gәlib xalq yavaş-yavaş
Tiflisdәn Mәngilisә köçdü. Bir az
zamanda Sona özü üçün hәmsöhbәt tapdı. Gününü
gah bağlarda vә gah meşәlәrdә
keçirirdi. Mәngilisin yay fәsli Sonanın nәhayәtdә xoşuna gәldi....
Bahadır
Yusiflә bir
böyük, gözәl bәzәnmiş zalda bulundular. Bunlar
bir-biri ilә
şirin söhbәtә mәşğul idilәr, Bahadır hәrdәnbir ürәyindәn bunu keçirirdi: "Allah! Görәydim o qızı ki, mәn oxudacağam, necә qızdır?"
Nәzakәtli Sona bir saat güzgünün
qabağında gah aya bәnzәr
camalı ilә,
gah donu ilә mәşğul idi. Sona elә ki, geyinib hazır oldu,
qapının arasından baxdı. Bahadırı görüb
öz-özünә dedi: "Bu mәnә
tanış surәtdir!".
Bir az
keçәndәn sonra Sona anası ilә bәrabәr içәri daxil oldular. Yusif tez yerindәn qalxıb bunları adәtә görә Bahadırla dost etdi. Bahadır bir
özgә halәtdә bulundu. Sona dәxi onun halını hiss etdi. Bahadır
Sonanın meşәdә mәrmәr döşü açılmış,
yaşıl otun üstündә sәrilmiş halını nәzәrә gәtirdi, gözlәrindәn od parıldadı....
Sonanın
anası Maşo gülә-gülә
Bahadıra dedi:
"Sizinlә dost olmağımıza nәhayәtdә şadam."
"Bәli, bu saat ki, sizinlә oturmuşam, ömrümdә gözәl saatlardan biri hesab edirәm. " -- Bahadır deyib
Sonaya nәzәr yetirdi. Sonanın dәxi bu sözlәrdәn xoşu gәlib Bahadır tәrәfә baş әydi. Söhbәt bir az ara verәndәn sonra Yusif üzünü
Bahadıra
tutub dedi:
"Allah-taala
bizim dostluğumuzu hәmişәlik
etsin vә tәvәqqe edirәm ki, bu gündәn bizә daşınıb bu üç ay
yayı bizimlә
olasınız."
Bahadır
Yusifdәn elә ki, bu sözlәri eşitdi, nәhayәtdә şad oldu vә Yusifә kamal-әdәblә baş әyib dedi: "Çox tәşәkkür edirәm!"
Saat ikidә stol nahara hazır oldu. Yusif
durub Bahadırı nahar olunan otağa dәvәt etdi. Hamısı nahar
otağına getdilәr. Yusif stolun başında, Bahadır sağ tәrәfdәn vә Maşo, Sona sol tәrәfdәn әylәşdilәr. Xörәk dörd rәng idi. Stolun üstündә nә ki lazım idi, hamısı hazır
olmuşdu. Nahar vaxtında millәtlәr barәsindә bir neçә söhbәt oldu. Ermәni millәtinin barәsindә söhbәt edәndә Sona ağzını açıb
bülbül kimi ötürdü....
Nahar xeylaq uzandı. Nahardan sonra Bahadıra bir otaq verdilәr ki, orada bir az rahat olsun. Elә ki, saat altı oldu,
Bahadıra qulluqçu su gәtirib üzünü yudurtdu. Ondan
sonra hamı balkona yığılıb çay
aralığa gәtirdilәr.
Yusif çay vaxtı vәdә qoydu
ki, Bahadır sabahdan daşınsın. Saat 8 olardı ki,
çaylarını
qurtardılar. Bahadır bunlarla görüşüb
öz evinә
getdi.
*
* * *
*
O biri
günü saat 9-da Sonanın gәdәsi Bahadırın qapısında
hazır oldu. Bahadır ev yiyәsi ilә hesablaşıb şeylәrini gәdәyә tapşırdı vә özü dә Sonagilә getdi. Bahadır uzaqdan
Sonanı balkonda bunu gözlәyәn görüb ürәyi iti döyünürdü
vә Sonanın dәxi rәngi tәğyir tapdı; elә ki, Bahadır Sonaya
yavuqlaşdı, Sona gülümsünüb ağ әllәri ilә Bahadırın әlindәn tutub çәkdi. Bahadır hamısını hiss
edirdi. İkisinә dә mәlum oldu ki, bunlarda mәhәbbәt әlamәtlәri vardır.
Sona vә Bahadır zala varid oldular. Bu
vaxtda Maşo içәri daxil oldu vә onun dalınca çay gәtirdilәr. Çaylarını içәndәn sonra Maşo Bahadır ilә salamatlaşıb özgә yerә getdi. Evdә ancaq Sona ilә Bahadır qaldı. Ev
qulluqçuları işә vә uşaqlar oynamağa mәşğul idilәr. Söhbәtlәri bir az ara vermişdi ki, Sona kamal-әdәblә Bahadıra dedi: "Bu otağa
buyurunuz". Bahadır Sonanın dalınca gedib bir
gözәl bәzәnmiş otağa daxil oldular.
Pәncәrәlәrin qabağında
cürәbәcürә güllәr vә üstündә
bülbüllәr cәh-cәh edib öz
nәğmәlәrini oxuyurdular. Otağın bir
tәrәfindә kravat, balışları qu
tükündәn, bir tәrәfindә dә miz, bir
neçә stul vә әlüzyuyan. Sona otağı
göstәrib dedi:
"Buranın sizә tәәllüqü
vardır." Bahadır baş әyib dedi:
"Tәşәkkür edirәm. Bu vaxt
gәdә gәlib xәbәr verdi ki, şeylәri
gәtiriblәr."Sona hәmin saat şeylәri
otağa daşıtdırdı.
Sona ev işinә mәşğul idi vә
Bahadır öz şeylәrini yer-bәyer edirdi.
Xülasә, axşam aralığa gәldi. Bahadır
adәtә görә ruznamәsini götürüb bir
neçә şey yazdı....
Elә ki, sabah oldu, Sona fars dilini oxumağa
başladı. Bahadır bir neçә hәftә
danışıqda çox işlәnәn sözlәri
ona öyrәtdi vә sonra kitabdan az-az dәrs verirdi.
Sonanın sәyi çox olmağa görә bir az
müddәtdә farsca Bahadırın suallarına dәxi
cavab verirdi.... Bir gün
Bahadır millәt sözünü bәyan edәrkәn
fikrә gedib ah çәkdi vә yavaşdan farsca bunu
dedi: "Biçarә millәtim!" Bunu deyib rәngi
tәğyir tapdı. Sona bunun sözünü yaxşı
eşitmәyib sual etdi:
"Nә üçün siz ah
çәkdiniz vә nә dediniz?"
Bahadır bir az fikirdәn sonra dedi:
"Sizә dair bir söz demәdim, ona
görә tәvәqqe edirәm ki, ürәyinizә
bir şey gәtirmәyәsiniz."
"Xeyr, sizin sözlәrinizdәn mәn
özgә bir şey hiss etdim, tәvәqqe edirәm
mәndәn heç bir şeyi
gizlәtmәyәsiniz."
"Hәqiqәt, sizә dair bir söz
demәdim."
"Bahadır bәy! Hәrgah indi
buyurduğunuz mәtlәbi mәnә aşkar
etmәsәniz, onda dәxi könlüm sizdәn
dönәr. Mәlumdur ki, övrәtin ürәyi
kişininki kimi olmaz. Hәrgah demәsәniz, öz
canıma and verirәm."
"Sona xanım! Nә üçün
öz canınıza and verirsiniz? Özünüz
yaxşı bilirsiniz ki, hәrgah lazımlı söz olsa,
sizdәn gizlәtmәrәm. O mәtlәb ki, mәn
dedim sizә әsla lüzumu yoxdur. Sizin üçün
xeyirsizdir. Mәn ancaq millәt sözünü bәyan
edirdim, hәrgah mәnim ah çәkmәyim sizi
şәkkә salır, tәvәqqe edirәm ki, bu barәdә
özgә fikirlәrә düşmәyәsiniz,
çünki ah çәkmәk mәnim
hәmişә adәtimdir."
" Bahadır bәy! Tәvәqqe
edirәm mәtlәbdәn kәnar olmayasınız.
Nә dediniz vә nә üçün ah
çәkdiniz, hamısını mәnә bәyan
ediniz, çünki bu pünhanlıq mәndә bir
böyük dәrd olar."
"Sona xanım! Sizdә dәrd olunca qoyun
mәndә olsun!.... O ah ki,
mәn çәkdim, millәtpәrәstlik
ahıdır ki, hәmişә mәn
çәkirәm. Sizә mәlum olsun ki, mәn
millәt sözünü bәyan edirdim. O vaxt öz
millәtim yadıma düşdü...."
Sona bu sözlәri eşidib bir az fikrә
getdi vә dörd әtrafına baxıb gördü ki,
heç kәs yoxdur, yavaşdan Bahadırın
әlindәn tutub dedi:
"Nәhayәtdә şadam! Çox
gözәl ki, iki bir fikirli cavanlar bir yerә
düşüblәr!...."
Bahadır fikirdә ikәn Sona yenә
әlindәn tutub dedi: "Tәvәqqe edirәm bundan
sonra bu babda mәndәn bir şey
gizlәtmәyәsiniz, çünkn mәn dә siz
fikirdәyәm "...
neçin bәs ah çәkdiniz?
"Ondan ötәri ki, bizim millәt qeyri
millәtlәrdәn dalda qalıbdır...."
"Bәs buyurun görәk, aya, sizin
millәt yәni necә dalda qalıbdır?"
--Kitabı әlindәn yerә qoyub Sona Bahadırdan sual
etdi.
" Әzizim Sona xanım! Dәxi necә
dalda qalmasın bir millәt ki, dünya elmlәrindәn
qaçaq düşübdür? Vә elmsiz millәt
qabağa gedәrmi? Getdi zor dünyası!...."
"Haqq buyurursunuz, amma bu barәdә
gәrәkdir sizin ruhanilәr çalışalar,
çünki xalq onlara inanır."
"Bәli, doğru buyurursunuz, xalq ancaq
mollalara inanır, yәni molla nә desә xalq ona
әmәl edir."İslamın vә millәtin evini
yıxan bu deyilmi? Müsәlman filosoflarından biri deyir:
"Mәhәmmәd peyğәmbәr hazırda
öz millәtinә nәzәr etsә, yәqin
qoyduğu dini tanımaz".
Bahadır bu sözlәri deyib papirosunu
yandırdı. Sona bu sözlәrdәn sonra bir az fikrә
gedib dedi:
"Hәqiqәt, çox çәtin
mәsәlәdir. Müsәlman millәtinin vә ya
müsәlman dövlәtlәrinin hәr yerdә
tәnәzzüldә yaşamaqlarına sәbәb
nә ola, әcәba?! Mәsәlәn, mәn bir
neçә filosof inşalarında oxumuşam, guya islam
özü elmin intişar tapmağına manedir."
Bahadır bu sözlәrdәn sonra Sonaya
diqqәtlә baxıb gülümsündü:
"Sona xanım! Zahirdә hәqiqәt
belәdir, görünür. Fәqәt bu
mәsәlәyә bir az ehtiyatlı girişmәk
lazım gәlir: hamı millәtlәrdә ruhanilәr
bir neçә sәbәblәrә görә
dünya elmlәrinә hәmişә düşmәn
olublar, yәni tәrәqqi yolunu mümkün olan
qәdәr millәtin üzünә bağlı
qoyublar. Lakin bu mәsәlәdә xristian alәmi ilә
müsәlman alәmindә bir tәfavüt
görünür. Xristian alәmindә ruhanilәr
elmlәrә düşmәn olublarsa da, fәqәt
padşahlar vә dövlәt ruhanilәrlә müdam
müharibәdә bulunublar. Ruhanilәr әski qanunlara
yapışarkәn camaatı qaranlıqda saxlamaq
istәyiblәr."
Padşahlar--dövlәt isә
zәmanәnin tәqazasına görә tәzә
qanunlar meydana gәtirmәklә millәtin
tәrәqqisinә çalışıblar. Xristian
alәmi müdam belә bir müharibәdә olarkәn
özünü ruhanilәrin zәncirindәn
yavaş-yavaş xilas edibdir. Müsәlman alәminә
diqqәt edәrsnniz isә bu müharibәni görmәzsiniz.
Padşah hәm xәlifә olub da, hәm dövlәtin
yol göstәrәni. Padşah--xәlifә, ya
zәmanәnin әn böyük ruhanisi tәrәqqi
yolunu camaatın üzünә qәsdәn, ya
sәhvәn bağlayıbdır. İndi bu
vaxtadәkOsmanlı padşahının xәlifә
adlanmağı böyük bir dәlildir.... Daha açıq
söylәyәlim: mәxsus insanın
mәişәtinә, dünyasına dair qanunlar,
ibadәtә dair olan qanunlarla bir gücdә saxlanıbdır.
Xristian alәmi haman müharibәnin zoruna bu qanunları
bilmәrrә ayırıbdır, yәni xristian
ağlı müdam tәrәqqi yolunda
işlәrkәn, müsәlman ağlı әski
qanunlara kifayәt edib paslanmışdır.
İslamın barәsindә mәzkur
bәdgüman olanlar demәk olar ki,
"lojiq"alәmindә öz sәhvlәrini
düşünmәyirlәr. İslam, hәqiqәt
tәrәqqiyә, yәni elmә düşmәn
olsaydı, Bәni-abbasilәr İspaniyada olan vaxt
tәrәqqi yolunda bulunmazdılar: haman әrәblәr
vә haman islam! Әcәba, nә sәbәbә o
vaxt islam onların elm yolunda tәrәqqilәrinә mane
olmurdu?.... Öz uşaqlarını
hәlak edәn, murdar olmuş heyvanların әtini
yeyәn, oğurluq, quldurluq ilә dolanan, bir allahın
yerinә min dörd yüz bütlәrә sәcdә
edәn,әxlaqı büsbütün pozulmuş
әrәblәrә, әcәba, nә
üçün dini-islam gәldi? Әlbәttә,
әxlaqı pozğun millәtin әxlaqını
düzәltmәk üçün, yәni ona
tәrәqqi yolunu göstәrmәk üçün.
Açıq söylәyәlim: bir camaat üçün
müәyyәn bir din ortalığa gәlirsә, haman
camaat sәbәb olur, deyilmi? Belә olan surәtdә
demәk olurmu filan din, filan millәtin
tәnәzzülü üçün gәlibdir? Buna
bәrәks gәrәk deyilә: hәr din camaatın
tәrәqqisi üçün gәlir. Din
gәtirәn, camaatın xeyrini әlbәttә,
nәzәrdә tutur.... Dini
qәbul edib onun
intişarına çalışanlar nazik bir
nöqtәni anlamaq istәmirlәr.... Xristian dinini
intişar edәnlәr bir Lüterin çıxmağına
sәbәb olan kimi müsәlman alәmi dә öz
Lüterini gözlәyir. Bu Lüter gәlib dә
deyәcәk: insan daima tәrәqqi yolunda
yaşayarkәn onun mәişәti
vә ağlı müәyyәn, hәmişәlik
bir qanuna kifayәt edә bilmәz. Haman bu mәtlәbi
Mәhәmmәd peyğәmbәr aşkar deyibdir.
Yәni hәr bir işi ağıla hәvalә et,
ağıl nә buyurarsa, ona әmәl et.... Fәqәt iki mәnsәb bir
vücudda olmaq, yәni zikr olunan müharibәnin
olmamağı bu gözәl vә tamam düyünlәri
açan sözlәrin gizlin qalmasına sәbәb
olubdur. Sona Bahadırın bu sözlәrindәn sonra dedi:
"Bәli, haqdır. Günah din
gәtirәndә deyil, bәlkә dini intişar
edәnlәrdәdir...."
Bu minvalla Bahadır vә Sona hәr gün
dәrsdәn sonra bu tövr söhbәtlәrә ciddi
surәtdә girişirdilәr. Bu nazik
mәtlәblәr hәr birisinin ürәyinin әn
nazik hissli guşәsindә yer edirdi.
Gündәn-günә bunların bir-birinә
mәhәbbәtlәri artırdı. Fәqәt
cürәt edib aşkar edә
bilmirdilәr. Bir neçә saat bir-birini
görmәsәydilәr, hәr ikisi qәm
dәryasına mübtәla olurdu....
* *
* * *
Saat olardı dörd. Nahardan sonra Bahadır
pәncәrәdә oturub qabağındakı
meşәyә tamaşa edirdi. Bir tәrәfdәn
otaqdakı bülbüllәrin nәğmәsi, o biri
tәrәfdәn meşәdә axan bulaqların
sәsi vә gәrdişin comәrdliyi Bahadıra
böyük bir lәzzәt verirdi. Nökәr
içәri daxil olub Bahadıra bir şәxs onu
görmәk istәyir dedi. Bahadır dişqarı
çıxıb gördü ki, yoldaşı student
Alekseydir. Bahadır Alekseyi evә dәvәt etdi. Hәr
ikisi pәncәrәnin qabağında әylәşib
ruzigara tamaşa edirdilәr. Bir az fikirdәn sonra Aleksey
Bahadırdan sual etdi:
"Nә әcәb gәzmәyә
çıxmırsan?"
"Kefim bir az nasazdır"--deyib cavab verdi.
"Sәbәb?"
"Neçә gündür başım
ağrıyır."
""Tәrcüman"
qәzetәsinin axırıncı nömrәsini
oxudunmu?"
"Bәli, oxudum."
"Osmanlı dilinin barәsindә
yazdığı haqdırmı?"
"Haqdır."
"Tәәccübdür!...."
"Nә üçün
tәәccüb edirsәn?"
"Çünki hәr millәt bu
zәmanәdә çalışır ki, dilini asana
çıxartsın, amma onlar gedә-gedә dillәrini
dәxi dә çәtin edirlәr."
"Bәli, bu bir naxoşluqdur ki,
bizlәrә dә keçibdir. Bizim
әhli-qәlәm, fikirlәrini bu yerә qoyublar ki,
inşalarını hәmişә fәsahәt vә
bәlağәtlә yazsınlar; çünki sadә
türk dili ilә yazanları nadan hesab edirlәr."
"Aya, görәk bu inşaları hamı
anlayırmı vә cәmaata nәf gәtirirmi?"
Bahadır tәbәssüm edib cavab verdi:
"Sәn elә fikir edirsәn bizim
әhli-qәlәmin әksәri bir şey inşa
edәndә fikirlәri o yerdә olur ki, oların
әsәrlәrindәn camaat mәnfәәtbәrdar
olsun? Xeyr! Yazanlarımızın әksәri әrәb
vә fars sözlәrini bilmәkdә
hünәrlәrini göstәrmәk istәyirlәr.
Bundan savayı, bu cür dәxi әhli-qәlәm
vardır ki, özlәrini xalqın nәzәrindә
artıq göstәrmәkdәn ötәri
şerlәr düzәldirlәr. Bu biçarәlәr
gecәdә bir qafiyә düzәldib gözәl vaxtlarını
puç edirlәr. Vә dәxi bir parası vardır ki,
bu xeyirsiz işlәrә bәs etmәyib müsәlman
millәtinә dair mәdәniyyәt vә mәişәt
xüsusindә bir para lazım olan
mәsәlәlәri rus qәzetәlәrindә
yazırlar, tainki qeyri millәtdәn dә afәrin
eşitsinlәr."
"Sәnin sözünün qüvvәti,
keçәn il hәmin bu söhbәti Tiflisdә
eşitdim."
"Yәni necә?"
"Keçәn il Tiflisdә
"Badkubә" adlanan qәstindә oturub nahar edirdim.
Mәn әylәşdiyim otağa 9 nәfәr cavan
müsәlman gәlib nahar yemәyә mәşğul
oldular vә mәdәniyyәtdәn söhbәt
edirdilәr. Onlardan biri o birisinә dedi: "De görüm,
aya, nә mәqsudla müsәlman çobanına rusca
yazırsan ki, çobanlığı buraxıb elm dalınca
getsin?".
Yoldaşı cavab verib dedi ki: "Nә eybi
var, qoy qeyri millәt dә bilsin ki, bizdә dә rusca
yazanlar var...." Çünki bu tövr cavab onun
ağlının naqisliyini göstәrirdi. Ona görә
mәn istәdim bilәm bu kim ola vә
hәrçәnd adını dedilәr isә dә,
amma heyfa ki, unutmuşam....
Bahadır dәxi fikir edib tapa bilmәdi
vә bir az fikirdәn sonra dedi:
"Bәli, necә ki, әvvәl dedim,
müsәlman arasında bu tövr әhli-qәlәm
nәhayәtdә çoxdur....
Xülasә, saf ürәklә millәt yolunda
zәhmәt çәkәnlәr çox
azdır." Bahadır bu sözlәri deyib durub otaqda
gәzindi. Bir az fikirdәn sonra Aleksey sual etdi:
" "Kәşkül"
qәzetәsi alırsanmı?"
"Bura gәlәndәn
"Kәşkül"ün üzünü
görmәmişәm...."
"Onun hәmişә adәtidir:
üç ayda bir, ya dörd ayda bir çıxar."
"Günah yalqız onda deyil. Günah bizim
müsәlmanlardadır ki, biçarәyә
kömәk etmirlәr...."
Bu danışıqda Yusif içәri daxil
olub, "Mәni bağışlayın"--deyib
Bahadıra әl verdi. Sonra Alekseylә dost oldular vә
Alekseyә üzünü tutub dedi:
"Xoş gәlibsiniz!" Aleksey ikramla
baş әydi.
"Nә barәdә söhbәt
edirdiniz?"--Yusif deyib sual etdi.
"Söhbәtimiz bunların
"Kәşkül" qәzetәsinin
barәsindәdir. Bu qәzetә ayda bir, ya iki
dәfә çıxır,"--Aleksey cavab verib
Yusifә diqqәtlә baxdı.
"Doğru buyurursunuz,"--deyә Yusif cavab
verdi--Biz Tiflisdә olan vaxtlar mәnim qızım türk
dili oxuyan vaxt istәdi ki, haman qәzetәni alsın. Amma
sonradan gördüm ki, hәqiqәt, gec-gec
çıxır, ona görә almadım.
Aleksey cavab verib dedi:
"Bahadırın demәyinә
görә günah tәk qәzetәnin
mühәrririndә deyil vә hәtta
millәtdәdir; çünki deyir, guya müsәlman
camaatı qәzetә yazanlara kömәklik etmir."
"Bәli, haqdır. Hәrgah
qәzetә işindә millәtin kömәkliyi olmasa
iş qabağa getmәz."--Yusif deyib ayağa
durdu.--Fәqәt onu da demәliyәm, qәzetә
verәnlәrdә dә insaf gәrәkdir ola....
"Millәt necә kömәk etsin ki,
qәzetә onun nәzәrindә yalançı bir
şey görünür vә bir para mollalar qәzetә
oxuyanları uşaq vә nadan hesab
edirlәr"--Bahadır dәxi bu sözü deyib
qalxdı.
"Buyurunuz zala,"--deyib Yusif әli ilә
göstәrdi. Hamısı zala daxil oldular. Bir az
müddәtdәn sonra Maşo vә Sona dәxi
gәldilәr. Aleksey ilә dost olub hәr kәs öz
yerindә әylәşdi. Aralığa çay
gәtirdilәr.
Hamı xamuş olandan sonra Yusif dedi:
"Bәli, Bahadır bәy! Otaqdakı
söhbәtimiz nә yerdә qaldı?"
Sona atasından bu sözlәri eşidib
Bahadırın üzünә baxdı vә söhbәt
nә barәdә olmağını sual etdi.
"Bizim qәzetәlәrә diqqәt
tuturlar",--Bahadır başını aşağı
salıb cavab verdi.
"Bahadır bәy! Hәqiqәt,
diqqәt tutulasıdır. Amma biçarә
mühәrrirlәr nә etsinlәr ki, müsәlman
millәtindә hәmiyyәt yoxdur."--Sona bu
sözlәri deyib Alekseyә baxdı:
"Necә yәni hәmiyyәt
yoxdur?"--Yusif tәәccüblә Sonaya baxdı. Sona
atasının cavabında dedi:
" Mәsәlәn, millәtin
nәzәri qәzetәyә nәhayәtdә
hәqirdir. Qәzetә onlar üçün artıq
vә lazımsız bir şeydir. Bir şey ki,
lazımsız ola, ona pul verәrlәrmi? Vә camaat
qәzetәni almayanda biçarә mühәrrir nә
ilә dolansın vә kimin üçün yazsın.
Hәrgah müsәlman millәti bunu anlaya ki,
qәzetә göz açar, insanı qaranlıqdan
işıqlığa salar vә bilmәdiyini bildirәr,
әlbәttә, onda qәzetәni alan da vә
kömәk edәn dә çox olar. Vә nәinki qәzetә,
özgә işlәr dә bunun kimi. Müsәlman
cavanlarından hazırda yazanlar az deyil, mәn hәtta bir
neçәsini bilirәm ki, biçarәlәr
gözәl-gözәl kitabçalar yazıblar; lakin
pulları olmadığına sәbәb basdıra
bilmirlәr. Millәtdә hümmәt olsa, belә
olmaz.... Siz elә bilirsiniz ki,
bu qәdәr ermәni millәtinin arasında ki, kitab var,
inşa edәnlәr özlәri basdırırlar?"
"Bizim işimiz başqa".--Yusif
tәbәssüm edib dedi.--Biz evlәnәndә
hәrgah uşağımız, qızımız da olmuş
olsa yenә millәtin işini unutmuruq: hәmişә
bir qәdәr pul, ya kitab basdırmağa, ya
mәktәblәrә vә ya kәlisalara
bağışlayırıq.
"Bәs bunu müsәlmanlar edә
bilmәzlәrmi?"--Sona atasına baxıb
dedi:--Mәgәr müsәlmandan azmı dövlәtli
var? Bu biçarәlәrin hәtta cәmiyyәti-xeyriyyәlәri
dә yoxdur. Xülasә, işlәri çox
çәtindir, sözlә bunlara qandırmaq mümkün
deyil, gәrәkdir ki, bu millәt arasında
mәdәniyyәt yayıla, onda özlәri anlayarlar,
millәt nәdir, hümmәt nәdir.
Bu minval çay qurtaranadәk aralıqda
çox söhbәt oldu vә Sona dәxi verilәn
suallara layiqincә cavab verirdi.
Aleksey Sonanın sözlәrinә
diqqәtlә qulaq verib öz ürәyindә deyirdi:
"Xoş olsun bizim millәtin halına ki, bu qanacaqda
övrәtlәri dә vardır!".
Bir az söhbәtdәn sonra Aleksey
mürәxxәs olub öz evinә getdi vә Bahadır
dәxi öz otağına....
Bir azdan, Sona Bahadırın yanına gәlib
adәtә görә akoşkanın qabağında
oturdular. Dәrsdәn sonra Bahadır bu şeri avazla oxudu:
"Morğe-sәyyade-toәm, oftadeәm
bәr dame-to,
Ya bekoş, ya dane deh, ya әz qәfәs
azad kon".
[Tәrcümәsi: Sәnin
ovladığın quşam, toruna düşmüşәm,
Ya öldür, ya dәn ver, ya
qәfәsdәn xilas et.]
Sona bu sözlәri anlayıb
ürәkdәn bir ah çәkib yanaqları od kimi
parıldadı. Akoşkadan dişqarı baxıb dedi:
"Bahadır! Bir bax o biçarә
bülbülә, gül üçün necә
yanıqlı cәh-cәhlәr vurur."Bir
nәzәr et gülә, necә qönçәsini
açıb guya bülbülә deyir: "Bu can
sәnindir, әzizim!...."
Bahadır Sonanın işarәsini başa
düşdü vә cavab vermәyә imkanı
olmayıb әylәşib iki әli ilә
başını tutub dәrin-dәrin fikrә getdi. Sona
dәxi Bahadırın әlindәn tutub dedi:
" Bahadır, o nә sirrdir ki, insan
bir-birindәn tәfriqә düşübdür?...."
Bahadır Sonanın sualına cavab vermәyib
ancaq dedi:
"Sona! Vaxt olar indi mәnә verdiyin
sualın barәsindә söhbәt edәrik. "Bu
sözlәrdәn sonra ikisi dә ixtiyarsız bir-birinin
әlini tutdular, Sona yerә baxırdı, Bahadırsa onun
üzünә. Bu halda bir neçә dәqiqә
sözsüz qaldılar. Lakin әllәrinin
titrәmәyini hәr biri hiss edirdi....
Bu vaxt qapıdan qulluqçu Sonanı
atasının yanına çağırdı. Sona
Bahadırın otağından çıxıb getdi.
Bahadır dәxi Sonanın axırıncı sualını
tәkrar edib qәm dәryasına mübtәla oldu.
"Hәqiqәt, sәbәb nәdir ki, insan
bir-birindәn tәfriqә
düşübdür",sözlәri Bahadırı
tövrlü-tövrlü fikirlәrә saldı....
* *
* * *
Avqust ayı aralığa gәldi, hava
soyuqlaşdı, Mәngilisә gәlәn qonaqlar
gündәn-günә azaldı. Vә Bahadır dәxi
yavaş-yavaş hazırlaşırdı gözәl
Mәngilis ilә ayrılsın. Sona bunu hiss edirdi vә
öz-özünә deyirdi: "Kaş hәr
günümüz bir il olaydı!" Hәrçәnd
Bahadır üçün Sona ilә ayrılmaq
nәhayәtdә çәtin gәlirdi, fәqәt
nә etmәli? Lazım idi ki, elmini tez tamam edib azad olsun.
Avqust ayının 15-i idi. Bahadır
Tiflisdәki yoldaşı Sultandan kağız aldı.
Kağızı oxuyub gördü ki, yoldaşları
Tiflisdә bunu gözlәyirlәr, tainki Rusiyәtә
bir yerdә getsinlәr. Otaqda heç kәs yox idi. Kağızı
oxuyandan sonra Bahadır bir saat fikrә gedib bilmirdi ki, nә
etsin. Axırda fikrini dağıdıb başladı
yavaş-yavaş şeylәrini
yığışdırmağa. Sona qapının
arasından bunu yığışırılan görüb
tez içәri daxil oldu.
"Bu nәdir?
Nә edirsiniz?"--deyib Bahadırın әlindәn tutdu,
Bahadır kağızı göstәrdi. Sona bir az sakit oldu
vә ürәkdәn bir ah çәkib dedi:
"Görәsәn bizim
ayrılığımız hәmişәlikdir, ya ruzigar
bir-birimizlә görüşdürәcәkdir?..."
"Ümidvaram ki, gәlәn yay yenә
bir-birimizin vüsalına yetişәk!"
Sona dişqarı çıxıb
Bahadırın yığışmağını atasına
vә anasına söylәdi. Maşo vә Yusif bu
әhvalatdan nәhayәtdә qәmgin oldular; Bahadır
üçün yola lazım olan şeylәri hazır
etdilәr.
Sabahı günü troyka qapıda hazır
oldu. Bahadırın şeylәrini lazımınca
yığışdırıb hazır etdilәr. Hamı
balkona, Bahadırı ötürmәyә
çıxdı. Bәli, vaxt oldu ki, Bahadır hamısı
ilә xudahafiz edib sevgili Sonası ilә ayrıldı....
Vә Sona "kağızınızı
gözlәyirik" deyib atasını balkonda qoyub
Bahadırın otağına tez gәldi vә
gözlәrindәn qanlı yaşlar töküb uşaq
kimi ağladı.
İKİNCİ HİSSӘ
Bahadır Sonadan ayrılandan sonra troyka
çaparaq әyri-üyrü yollarla qalın meşәli
dağın başında bulundu. Bahadır qeyri bir
halәtdә idi. Bahadır üç verst bihuş gedib
ancaq troykaçı dağın başında atın cilovunu
düzәltmәk istәrkәn ayıldı.
Gördü ki, Sonadan xeyli iraq düşübdür. Onun
fikrindәn quş olmaq keçirdi ki, axırıncı
dәfә uçub hәmәfkarlı, ruhuna vә
ağlına lәzzәt verәn Sonaya baxsın, amma
nә fayda!....
Troykaçı atları sürmәk
istәyәndә Bahadır: "Yavaş bir az"--deyib
troykanı saxlatdı. Bahadırın nәzәri Sona olan
evә sataşıb bir neçә rüb gözlәrini
bir nöqtәdәn çәkmәdi vә sonra
çarәsiz qalıb troykanı sürdürdü.
Bahadırın başında min-min
fikirlәr, tövrbәtövr xәyalat olarkәn
"Piryut" adlanan qalığa yetişdilәr. Burada
Novruz troykaçı atlara iki saat yorunuq vermәk istәdi:
Novruz otuz yaşında, gödәkboy, canlı oğlan idi.
Üzündә gözә sataşan bir eybi yox idi. Ancaq
üzünün çopuru, gözlәrinin pişik
gözünә bәnzәmәyi, burnunun
nәhayәtdә böyük deşiklәri,
qulaqlarının qoz yarpağıdәk sallanmağı
insanın nәzәrini bir az mәşğul edirdi.
Bahadır üzünü Mәngilis olan tәrәfә
tutub ürәkdәn bir ah çәkdi. Gördü Sona
ilә bunun arasında uca dağlar, qalın
meşәlәr vardır. Әllәri qoynunda iki saat qoz
ağacının altında dәrin fikirdә gah
gәzirdi, gah otururdu. Qalıqda bunlardan vә qalıq
yiyәsindәn başqa heç kәs yox idi. Gün
yavaş-yavaş batmaqda idi vә nazik yel әsirdi. Quşlar
yuvalarında oturub dimdiklәrini tәmizlәyirdilәr,
sәs-sәmir yox idi, ancaq hәrdәnbir zorba
hәyәt iti hürürdü. Troykaçının:
"Ağa, әylәşin, vaxtdır" sәsi
Bahadırın fikrini dağıtdı. Bahadır troykaya
oturdu vә troykaçı atlara "fişt" edib
istәyirdi ki, sürsün, birdәn qabaqlarına
çapar çıxıb soruşdu:
"Hara gedirsiniz?"
"Tiflisә."--Bahadır
başını qaldırıb cavab verdi.
"Bu vaxt mәn sizә
mәslәhәt görmürәm gedәsiniz."
"Nә sәbәbә?"--Uca
sәslә Novruz xәbәr aldı.
"Ondan ötәri ki, dünәn axşam
"Piryut"dan üç verst o yana qaçaqlar on
nәfәr adam soyublar."
"Bizә
dәymәzlәr"--İstәr-istәmәz Novruz
cavab verdi.
"-Özünüz bilәrsiniz, ancaq bu
axşam vaxtı sizә mәslәhәt
görmürәm."
Novruz istәyirdi atları sürsün.
Bahadır bir az fikirdәn sonra dedi ki, sәbir etmәli,
bәlkә bir xәbәr çıxa.
"Ağa, qorxma, hәrgah qaçaqlar
dünәn adamları soyublar, bu gün bu yolda olmazlar.
İndi görәsәn qorxularından hansı
cәhәnnәmә itiblәr."--Novruz deyib
Bahadırdan cavab gözlәdi.
"Yox, hәr işdә sәbir
lazımdır."--Deyib Bahadır troykadan
düşdü.--Bu gecә burada qalmağımız
mәslәhәtdir. Sәhәr gecәdәn yola düşәrik.
Atları aç!
Bu vaxt qalıq yiyәsi İvan bunların
darvazada dayanmaqlarını görüb sual etdi:--Niyә
getmirsiniz?
İvan sәbәbini bilib Bahadıra dedi:
"Ağa, mәn dә
mәslәhәt görmürәm ki, bu vaxt
gedәsiniz. Yaxşı olar bu gecә qalasınız, sabah
gecәdәn gedәrsiniz. Bәlkә sәhәrәdәk
bir xәbәr çıxa.
Novruz çarәsiz qalıb atları
açdı. Bahadır yatmaq üçün İvandan yer
istәdi. İvan göygöz, saqqalı ağarmış,
üzü çil, ucaboy, arıq,pula görә çox
qonaqsevәn qoca rus idi.
İvan Bahadırın tәvәqqesinә
görә bir balaca otaq açdı. Otaqcığın bir
tәrәfindә su qabı, bir tәrәfindә
balaca taxt, üstündә samandan döşәkcә,
illәrlә üzü yuyulmamış balış.
Taxtın qabağında üçayaqlı miz, üstü
bıçaq ilә cızmaqara çәkilmiş, mizin
yanında bir ayağı sınmış kürsü,
taxtın üstündә yarım arşın
hündürlüyu, bir qarış eni pәncәrә.
İki şüşәli, qurum vә toz basmış
pәncәrәdә bir neçә
hörümçәk vә milçәk
ölüsü vә balaca çıraq,
şişәsini qara his basmış vә piltәsi
neçә günlәrlә kәsilmәmiş.
İvan otağı göstәrib getdi. Bahadır taxtın
üstә yıxılıb fikrә getdi. Qaçaqların
xәbәri, tәzә otaqçanın
tәhәr-tövrü Sonanın fikrini
çәkmәyә mane oldu. Bundan savayı
Bahadırı incidәn o oldu ki, vaxtında gedib Tiflisә
çatmayacaqdır. Bahadır bu fikirdә ikәn İvan
qapını açıb әlindә samovar,
üstündә mis çaynik, iki fincan, bir neçә
qәnd qırığı içәri daxil oldu vә
dedi:
"Ağa, yoldan gәlibsiniz, yorulubsunuz, durun
bir çay için. "Bu sözlәr Bahadırın
fikirlәrini dağıtdı:
"Çox razıyam,"--deyib Bahadır
başını balışdan qaldırdı.
Hәrçәnd yemәk vә içmәk
Bahadırın fikrindәn keçmirdi. Amma hazır samovara
şad olub bir finçan çay içmәyә
razılıq verdi. İvan iki fincanı da çayla doldurdu:
birisini Bahadırın qabağına, o birisini öz
qabağına qoyub dedi:
"Ağa, buyurun için. Görürәm
yorulubsunuz, çay yornuğunuzu aparar."
Bu sözlәrdәn sonra İvan
başladı hortuldatmağa. Bahadır bir fincan içәnәdәk
İvan beş fincan hortuldatdı.
Bahadırsa iki fincan güclә içib
İvana razılıq etdi. Bu vaxt İvan on birinci fincanı
içirdi vә tәr üzündәn yağış
tәk tökürdü. İvan Bahadıra dillә cavab
verә bilmәyib baş әydi vә başını
әyәn vaxt, çünki gözlәri Bahadırda idi,
fincanın yarısı dizinә töküldü. İvan
fincanın sanını unutdu. Samovardan su damcı-damcı
gәlirdi ki, İvan çaydan әl çәkdi. Sonra
cibindәn trubkasını çıxardıb
tüstülәtdi vә Bahadıra nәzәr yetirib
sual etdi:
"Siz nә millәtsiniz?"
"Mәn müsәlmanam,"--deyib
Bahadır da papirosunu yandırdı. Bu vaxtadәk İvan
Bahadırla rusca danışırdı. İvan
Bahadırın müsәlman olmağını bilib
başladı türkcә söylәmәyә. İvan
türkcә çox yaxşı danışırdı.
Bahadır bunun danışmağına tәәccüb
edib sordu:
"Siz türkcә harda
öyrәnibsiniz?"
"Bu yavuqda çox müsәlman kәndi
var. Onlarla bizim işimiz çox olmağına görә
türkcә öyrәnmişәm."--İvan bunu deyib
trubkasını boşaltdı vә başını
aşağı dikib dedi:
"Sizin müsәlmanlar yaxşı
dolanmırlar."
"Necә?"--Bahadır soruşub
başını әli ilә tutdu.
"Dәxi necә olacaqdır:
peşәlәri oğurluq, quldurluq olub, nә allahdan
qorxuları var, nә padşahdan."
"Bәli, gәrәkdir bunlara
tәrbiyә verilә."
İvan, görükür, Bahadırın
mәtlәbini anlamadı vә ikinci dәfә
trubkasını doldurmaq istәrkәn çöldә
qilü-qal düşdü. İvan tez dişqarı
çıxıb gördü ki, bir neçә çapar
öz böyüklәri ilә hәyәtdә
danışırlar. Bahadır sәbir etmәyib otaqdan
çıxdı. Bu vaxt çaparın böyüyü
gülә-gülә İvana deyirdi:
"Qaçaqları qovduq Sarvan mahalına
tәrәf, sonra gözdәn
itdilәr."Bahadırın:
"Yol qorxulu deyil ki?"--sualına
çaparbaşı cavab verdi:
"Xeyr, hәrgah istәyirsiniz bu
aydınlıq gecәdә gedә bilәrsiniz vә bir
çapar sizә verә bilәrәm."
Bahadır "çox sağ ol" deyib,
Novruzu sәslәdi. Novruz sәs vermәdi. Bahadır atlar
bağlanan yerә gedib gördü ki, Novruz xoruldayır.
Bahadır vә İvan Novruzu çәtinlik ilә yuxudan
oyatdılar. Novruz gözlәrini ovuşdura-ovuşdura
açıb:
"Nә var? Nә
istәyirsiniz?"--deyib sual etdi.
Bahadırın:
"Dur troykanı
qoş,"--sözünә Novruz göyә baxıb dedi:
"Ağa, hәlә tezdir.
Sәhәrә çox qalıbdır."
İvanın: "Novruz! Novruz!" sәsi
Novruzu yuxudan ayıltdı vә әhvalatdan
xәbәrdar olub getdi atların yanına.
Bahadır İvanın qulluğuna layiq ona pul
bağışlayıb çox razılıq etdi. Yarım
saatdan sonra troyka hazır oldu. Novruz:
"Ağa, buyurun, hazıram,"--deyib
Bahadıra sәslәndi.
Bahadır İvanla vә çaparbaşı
ilә salamatlaşıb troykaya әylәşdi. Novruz
çaparı troykanın yanında görüb
ürәklәndi vә atlara bәrkdәn, öz
qaydası ilә "fişt" edib yola
düşdülәr. Yolun iki tәrәfindә
meşә, aydınlıq gecә! Tәkәrlәrin
sәsi, atların ayaqlarının tappıltısı
meşәlәrә sәs salırdı. Bahadır
dәrin-dәrin fikirdә ikәn Novruz
dodağının altında oxuyurdu. Çünki yol
başı yuxarıydı, ona görә Novruz atları
yavaş-yavaş sürüb özünә xoş
gәlәn nәğmәlәrdәn oxuyurdu. Bunun
bayatıları Bahadırın dәrdini dәxi dә
artırırdı. Novruz Bahadırı qәmgin
görüb dedi:
"Ağa, nә üçün fikr
edirsәn, yoxsa qaçaqlardan qorxursan? Qorxma, indi bu yolda
olmazlar vә bir dә qalığa
yaxınlaşmışıq."
"Qaçaqlardan qorxmuram. Ancaq fikr edirәm
ki, bu evi yıxılmışlar nә peşәdir ki,
özlәrinә qәbul ediblәr."
"Ay ağa, elә demә. Mәn
bunları heç qınamıram, bunların qaçaq
olmaqlarına çox sәbәb var...."
"Görükür, çoxusu
aclığından qaçaqçılıq edir."
"Xeyr, ağa, hamısının evindә
bir parça çörәyi var. Ancaq bunları bu yola qoyan
bizim böyüklәrimizdir....
Vә hamıdan baş sәbәb arvaddır,
arvad!"
"Necә arvad?"
"Belә ki, bu evlәri
yıxılmışlar bir-birinin nişanlısını
qaçırdırlar. Bu bir adәtdir düşüb bizim
aramıza, yenә qızın kәbini
kәsilmәmiş olsa bir şeydir. Amma bu evlәri
yıxılmışlar kәbinli-kәbinli qızları
qaçırdırlar.... Әlbәttә, bu tövr
işlәrdәn sonra әvvәlki nişanlısı
dәli olub dağa-daşa düşür vә
başlayır düşmәnindәn әvәz
almağa. Bu yazığa yemәk lazımdır,ona görә
görürsәn sәnin-mәnim kimi adamları soyub
onunla dolanacaq edir."
"A kişi, nә deyirsәn? Kәbinli
qızı da qaçırtmaq olarmı? Nә
üçün şikayәt etmirlәr? Bәs qazı
vә qeyri mollalar nәdәn ötrü tәyin
olunublar?"
"Ah, ağa, kim-kimәdir!
Mollalarımızın da xarabı
çıxıbdır.... Odur,
bir ay bundan qabaq bizim kәnddәn biri kәbinli qızı
qaçırdıb apardı özgә kәndә, orada
mollaya pul basıb kәbinini kәsdirtdi. Sonra molla
eşidәndә dedi ki, mәn bilmirdim qız
özgәyә kәbinliydi, ya yox.... Deyir qız özü razılıq
verdi. Sonra iş getdi Tiflisә, oğlanın atası
Tiflisә gedib-gәlmәkdәn hәlak oldu.
"Nә üçün?"
"Nә bilim, deyir gedirsәn qazının
yanına, deyir: "Sabah". Sabah gedirsәn, deyir:
"Yazmışam yuxarı". Yuxarı gedirsәn, deyir:
"Sabah". Sabah gedirsәn, deyir: "Nә ki,
lazımdır edirik". Axırda yazıq bizar olub gәldi
kәndә. Sәnin canın üçün,
yazığı
Tiflisdә necә incitmişdilәrsә,
hamı mollalara--böyük axunddan başlamış
kiçiyinәdәk ağzından gәlәni
deyirdi...."
"Heç şey edә bilmәzlәr.
Onların borcudur şәriәtlә iş
görәlәr."
"Axı onlar yazı-pozu
edәnәdәk iş-işdәn keçir. Odur,
keçәn yaz mәnim başıma da bu iş gәldi.
Ancaq mәn tәk olduğuma görә vә bir dә
dava sevmәyәn olduğuma, düz getdim Tiflisә,
böyük axundun yanına. Ağzımı açıb
dәrdimi demәk istәyirdim, qoymadı
söylәmәyә, dedi ki: "O, qazının
işidir. Әvvәl qoy oradan yazsınlar". Getdim
yerinә dә mәlum etdim. İndi bir ildәn
çoxdur arvadımı әlimdәn alıblar, bu
vaxtadәk bir xәbәr yoxdur, Mәn dә sonra
gördüm ki, düşmәnimlә bacarmayacağam,
arvadın kәbinini geri edib işdәn әl
çәkdim. Amma düşmәnim dörd ay Tiflisә
getdi-gәldi. Özü dә pullu adamın oğlu
idi.... Mәn dә işi
duydum, bilmәrrә әl çәkdim.... Ah, ağa, azmı belә iş
olur? Azmı belә dәrdlәrә yanan var? Hәrgah
mәnim dә arxam olsaydı, indi mәn dә bir
fәstay çıxartmışdım. İndi o
tәrәfdәn dә, bu tәrәfdәn dә bir
neçәsi qızıl güllәyә qurban
olmuşdu...."
Novruz bu sözlәri deyib ürәkdәn
ah çәkdi vә atları sürdü. Novruzun
"ah" sözü Bahadırın qәlbindә
dәrin-dәrin yer etdi. Bu "ah" sözü
biçarә Novruzun gücsüz, pulsuz olmağına
vә qeyrilәrinin biinsaf, bimürvәt, biqeyrәt
vә bihәya olmaqlarına, öz
mәnsәblәrinә layiq olmayan, dünya
mәnfәәtindәn ötәri şәriәti
satanlara işarә idi....
Bahadır bu fikirlәri başından
keçirәrkәn "Biliduxan" adlanan qalığa
yetişdilәr.
Bahadırın tәvәqqesinә
görә Novruz bu qalıqda atları açmadı. Saat
6-da "Qocur" adlanan qalığa çatdılar. Qocurda
bir saat yorunuq almaq üçün düşdülәr.
Çapar bunları Qocurda qoyub geri qayıtdı. Bahadır
salamat gәlmәklәrinә vә qaçaqların
üzünü görmәdiyinә nәhayәtdә
şad oldu. Qocurdan Tiflisi görәndә Bahadırın
ürәyi qısıldı; çünki getdikcә
sevgili dostundan iraq düşürdü.
Novruz troykanı hazırlayıb yola
düşdülәr; saat 10-da Tiflisә varid oldular.
Bahadır "Bakı" adlanan qәstinә
düşdü. Novruz öz haqqını alıb bir çox
razılıq edib Bahadırdan ayrıldı. Bahadır
paltarını dәyişib qәstindәn
çıxdı ki, yoldaşlarını axtarsın.
Tiflisdә gәzdiyin adamı tapmaq istәsәn
gәrәk "Qolovinski prospekt" adlanan
küçәyә çıxasan. Bahadır bu
fikirlә oraya üz qoydu. Bir az Qolovinskidә dolanarkәn
yoldaşı student Sultana rast gәldi. İki yoldaş
üç ay bir-birini görmüyüb indi rast
gәlmәklәrinә çox şad oldular. Bunlar
bir-birinin әhvalından xәbәrdar olandan sonra hәr
ikisi "Bakı" qәstininә gәldilәr.
Bahadır papiros yandırıb Sultandan soruşdu:
"Rәfiqim, de görüm bu yayı
necә keçirtdin?"
"Pis keçmәdi! İyun ayını
burada keçirtdim."--Deyib Sultan divanın
üstünә uzandı.
"Yәqin çox isti idi?"
"Mәn bir elә isti hiss etmәdim. Ondan
ötәri ki, sәhәrdәn axşamadәk evdә
otururdum, ancaq axşamlar çıxıb bağlara gedirdim
vә hәrdәnbir tәzә aşnalarım çay
içmәyә aparırdılar.
"Tәzә dostlardan kimdir? Yoxsa.... Elә dost oldun? Hә?"
"Bәs necә! Bir dәfә
evlәrindә nahar dәxi etmişәm."
"Qızını gördünmü?"
"Әsil mәqsudum o deyildimi?"
"Nә tövrdür?
Yaxşıdırmı?"
"Zahirdә burnundan savayı bir eybi yoxdur,
amma...."
"Hә, necә amma, de görüm
sәn mәnim canım."
"Doğrusu, Bahadır, mәn qızdan bir
şey anlamadım. Heyf o yeddi ilә ki, institutda
zәhmәt çәkib dәrs oxuyubdur."
Sultanın söhbәti Bahadıra xoş
gәldi. Vә yavuğa gәlib әlini Sultanın
çiyninә qoydu vә dedi:
"Söylә, söylә görüm,
sәndә xәbәr çoxdur."
"Sәn Mәngilisә gedәndә
dedimmi, o qızı mәn gәrәk görәm."
"Hә."
"De qulaq ver: bir mәclisdә rast
gәlib atası ilә dost oldum. Bununla bir az
mәdәniyyәtdәn söhbәt edәndәn
sonra görünür xoşuna gәlmişәm.
Özü mәdәniyyәt dadmayıbsa da, ancaq
müsәlmana mәdәniyyәt vacib olmağını
söylәdi."
Bir az söhbәtdәn sonra mәn ona
dedim:--Mәn çox şadam ki, siz nәinki bu
fikirdәsiniz vә hәtta eşitmişәm
qızınıza da lazım olan tәrbiyәni veribsiniz.
Bunu deyәndә dostumun ağzı açıldı.
Başladı qızını tәrif etmәyә. Xülasә,
axırda ürәyindәn bu keçdi ki,
qızımı görmәsәn onun tәrbiyәsini
nәzәrә gәtirә bilmәzsәn. Bu fikrini
mәnә bildirib mәni öz evinә çay
içmәyә dәvәt etdi. Mәn buna çox
şad olub söz verdim ki, sabah qulluğunda hazır olam. O biri
gün dostumgilә getdim.
"Evlәri hardadır?"
"A kişi, nәyinә
lazımdır?"
"Sәn mәnim canım, de."
"Aşağa "Ortaçala"dan bu
tәrәfә."
"Hә, yaxşı, söylә."
"Dәxi nә? O biri günü getdim.
Kişi qabağıma çıxıb mәni zala
apardı. Bir az söhbәt edәndәn sonra mәni
nahar otağına dәvәt etdi. Bir övrәt qabağımıza
çıxdı.--Bu mәnim övrәtimdir, dedi, aşna
oldum. Evinin sәliqәsinә söz yoxdur. Hәr şeyi
Avropa qaydası ilә.... Bәli,
bir az söhbәtdәn sonra çay ortalığa
gәldi. Mәn başladım dostumun övrәtini
tәrif etmәyә ki, bizim müsәlman
övrәtlәrindәn belә övrәt az
tapılar ki, qızına lazım olan tәrbiyәni
verә. Bunu demişdim, övrәtin ağzı
köpuklәnmiş açıldı, nә
açıldı. Başladı: mәn belә, atam
belә, qızım belә!
"Doğrudur,--dedi--Tiflisdә bir
neçә adamın qızları oxuyub qurtarıbdır,
amma mәnim qızım kimi hәlә qurtaran
olmayıbdır,"--bunu deyib әli ilә divarda
asılmış kağızı göstәrdi vә
dedi:--Bunu yaxşı qurtarmağına görә
veriblәr vә bir dә....
Burada kişi övrәtin sözünü
kәsib dedi:
"Xeyr, bu şәhadәtnamәni
hamıdan yaxşı qurtarmağına görә
veriblәr."
Övrәti kişinin sözünü
tәsdiq edib başladı:
"Heç bilirsiniz, oxumağına o
qәdәr səy etmәmişik ki, nә qәdәr
musiqiyә vә tansa. Bizim bir dostumuz var, famili dә
yadımdan çıxdı.... " Kişi:--Aleksandr
İvaniç --deyib övrәtinin yadına saldı.
"Hә, bax, Aleksandr İvaniçin
qonaqlığı var idi, bizi dә çağırmışdılar.
Beşәdәk kurs qurtarmış qız var idi. Amma
elә ki, bizim qız başlayırdı tansı,
hamısının ağızları açıla
qalırdı...."
Kişi yenә övrәtin
sözünü ağzında qoyub dedi:
"Bәs onu deyirsәn, neçә
kәrә "Brava! Brava!" dedilәr." Bu
sözlәrdәn sonra qapı açılıb tәrifi
asimana çıxmış nazәnin daxil oldu. Mәn
ayağa durub baş әydim vә sonra bir-birimizә
әl verdik. Qız mәnә mәğrurluqla baxdı,
bununla belә mәn dedim:
"Çox şadam ki, müsәlmanda da
sizin kimi qızlar var. "Mәnim bu sözlәrimә
"mersi" deyib başladı mәnimlә rusca
danışmağa.
"Bәs burnunda nә eybi
var?"--Bahadır soruşub papirosunu yandırdı.
"Burnu bir az ortadan qalxmışdır."
"Yaxşı, sonra."
"Dәxi nә sonra. Bәli, bununla
söhbәti başladıq. Mәn türkcә sual
edirdim, qız mәnә rusca cavab verirdi. Qız
mәnimlә danışdıqca әr-övrәt
bir-birinә baxıb lәzzәt aparırdılar.
Mәnim: "Elmlәrdәn hansı xoşunuza
gәlir?" sualıma qız: "Firәng dili" deyib
mәndәn soruşdu: "Siz firәngcә
bilirsinizmi?" Cavab verdim ki, bәli. Qız başladı
söhbәti firәngcә. Bir az söhbәtdәn
sonra zarafatca firәng dilindә soruşdum ki, әrә
getmәk istәyirmi vә nә mәnsәb
sahibinә getmәk istәyir? Cavab verdi ki, "hamıdan
artıq әfsәrә...." Bu sözdәn sonra
başımdan od parıldadı. Çünki bunlar ilә
dost olmamışdan müqәddәm oxumuş Tiflis
qızlarının barәsindә çox şey eşitmişdim
vә qız bu sözlәri deyәndәn sonra dәxi
şәkkim qalmadı. Mәnim sözümә:
"Doğrudur, bizim qızlar oxuyurlar, amma
gәlәcәk zindәganlığa da gәrәk
hazırlaşsınlar, yәni uşaqlara tәrbiyә
vermәk, ev işlәrini görmәk
gәlәcәk ananın borcudur."
Anası cavab verdi ki,."Xeyr, bizim qız
әlini isti sudan soyuq suya vurmaz. Әrә verәndә
elә adama verәcәyәm ki, evdә heç şey
etmәsin. Uşaqlardan ötәri ayrı qulluqçu
saxlasın, ev işlәrindәn ötәri dә bir
ayrısını". Qızı da anasının
sözlәrini tәsdiq edәndә doğrusu mәn
sәbir etmәdim, hazırlaşırdım
getmәyә, ancaq gah övrәtin vә gah әrinin
tәrifi mәni biixtiyar saxlayırdı. Axırda
fürsәt tapıb dedim: "Siz gәrәk
çalışasınız ki, qeyrilәr dә
qızlarını oxumağa versinlәr ona görә
lazımdır ki, onlarla әlaqәniz ola, ta
qızınızın tәrbiyәsini görüb onlar da
qızlarını qoyalar oxumağa". Gör övrәt
mәnә nә cavab verdi: "Biz,--dedi--doğrusu,
hәr adamla durub-otura bilmirik. Qızım da bu vaxtadәk
Tiflisdә heç bir qızla dostluq edә bilmir. Ondan
ötәri ki, onlar nә oturmaqlarını bilirlәr
vә nә durmaqlarını. Vә bir dә layiq deyil ki,
belә mәdәniyyәtli qız elә adamlarla
durub-otursun...."
Axırda mәnim:--"Türkcә yazmaq,
oxumaq bilirsinizmi?" sualıma qız cavab verdi ki,
"Türk dili nәdir ki, ona gözәl vaxtımı
çürüdәm vә nәyә
lazımdır...."Bu sözlәr mәnim qanımı
dәxi dә xarab edib davam gәtirә bilmәdim,
xudahafiz, deyib çıxdım.
Sultan bu sözlәrdәn sonra Bahadıra
baxıb onun bu barәdә sözünü gözlәdi.
"Bәs belә,- "-Bahadır fikrә
gedib dedi:--Gör bir, sәn özün türk qızı
olasan öz dilini bәyәnmәyәsәn!
Özün türk övrәti olasan, 20 il bundan
müqәddәm sadә türk külfәtindәn
çıxasan, indi.... Türk
qızları ancaq әfsәrә getmәkdәn vә
ya firәng dilini bilmәkdәn ötәri vә öz
dilini, millәtini düşmәn tutmaqdan ötәri
mәdәniyyәtin dalınca gedirlәrsә, heç
getmәsәlәr yaxşıdır.... Bahadır fikrә
gedib durdu otaqda gәzmәyә. "Belә
fikirdә,--Sultan başladı--bir bu qız deyil, Tiflisdә
vә qeyri yerlәrdә oxumuş qızların
әksәri mәişәtә vә
zindәganlığa bu tövr baxırlar." Sultan
sözünü qurtarıb Bahadıra nәzәr yetirdi.
Bahadırı isә Sultanın sözlәri dәrin-dәrin
fikrә apardı. Bahadır öz Sonasını yadına
salıb:--Afәrin, millәt!--dedi. Sultan bunun
sözlәrini yaxşı başa düşmәyib dedi:
"Ah! Millәtin evi
yıxılıbdır!" Hәr millәtin qabağa
getmәyinә bais әvvәl övrәtdir. İndi bu
tövr nәzәrli qızlardan biz nәgözlәyәk?
Bunlar gәlәcәkdә ana olacaqlar.... Biçarә türk balalarına
nә tәrbiyә verәcәklәr?.... Әlbәttә, uşaqlar
tәmiz olacaqlar, hәr bir әdәbi
öyrәnәcәklәr, bilәcәklәr, tans
öyrәnәcәklәr, firәngcә
donquldanacaqlar, amma öz dillәrini nәinki
bilmәyәcәklәr vә hәtta
istәmәyәcәklәr bilsinlәr. Çünki
türk "madonnaları" tәrbiyәni elә
verәcәklәr.
"Bәli, "--Bahadır cavab verdi.--Bir
dilin qәdrini millәt o vaxt bilәr ki, haman dildә
yazılan inşalar millәtin hәm bәdәninә
vә hәm ruhuna tәrbiyә verә. Vә bir dilin o
vaxt qiymәti olar ki, o dili tәlim verәnlәrdә
qeyrәt, insaf ola. Mәktәblәrimizә baxırsan:
yüz ildәn qalma qayda-qanunla dәrs verirlәr.... İnşa yazanlarımıza
baxırsan: "әlfazlar" o qәdәr
gözlәrini kor edib ki, әsil mәqsudi yaddan unudublar....
Vә bir neçәsi dәxi öz hissiyyatını
qeyri dildә qәlәmә gәtirir. Bunlardan sual
etmәli ki, ey ağlını nә yerә sәrf
etmәk bilmәyәn biçarәlәr! "Xitayi
millәt üçün türk dilindә yazmağın
nә mәnfәәti?", "Hәkim azara
görә gәrәk dava versiin. Yoxsa bu meymun
әmәlini sevәnlәr fikir edirlәr öz bimәna,
puç yazdıqları inşalar hәr iki
tәrәfdәn afәrin alsınlar.... Naxoşun ruhunu
tәmizlәmәkdәnsә, qarnını tәmizlәyirlәr.
Yazdığınız inşalara bu yazıq
millәtdәn afәrin gözlәmәyin!
Çünki millәt nә qәdәr kor olmuş olsa,
başına dәyәn toppuzu hiss edәr.... Bu
sözdәn sonra Bahadır ah edib fikrә getdi. Sultan
Bahadıra yavuq gedib dedi:
"Bu barәdә söhbәtimiz çox
olacaqdır, hәlә qulaq as, gör ruhanilәrimiz
nә edirlәr.... "
"Onlar ilәdәmi dost oldun?"
"Bәs nә!"
"Sәn
"hüzuri-şәriflәrinә" gedib onları
tanıyıbsan. Amma mәn o "müqәddәs"
cәnabların üzlәrini görmәmiş
tanımışam."Bahadır bunu deyib qoyun cibindәn
dәftәrçәsini çıxardıb Sultana
göstәrdi vә dedi:
"Yolda yazmışam, pis xәtt
düşübdür, inşaallah Peterburqa gedәndә bir
neçә yerini düzәldib verәrәm
oxuyarsan."
"Burada yaxşı oldu ki, bir oğlanla dost
oldum"--deyib Sultan dәftәrçәni Bahadıra
qaytardı.--Haman oğlan söz verdi ki, Tiflisdә hәr
nә әhvalat olsa yazsın. Sözündәn belә
görükür özü dә türkcә yazır
vә hәtta deyirdi, Tiflis müsәlmanlarının
barәsindә bir әhvalat yazıbdır.
"Hәr halda, bu oğlan bizә lazım
olacaqdır."
"Әlbәttә,"--Bahadır deyib
oğlanın adını soruşdu.
"S ... "--deyib Sultan cavab verdi.
Bu vaxt qapı açıldı, qәstin
qulluqçusu samovar gәtirdi. Bahadır çaynikә
çay salıb qoydu samovarın üstә vә sonra
Sultana vә özünә çay
tökә-tökә sual etdi:
"Görükür, vaxtını boş
yerә keçirtmәyibsәn."
"Mәn haçan vaxtımı boş
yerә keçirtmişәm?"
"Sultan, öz aramızdır,
keçәn il millәtin söhbәtini edәndә
qulaqlarını tuturdun. Amma indi görürәm
millәtә bir növ nisbәtlәri olan adamları
özün axtarıb tapırsan."
"Bahadır! Sәn mәni başdan
tәnbәl hesab edib mәnә qeyri nәzәrlә
baxırdın. Sәn fikir edirdin mәn әsla öz
millәtimlә әlaqәmi kәsmişәm.
Sәhvsәn!"
"Yadından unudubsan: bir gün
türkcә yazmaq barәsindә söhbәt oldu,
sәn az qaldı mәnimlә dalaşasan."
"Doğrudur, o vaxt sәn mәnә
deyirdin, vaxtını әbәs yerә keçirmә,
bir şey yaz. Amma mәn fikir edirdim ki, bir mәnim
yazmağımdan nә olacaqdır vә mәnim
inşalarıma kim diqqәt edәcәkdir. Fikir edirdim:
çox yaxşı, yazdım, kim oxuyacaqdır? Amma indi
fikrimi dәyişdirmişәm, düşmüşәm
sәn düşәn dәrdә...."
"Necә?"
"İndi ancaq anlamışam: millәtin
fikrini biz çәkmәyәndә bәs kim
çәkәcәkdir? Biz yazmayanda, kim yazacaqdır?
"Bәs belә! "--Bahadır deyib
Sultanın boynundan qucaqladı,--indi bildim ki, qeyrәt
meydanında tәk deyilәm. Birfikirli qardaşım!
Millәtimiz bir haldadır ki, bir balaca nağıl da yazsan
böyük iş etmiş kimisәn! Ancaq yazan şәxs
gәrәk xalqın diqqәtindәn qorxmasın.... Mәrdanә, hәr sözü
açıq desin, qardaşı olmuş olsa da. O ki, qaldı
bir para adamlara ki, әllәrindәn bir şey
gәlmәyib arada söz gәzdirәn
övrәtlәr kimi hәsәdlәrindәn
partlayıb zurnalarını bәm edirlәr, onlara qulaq
asmamalı. Bu tövr şәxslәr hәr
millәtdә var. Onlar axırda özlәrinә layiq
olan mәrtәbәni tapırlar.... İnandırıram sәni,
çoxu bu misal adamlardan qorxub öz mәlumatlarını
gizlәdir. Budur, Tiflis! Azmı burada mәdәniyyәtli
müsәlman cavanları var, nә üçün bir
iş görmürlәr? Mәnim nәzәrimә
burada mәdәniyyәtli müsәlman azdır. Mәn
bir neçәsiylә aşna oldum. Hәrgah bunların
fikirlәrini vә zindәganlığa
nәzәrlәrini bilsәn, qanın xarab olar.
Bunların barәsindә vaxtında danışarıq.
Ancaq sәnә xәbәr verim Gәncәdәn.
"Hәqiqәt, kağız
yazmışdın Hacıkәndә
gedәcәyәm, getdinmi?"
"Getdim, bir hәftәdәn çox
orada qaldım. Ondan sonra gәlib Gәncәdә bir
hәftә qalıb getdim Şirvana. Gәncәdә
"Avropa" qәstininә düşüb Ә ...
bәyin barәsindә әhvalpürsan oldum,
mәnә dedilәr ki, şәhәrdәdir. Bu
xәbәrә çox şad oldum. Ondan ötәri ki,
Gәncәdә ondan savayı yavuq dostum yoxdur. Әlimi
yumuşdum, qapıçı gәldi ki, sizi xәbәr
alırlar, buna tәәccüb etdim, fikir etdim ki, mәni
burada Ә. bәydәn başqa heç kәs
tanımır vә o da tezlikdә hardan bilәcәkdir.
Xülasә, qapıçıya dedim: buyursun. Mәn bunu
demәkdә qapı açılıb Ә. bәy daxil
oldu. Mәn, hәqiqәt, belә rast
gәlmәyimizә inanmırdım. Ancaq sonradan mәlum
oldu ki, özgә adam axtarırmış taxtada mәnim
adımı görüb tapıbdır.... Bir az söhbәtdәn sonra
rәfiqim mәnә dedi ki, "A. F.
şәhәrdәdir, gәrәk onun yanına
gedәk". Bu xәbәrә mәn şad oldum;
çünki eşitmişdim ki, A. F. çox qeyrәtli
müsәlman hesab olunur. Çayımızı içib
qәstindәn çıxdıq, fayton götürüb
getdik. Zәngi çәkdik, qulluqçu çıxıb
dedi ki, "Ağa bu saat gәlәcәkdir, buyurun
әylәşin". Getdik otağa. Otağı
hәlә nәzәrdәn keçirmәmişdim,
rәfiqim dedi: "Arıq gәlir". Mәn
әvvәl bunun sözlәrini anlamadım. Amma sonra
elә ki, gözlәdiyimiz evin sahibi gәldi, bildim ki,
Ә. bәy zarafatla deyirmiş arıq. Bәli, necә
arıq? Üç sәn köklükdә!
Xülasә, bununla görüşdük.
Sözündәn belә görünür ki, mәnim
Gәncәyә gәlmәyimә çox şad
olubdur.
A. F.-nın sözündәn belә
mәlum oldu ki, Gәncәnin mәrifәtli
müsәlmanları hәlә qәflәt
yuxusundadırlar. Amma camaatı tәrbiyәdәn
qaçaq deyil vә mәrifәtli cavanların
yatmaqları vә ruhanilәrin bir neçәsinin
millәt işinә qarışmaqları ümumi işlәri
lәngidir. Sonra bildim ki, keçәn il orada böyük
mәscidin yanında müsәlmanlar bir mәktәb
binasını qoymuşlar, üsuli-cәdidlә hәm
türkcә vә hәm dә rusca dәrs
deyirmişlәr. Ancaq sonradan bir neçә avamın
korluğuna görә vә qeyri mәktәbdarların
hәsәdi ilә mәktәb pozulur, әsil
sәbәb bu olubdur ki, türk müәllimi sünni
imiş.... Sonra bir mәclisdә hәqiqәt türk
müәlliminin müәllimlikdә mahir olduğunu
eşitdim. Görünür, çox zәhmәt
çәkirmiş, hәtta iki-üç ay mәvacibsiz
dәrs deyirmiş; çünki mәktәb adına
yığılan pulu udurmuşlar....
Xülasә, A. F. türk müәllimindәn
çox razılıq etdi. A. F. dedi: "Nә etmәk,
avamla hәlә çәtindir dava etmәk. Allah insaf
versin bizim ruhanilәrә, onlar da avamlarla bir olublar. Beş,
ya altı qanacaqlı adam bunların qabağında nә
edәcәkdir. Yenә qәzetәmiz olsa, bunlarla dava
mümkündür, amma nә fayda...."Doğrusu, A.
F.-nın bu sözlәri mәnim xoşuma gәldi,
çünki bu sözlәri ürәkdәn deyirdi.
Sözlәrindәn vә üzündәn mәlum
olurdu ki, qeyrәt tәzә rәfiqimi boğur. Axırda
mәnә söz verdi ki, hәrgah qışda Gәncәdә
qalmalı olsa, Gәncә müsәlmanlarının
barәsindә bir neçә әhvalat yazsın.
Söhbәtimiz çox çәkdi. Axırda A. F.
vәdәmizi nahara alıb mәnә
mәslәhәt gördü ki, böyük axundun
yanına gedim. Mәn razı oldum. Naharadәkxahiş etdim
ki, axundu ziyarәt edim. Ә. bәy axundun hücrәsini
göstәrib dedi ki, axundla söhbәt edәndә
qiraәtxananın da barәsindә danışın. Yolda
bildim ki, iki ildir istәyirlәr qiraәtxana
açmağa, ancaq axundun iltifat nәzәri
olmadığına görә iş düz gәtirmir.
Bәli-bәli, getdim cәnabi-axundun
hüzuri-şәrifinә, çәkmәlәrimi
çıxartdım vә salam verib әdәblә,
"dәvә kimi" qapının ağzında dizi
üstә çökdüm. Әmmamәli üç
nәfәr adam oturmuşdu. Ona görә әvvәl
bilmәdim onların hansı "cәnab axund"dur.
İsmini sual edib әmmamәsi balaca olan böyük, ağ
әmmamәliyә işarә etdi. Bәli, cәnab
axund xoş üzlü, qırmızısaqqal, unutmuşam
sarısaqqal yainki qırmızı.... Axund әlindә kağız
yazırdı vә çünki әlindәn yerә
qoymaq istәmirdi, ona görә bildim ki, çox
lazımlı kağız yazır. Mәn başladım ki,
Peterburqdan gәlmişәm, özümә vacib bildim ki,
cәnabınızın hüzuri-şәrifinә
gәlәm."Zәhmәt çәkibsiniz",
--deyib axund gözünün biri ilә mәnә
nәzәr etdi vә sonra yenә başladı yazmağa.
Qeyri mollalar da әllәrindә hәrә bir
kağız yazırdı, söhbәti mәn
başladım mәktәbdәn. Hәr
mәtlәbdәn sonra cәnab axundun tәnbәlliyi
tutmayıb "bәli" deyirdi. Görünür
biçarә o qәdәr әrәb sözlәrini
mәxrәcdәn işlәdir ki, yazıq
"bәli" kәlmәsini dә әrәb
sözü edib boğazına әbәs yerә
zәhmәt verirdi. Mәktәb barәsindә
mәnә cavab vermәdi, ancaq "bәli" vә
"xeyr"lә mәnim suallarımı rәdd edirdi.
Doğrusu, axundun bu tövr hәrәkәti mәnә
xoş gәlmәdi, çünki fikir etdim ki, ya cәnab
axund mәnim sözlәrimi anlamır, yainki istәyir ki,
mәn başından tez rәdd olam. Hәqiqәt,
dizlәrim dә ağrıyırdı. Xülasә,
kor-peşiman axunda әdәblә "xudahafiz" deyib
çıxdım. Dizlәrimin ağrısından bir
neçә addım axsadım.
"Bәs axunda bir şey demәdin? Mәn
olsaydım, axunda balaca nәsihәt edәrdim."--Bahadır
deyib durdu hirsli gәzmәyә.
"Nә deyәydim? "Xülasә,
gәldim qәstinә, gördüm Ә. bәy oturub
mәni gözlәyir, macәranı ona nәql etdim. O, az
qaldı gülmәkdәnqәşş etsin vә sonra
fikrә gedib dedi: "Bunlarda nәinki millәt qeyrәti
yoxdur, hәtta din qeyrәti dә. Nәzәrinizә
çatdımı mәscidin minarәlәri,
neçә ildir dağılıb tökülübdür,
amma bu vaxtadәk qayırmayırlar.... Mәscidin azmı
pulu var? Nәyәmәsrәf olunur? Ancaq özlәri
bilirlәr.... ". Bir az söhbәtdәn sonra Ә.
bәy dedi ki, nahara getmәyin vaxtıdır.
Bәli, gәldik A. F.-gilә.
Әhvalatı ona nәql etdim. Sözlәrim,
görükür, ona çox әsәr etdi.
Sultan sözlәrini qurtarmamışdı,
qәstin qulluqçusu içәri daxil olub Bahadırdan
başburt istәdi. Bahadır çamadanını
açıb başburt verdi. Sonra Bahadırın fikrinә
düşdü ki, Sonaya kağız yazsın. Tez
açıq kart gәtirtdirib yazdı.
"Kimә yazırsan?"--deyib Sultan Bahadırdan
soruşdu. Bahadır kağızı yazıb qurtarandan sonra
dedi:
"Bu kağızı bir qıza yazıram
ki, yayda mәnim ruhuma lәzzәt veribdir,
bәdәnimә yox, ruhuma! "Ruh" sözünü
diqqәtlә demәkdә mәqsudim odur ki,
özgә fikirlәrә
düşmәyәsәn."
"Kim ola?"--Tәәccüblә Sultan
soruşdu.
"Kim ola! Mәgәr dillә vәsf
etmәk mümkündürmü? Ala,
dәftәrçәni oxu, gör necә qızdır!
Gör heç yarım saat bundan müqәddәm söylәdiyin
oxumuş qızlara oxşayışı varmı? Gör
bunun bir dırnağını bayaq söylәdiyin
qızlara dәyişәrsәnmi? Millәt qeyrәti
istәyirsәn onda, әsl-kamal istәyirsәn onda,
bizimkilәr?! Necә ki, dedin, yeddi-sәkkiz il
zәhmәt çәkib elm oxuyurlar, ondan ötәri ki,
tans öyrәnsinlәr, öz dillәrini unutsunlar vә
әrә dә gedәndә ancaq
әfsәrә....
"Tfu!"--deyib Bahadır papirosunu yandırdı
vә sonra Sultandan sual etdi:
"Bәs Badkubәyә gedә
bilmәdin?"
"Nә qәdәr
çalışdımsa, mümkün olmadı. Amma, allah
qoysa, gәlәn il nә tövr olsa
gedәcәyәm. Çünki yaxşı
xәbәrlәr gәrәk orada olsun.
"Bәli, hәr bir barәdә
Badkubәnin әhvalatı qeyri
şәhәrlәrdәn artıqraqdır. Amma
ümidim var ki, yayadәk orada xәbәr olsun.
Çünki bayaq dediyim qız qışda oraya
gedәcәkdir vә öz hissiyyatını söz
veribdir ki, yazsın."
"Tiflisdә Sarı paşanın
barәsindә bir neçә әhvalat eşitdim,
görükür, özünü Badkubәdә
yaxşı düzәldibdir."
"Hә, Sarı paşa bir özgә
"paşa" deyirlәr olubdur, mәn dә çox
şey eşitmişәm, amma inandırıram sәni,
eşidilәn әhvalatlara inanmıram. Çünki 14 il
bundan müqәddәm Peterburqa gәlәndә
eşitdin ki, nәlәr söylәyirdi?
Mümkündürmü bu tövr mәdәniyyәtli
şәxs dünya mәnfәәtindәn ötrü
mәişәtә vә zindәganlığa olan
tәmiz nәzәrini pula satsın, amma deyirlәr....
Bahadır sözünü
qurtarmamışdı, qulluqçu poçtxanadan gәlib
xәbәr gәtirdi ki, poçt vardır. Bahadır
vә Sultan tez geyinib poçtxanaya getdilәr, Sultan o gün
getdiklәrini qeyri yoldaşlarına mәlum etdi. Axşam
saat 8-dә, o biri günü ikisi dә poçtxanada
hazır oldular. Saat doqquzda Tiflisdәn Qafqaz yolu ilә
Peterburqa üz qoydular....
* *
* * *
Bahadır gedәndәn sonra Sona heç
yerә çıxmırdı. Atası, anası bir
yerә qonaq gedәn vaxt Sonanı da istәyirdilәr
aparsınlar. Lakin Sona "kefim yoxdur" deyib
hәmişә evdә yalqız qalırdı. Sona
Bahadırdan sonra yalqızlığı çox sevirdi.
Vaxtını kitablar arxasında keçirirdi. İki saat
oxumağa mәşğul olurdusa, bir saat da oxuduğu
şeyi öz-özünә tәhlil edirdi: "Bu
mәsәlәdә Bahadırın fikri nә ola? Bu
әqidә Bahadırın әqidәsinә
müvafiqmi, ya yox?". Bu tövr sualları verib
Bahadırın әvәzinә özü cavab verirdi.
Hәr bir işindә Bahadırın әksinә
baxıb onun fikrini soruşardı. Axırda Bahadırın
әksindәn bir balaca әks çәkdirib
örtülü medalyonun içindә
döşündәn asdı, fәqәt medalyonun
içindә nә olduğunu evdә heç kim bilmirdi.
Sonanın atası vә anası Bahadır
ilә Sonanın arasında olan mәhәbbәtә
qeyri bir nәzәrlә baxırdılar. Bunlar fikir
edirdilәr: Bahadır Sonanı sevir, çünki Sonanın
әxlaq-әtvarı, әqli, әqidәsi Bahadıra
xoş gәlir. Sona Bahadırı sevir,çünki
Bahadır nәhayәtdә mülayim, ağıllı,
qeyrәtli, insaflı, ürәyi tәmiz bir cavandır.
Bahadırın müsәlman, Sonanın xristian olmağı
Yusifi vә Maşonu tәşvişә salmırdı.
Ata vә ana qeyri bir şey fikirlәrinә
gәtirmәzdilәr....
Vә qeyri bir fikirdә olmağa da bir bәhanә
yox idi. İki novcavan hәmәvaxt bir-biri ilә
qardaş-bacı kimi rәftar edirdilәr.
Әcәba! Qardaş vә bacı
arasında olan tәmiz mәhәbbәt iki novcavanın
arasında ola bilmәzdimi? İnsan insanı sevmәk,
bir-birinә mәhәbbәt bağlamaq tәbiidir. Bir
qızın bir oğlana olan "ruhani
mәhәbbәtinә" tәәccüb
etmәlimi?
Hәqiqәt, axır vaxtadәk
Bahadırın Sonaya vә Sonanın Bahadıra olan ruhani
mәhәbbәtlәrindә şәkk yox idi.
Hәtta ikisi dә çoxluca romanlar oxuyurkәn
öz-özlәrinә deyirdilәr: bizim mәhәbbәtimiz
qeyri bir mәhәbbәtdir! Haman romanlarda özlәrini
görmürdülәr, bir növ sevinirdilәr,
şadlanırdılar....
"Yox, belә bir tәmiz, saf
mәhәbbәt heç kimdә
görünmür!" fikrindә olarkәn hәr ikisi
öz alәmindә qeyrilәrinә mәğrurluqla
baxardılar vә hәr adama elә bir ali
mәhәbbәtin barәsindә nәql etmәk
istәyirdilәr.... Fәqәt belә bir fikirdә
olarkәn
tәklikdә hәr biri vә alәmindә
bir "sual"dan xilas ola bilmirdilәr.
Bahadır fikir edirdi: Mәn Sona kimi bir
vücuda ehtiyacım olmağını
düşünürәm. Mәn hәmişә
istәrdim mәni bir adam tәmiz
mәhәbbәtlә, var qüvvәtlә sevsin,
mәni anlasın. Mәnim әqidәmdә
mәnә yoldaş olsun. Sözsüz, felsiz mәnim ruhum
nә
hiss etmәyini düşünsün; belә
bir vücudu mәn tapdım. Sona haman aradığım
vücud. Mәn artıq dәrәcәdә
xoşbәxtәm, deyilmi?".
Sona da tәklikdә hәmin bu fikirlәri
başından keçirәrkәn "Mәn artıq
dәrәcәdә xoşbәxtәm, deyilmi?"
sualını öz-özünә verәrdi.
Fәqәt hәr ikisi "xoşbәxtәm,
deyilmi?" sözlәrini deyib dә bir az fikrә
gedirdilәr.... Başlarına
ixtiyarsız qeyri bir fikir dә gәlirdi.... "Mәn artıq
dәrәcәdә xoşbәxtәm"
sözlәrindәn sonra: "Daha bizә bir şey dә
gәrәkmi?" sualı bunları rahat qoymurdu.
Bu "sualı" hәr ikisi
özündәn kәnar etmәk istәyirdi, var
qüvvәtlәri ilә "daha bizә bir şey
dә gәrәkmi?" sözlәrini özlәrindәn
qovurdular. Lakin ixtiyarsız bu sözlәr yenә dә
fikirlәrinә gәlirdi....
Hәtta bir gün Bahadır "bu sözlәri"
bilmәrrә özündәn rәdd etmәk
üçün istәdi bir bәhanә ilә
mәnzilini dәyişsin, ancaq gündә gәlib
dәrslәrini versin, getsin. Sonra öz-özünә
dedi: "Әcәba! Mәndә o qәdәr
qüvvәti-qәlb olmadımı ki, belә fikirlәri
özümdәn kәnar edәm?!"
Sona isә "belә bu sözlәri"
meydana gәtirәn romanları daha oxumurdu, roman
әvәzinә filosofiya kitabları oxuyurdu. Bu minval
Bahadır vә Sona öz nәfslәrini boğmağa
çalışardılar. Hәrdәnbir yenә belә
fikirlәrә düşüb gah qızarardılar, gah
bir-birini görәndә yerә baxardılar....
Heç bir şeyi biri-birindәn pünhan saxlaya
bilmirdilәr. Fәqәt nә isә bu
"mәsәlәni" aça bilmirdilәr, bununla
belә tәklikdә bu "fikirlәr" bunları
rahat qoymurdu. Bahadırın ixtiyarsız dilinә
gәlәn mәzkur şeri, Sonanın ixtiyarsız dediyi
"nә sirdir insanlar bir-birindәn tәfriqә
düşüblәr" sözlәri bunların
pünhan fikirlәrini bir-birinә aşkar etdi....
"Daha bizә bir şey dә
gәrәkmi?" sözlәri ayrılandan sonra daha
artıq bunları narahat edirdi. Bahadır Sonanın әksini
hәmişә qoynunda gәzdirib onunla tәsәlli
taparkәn, Sona da Bahadırın әksini ufacıq
çәkdirib medalyonda döşündәn asardı. Bir
gecә Sona Bahadırın barәsindә çox
fikirdә ikәn yerindә uzandığı yerdә
medalyonu açıb әksә baxırdı.
Başınadürlü-dürlü fikirlәr gәlib
sonra yuxuya getdi. Medalyon isә açıq qaldı.
Anası Maşo adәtә görә
Sonanın otağına gecәdә neçә
dәfә gәlәrdi baxardı. Sonanı
üstüaçıq yatmış görsә idi,
üstünü örtәrdi. Bu gecә dә Maşo
Sonanın yatacaq otağına gәlib onu döşü
açıq yatmış gördü. Döşündә
isә medalyonu açıq görüb içindәki
әks kimin olmağını istәdi bilsin. Lampanı yavuq
gәtirib Bahadırın әksi olmağını
gördü.... Maşo tez
Sonanın otağından çıxıb pәrişan
halda, iki әllәri üzündә Yusif olan otağa
getdi vә Yusifin taxtında әylәşib ixtiyarsız
ağladı...--"Nә oldu sәnә?"--Yusif
taxtından sıçrayıb Maşonun әlindәn
tutdu.
Maşo gözlәrini silә-silә
gördüyünü nәql etdi. Bir az sükutdan sonra Yusif
dedi:
"Cavanlıqdır, zәrәr yoxdur. Onlar
bir-birini çox sevirlәr. Mәn onların
barәsindә heç vaxt bәdgüman olmaram, ikisi
dә ağıllı, kamallı cavandırlar....
"Mәn dә bәdgüman olmuram,
fәqәt işin aqibәti mәni
tәşvişә salıbdır,"--Maşo deyib
fikrә getdi.
"Qorxma!"--Yusif deyib uzandı--hәr
halda sabah
açıq-açığına Sona ilә
söhbәt etmәk olar.
Maşo bu sözlәrdәn sonra bir az rahat
oldu, uzandı vә bir az fikirdәn sonra yuxuya getdi.
Sәhәr Sona yuxudan ayılıb medalyonu
açıq gördü. Tez bağladı. "Anam
gördümü, ya yox" fikri bunu narahat edirdi. Bununla
belә özünә söz verdi ki, hәrgah bu
barәdә söz açılsa, Bahadıra olan
mәhәbbәtini açıq-açığına
söylәsin. Sәhәr Sona çay vaxtıadәti
üzrә anasını öpdü. Ancaq anası
tәrәfdәn bir növ soyuqluq hiss etdi. Bu soyuqluq
Sonanı şübhәyә saldı. Fәqәt bir
söz söylәmәyib çayını içdi
vә sonra öz otağına getdi. Anası isә onun
dalınca gedib bilmәyirdi nә tövr söhbәt
açsın. Sona bunun halәtini görüb soruşdu:
"Anacığım, sәnin
ürәyindә bir söz olmağını
düşünürәm. Nә istәyirsәn
soruş, deyәrәm," Maşo Sonanın boynundan qucaqlayıb
dedi:--Sevgili qızım! Sәn bilirsәn ki, mәn vә
atan sәni nәhayәt dәrәcәdә sevirik.
Sәn ali oxumuş bir qız, әlbәttә, çox
şeyi bizdәn yaxşı bilirsәn, biz sәnin
uğrunda can vermәyә hazır olduğumuz halda,
sәnin ürәyindә olan dәrdi,
başındakı fikirlәri bilmәk istәyirik.
İxtiyarın var: deyә dә bilәrsәn,
demәyә dә.
"Anacığım, açıq
söylә. Mәn hamı suallarına cavab
verәrәm. Yoxsa, gecә medalyonun içindәki
әksi gördün, hә?"
"Doğrudur, qızım, gördüm
vә bu әhvalat mәni bir az tәşvişә
salıbdır...."
Sona bu sözlәri eşitcәk ucadan
ağladı vә anasının boynunu qucaqlayıb dedi:
"Nә edim, sevirәm.... Mәn
Bahadırı sevirәm. Anacığım, bu yolda mәnim
elmim, qanacağım iş görmür,
mәhәbbәtin müqabilindә ağlım
çaşır. Ah, sevgili anacığım! Bir yol
göstәr.... Mәn bu vaxtadәk mәhәbbәtimi
pünhanda bәslәyirdim. Fәqәt indi söz
açıldı. Mәn şadam!.... Ürәyimdәki
sözlәri demәyә yol açıldı..... Bahadır isә bu vaxtadәk ona
nә dәrәcәdә mәhәbbәt
bağladığımı bilmir. Burada ikәn bu
hissiyyatımı ondan gizlәdirdim. İndi bu ayrılıq
mәhәbbәtimi birә on artırıbdır. Ah,
sevgili anacığım, bağışla mәni! Nә
edim?"
Sona bu sözlәri deyib anasının
qucağına yıxıldı vә uca sәslә
ağladı.
"Sevgili qızım! Rahat ol, ağlama!
Mәn sәni anlayıram....
Mәn özüm mәhәbbәtin oduna
yanmışam, fәqәt mәnim atana olan mәhәbbәtimin
çarәsi tapıldı. Mәn atana getdim.... Sizin
mәhәbbәtinizin çarәsini
görmәyirәm. Qızım! Sәn
ağıllı-kamallı, millәtini, dinini sevәn bir
qız.... Bahadır isә
millәtini nәhayәt dәrәcәdә
sevәn bir oğlan.... Nә tövr etmәli? Mәn
özüm dә çaşıram."
"Mәni dә çaşdıran bu
mәsәlәdir"--deyib Sona gözlәrini
sildi.--Bәs nә tövr etmәk! Ah, sevgili
anacığım, bu mәsәlәdә analığı
unut, mәnimlә yoldaş ol, mәnә yol
göstәr, mәni başımdakı qara
fikirlәrdәn xilas et...."
Maşo: "Odur, atan gәlir", deyib
dişqarı çıxdı vә Sona iki әllәri
ilә üzünü tutub taxtın üstә
yıxıldı.
Yusif Maşodan hamı әhvalatı bilib
dәrin fikirlәrә düşәrkәn öz
cavanlığını yadına saldı. Sonanın bu
hәrәkәtinә heç tәәccüb
etmәdi, fәqәt bunu da çaşdıran
Bahadırın müsәlman vә Sonanın xristian olmaq
mәsәlәsi idi. Yusif әvvәllәr hәtta
fikir edәrdi: "Nә yaxşı olardı ki, Sonanın
gәlәcәk yoldaşı Bahadır kimi
ağıllı, tәmiz, saf ürәkli bir cavan olaydı".
Hәqiqәt, әr vә övrәt Bahadırda
nәinki bir eyib tapmırdılar, hәtta onu sevirdilәr.
Ancaq Bahadırın müsәlman olmağı bunlarla
Bahadırın arasında uçurum dәrә kimi bir
şey meydana gәtirirdi. Ata vә ana gecә-gündüz
fikir edib müәyyәn bir nöqtәyә
gәlә bilmirdilәr. Ona görә dә Sonaya bir yol
göstәrә bilmirdilәr.
Bununla belә, Bahadırın Peterburqdan bir
kağızı Sonaya gәldi. Bahadır kağızında
yazmışdı:
"Әzizim Sona xanım! Başımdakı
min-min fikirlәrin hansından başlamaq? Bu
günәdәk gördüyüm adamlardanmı? Ya gәzdiyim
yerlәrdәnmi? Vә ya xeyr, ancaq öz hissiyyatımı
söylәyim? Әvәt, xanım әfәndi! Ancaq
öz hissiyyatımı söylәyim.... Qәribә bir halәtdir!
Mәn sizinlә bir yerdә, bir otaqda zindәganlıq
edәrkәn başımda olan min-min fikirlәrimi,
bütün vücudumu iztiraba salan hisslәrimi әcәba
nә üçün söylәyә bilmirdim. Yox,
xanım әfәndi! Sәhv etdim, söylәyirdim,
fәqәt dilsiz, hәr bir hәrәkәtimlә
sizә olan mәhәbbәtimi bildirirdim. Әlinizi
әlimә alıb fikir edirdim. Qolumdakı minlәrcә
hiss damarları mәnim mәhәbbәtimdәn
sizә xәbәr verirdilәr, deyilmi? Mәn sizin
әlinizi tutanda bu halәtdә olurdum. Yәni, sizin
qollarınızdakı hiss damarları sizin
hissiyyatınızı mәnә hәzin-hәzin söylәyirdi.
Әliniz әlimdә ikәn tam
fikirlәrinizi, hisslәrinizi oxuyurdum. Siz dә mәnim
kimi, deyilmi? Biz biri-birimizin әlini gah sıxırdıq, gah
tumar edirdik.... Hәr birinin
ayrı bir mәnası olmağını sözsüz
düşünürdük....
Ah, nә gözәl halәt! Nә gözәl
hissiyyat! Dilә ehtiyacımız yox idi, qәlәmә
dә hәmçinin. İndi isә dilә vә
qәlәmә böyük ehtiyacımız
olmağını hiss edirәm. Başımdakı min-min
fikirlәri nә vasitә ilә sizә bildirmәk?
Әliniz әlimdә olsa idi, әlinizi bir sıxmaqla
hamı fikirlәrimi, hissiyyatımı bildirәrdim. Gözlәriniz
gözlәrimә baxsa idi, hazır yazdığım
sözlәri oxuyardınız. İndi isә heç biri
müyәssәr deyil. Hazır bu kağızdan,
mürәkkәbdәn vә qәlәmdәn
başqa bir әlacım yoxdur.
Bunlar da gözlәrimin vә әllәrimin
әvәzini vermәyәcәyini düşünürәm.
O bir ayrı alәm, bu, bir qeyri alәm! Nә isә,
ayrılığa tab gәtirә bilmәdiyimi hiss
edirәm. Bir dәqiqә sizi fәramuş edә
bilmәyirәm. Hәr gün, hәr saat sizinlә
söhbәt edirәm. Bir iş edirәm, dәrhal sizi
gözümün qabağında görürәm,
görüb dә guya soruşuram: bu iş sizcә, nә
tövr gәrәkdir ola? Hәr bir felim, qövlüm,
hissiyyatım sizә bağlıdır. Mәn tam
vücudumla sizә tәәllüq tapmağımı
düşünürәm, bununla belә "Nә sirdir
insanlar bir-birindәn tәfriqә
düşüblәr?...." sözlәrinizin
mәnә dәhşәtli bir kölgә
olmağını da hiss edirәm.... Bu kölgәdәn mәn
qorxuram. Harada olsam, nә söylәsәm, bu
sözlәr fikrimә gәlirsә, әhvalımı
büsbütün dәyişir, başımdan od
parlayır, ürәyim iztirabda döyünәrkәn
istәyirәm tam vücudumla bu kölgәni
özümdәn rәdd edәm. İstәyirәm
açıq-açığına bağıram: bәsdir!
Mәni rahat qoy!.... Mәn
bağırmaq istәrkәn haman dәhşәtli
kölgә daha artıq qüvvәtlә mәnә
yavuqlaşır: mәni hәr tәrәfdәn qara
bulud alan kimi bürüyür, nәfәsimi
tәnglәşdirir, ildırım çaxan kimi
çaxır.... "Nә sirdir insanlar bir-birindәn
tәfriqә düşüblәr?" sözlәri bir
arşın boyunda qara taxtanın üstә
tәbaşirlә yazılmış nәzәrimә
gәlir. Mәn hirsli haman yazıları o taxtanın
üzündәn silirәm, mәn sildikcә, daha zorba,
daha aşkar xәtlә yazılmış
görünür. Mәn taxtanı var qüvvәtimlә
yox etmәyә çalışıram,
sındırıram.... "Nә sirdir insanlar bir-birindәn
tәfriqә düşüblәr" sözlәri
havada yazılmış görünür.... Nә üçün bu
sözlәri siz meydana gәtirdiniz? Nә üçün
bu sözlәri әllәrimiz bir-birini tutan vaxt dediniz?
Qeyri bir vaxtda, qeyri bir halәtdә bu sözlәri
desә idiniz, ola bilsin ki, belә tәsiri olmaya idi....
Fәqәt indi.... İndi sözlәr deyilibdir. İndi bu
sözlәr mәndәn, mәn sözlәrdәn
ayrıla bilmirәm. Nә üçün bu sözlәri
deyәndә әlimi sıxdınız vә
gözlәriniziyumdunuz?....
Sizin sözlәriniz hәrәkәtinizә
müvafiq olub, mәnә, guya dediniz mәn tam vücudumla
sevirәm.... Mәn tam vücudumla sizinki olmaq
istәyirәm.... Fәqәt bizi bir şey
uzaqlaşdırır.... Bizi
biri-birimizdәn tәfriqә salır....
Müsәlman-xristianlıq bizim aramızda uçurum bir
dәrә ixtira edir....
Sözlәrinizә belә mәna
vermәkdә sәhv etmәmişәm, zәnn
edirәm. Sәhv edә dә bilmәrәm,
çünki hәmin dәqiqә mәn dә bu
fikirdәidim. Mәn istәyirdim deyәm, siz
mәndәn cürәtli olub mәni qabaqladınız,
qabaqlayıb da mәni daha artıq mәhәbbәtә
mübtәla etdiniz.... Mәnim bütün vücudum,
bәdәnim, ağlım, ruhum hamısı sizә
tәәllüq tapır: hәyatım
hәyatınıza bağlıdır.
Xanım әfәndi! Mәn ancaq
camalınıza aşiq olsa idim, mәnim üçün
şübhә yeri qalardı. Yox! Camalınızı
sevirәm dә ruhunuzu, ağlınızı daha artıq
dәrәcәdә sevirәm. Mәn özümü
sizin bir hissәniz bilirәm. Әcәba! Necә ola
bilәr ki, bizi "uçurum dәrәlәr"
ayıra? Әcәba! Bu "uçurum
dәrәlәri" biz insanlar düzәldibsә,
onları mәhv etmәk bizim ixtiyarımızda deyilmi?....
Nә üçün mәn müsәlman, siz xristian,
qeyrisi yәhudi vә ya bütpәrәst adlansınlar?
Nә üçün bu insanlar sonradan düzәlmiş
dürlü-dürlü qanunlara sitayiş etsinlәr?
Tәbiimi? Yox! Tәbii, qanun hamı insanlar üçün
bir gәrәkdir ola. Hamı insanlar bir nöqtәyә
gәrәkdir yeriş etsinlәr. Bu nöqtә isә
hürriyyәt, mәhәbbәt alәmidir.
Mәn sizi sevirәm, siz dә mәni.
"Yox, sevmәk olmaz!" qanunu varsa, mәn tam vücudumla
bu qanunu mәhv etmәyә çalışıram.
Müsәlman, xristian, yәhudi vә bütpәrәst
nә olmağını anlamıram vә istәmirәm
dә anlamaq! Ah, sevgili Sona xanım!
Mәn millәtimi sevirәm; çünki
anamı sevirәm. Mәn hamı dinlәri vә din
gәtirәnlәri sevirәm; çünki
hamısının әsil mәqsudi insanları
qaranlıqdan işıqlığa çıxarmaq olubdur.
Hamı dinlәr vaxtında insanları zәmanәyә
müvafiq yaxşı yola dәvәt ediblәr, yәni
ümumi bir nöqtәyә yeriş etmәk
üçün hazırlayıblar.
Peyğәmbәrlәr gәliblәr, heç vaxt demәyiblәr:
"Biz islam, xristianlıq düzәltmәk
üçün gәlmişik". Hamısı: "Biz
insanları düz yola dәvәt edirik" deyiblәr....
Mәqsәd bir, yol bir, әcәba! Nә
üçün insanlar bir-birindәn tәfriqә
düşüblәr? Sәbәb? Sәbәb,
ağlımızın naqisliyi. Biz әsil mәtlәbi
әldәn buraxıb cüzi qanunlara sitayiş etmişik.
Bir allahı buraxıb min allaha sәcdә edirik.
Fәqәt әsil mәtlәbi anlayanlar
birlәşirlәr, qonuşurlar vә mәhәbbәt
nә olmağını düşünürlәr.
İştә biz dә bu dәrәcәdә
bulunuruqsa, mәhәbbәtimiz tәlәb edәn
qanunlara sitayiş etmәliyik, deyilmi?....Bahadır".
Sona bu kağız Bahadırdan
olmağını dәrhal bildi. Tez otağına gedib
qapını örtdü vә әllәri
titrәyә-titrәyә kağızı açdı
oxudu. Hәr bir sözә, mәtlәbә diqqәt
edib yenә dә oxudu. Bir az fikrә gedib
üçüncü dәfә kağızı oxudu.
Sonra "Ah, rәbbim!" deyib taxtın üstә
yıxıldı. Bu vaxt Maşo içәri daxil oldu. Sona
kağızı mizin üstә qoymuşdu. Maşo
Sonanın bu halını görüb bir az
tәşvişә düşdü. Sona tez ayağa durub
mizә tәrәf getmәk istәdi ki,
kağızı götürsün. Kağız isә
Maşonun әlindә idi.
"Bu kağız
Bahadırdandırmı?"--Maşo sual etdi.
"Bәli, Bahadırdandır"--deyib Sona
başını aşağı saldı vә bir az
fikirdәn sonra dedi.
"Anacığım, sәn dә vә
atam da bu kağızı oxuyunuz...."Mәni bu vaxtadәk
rahatsız edәn suallara mәn bu kağızda cavab
tapıram.... Bәlkә siz
dә tapasınız. Mәn sizdәn heç bir şey
gizlәtmәk istәmirәm; çünki sizi çox
sevirәm, sizin ruhunuza әziyyәt vermәk
istәmirәm. Fәqәt nә edim, sevirәm.... Mәn Bahadırı
sevirәm.... Bu kağız
mәnim tamam şübhәlәrimi dağıtdı,
gizlin nöqtәlәri aşkar etdi. Açılmayan
düyünlәri açdı....
Bundan әvvәl ikimizin arasında görükәn
"uçurum dәrәlәr" indi mәnim
üçün görünmürlәr. Mәn insan, o
insan. Bizi ölümdәn savayı hansı bir qüvvә
ayıra bilәr?
"Qızım! Nә
söylәyirsәn? Mәn
düşünmürәm."
"Ah, anacığım! Oxuyunuz
kağızı, duşünәrsiniz. Bәlkә
mәn sәhv edirәm. Atamla bir yerdә oxuyunuz,
mәslәhәt ediniz. Mәn sizin
razılığınızla iş görmәk
istәyirәm. Mәn sizi çox istәyirәm, siz
dә mәni. Siz hazır ağlınıza tabesiniz,
mәnsә ürәyimә. Ağlım
ürәyimlә bir çox zaman müharibәdә
bulundular: ürәyim ağlıma güc gәtirdi.
Hazır bu işdә ağlım iş
görmәyir."
"Yaxşı, qızım! Rahat ol. Atanla bu
barәdә söhbәt edәrәm"--deyib Maşo
otaqdan çıxdı.
Sona yenә taxta yıxılıb
Bahadırın kağızını әzbәr oxuyurdu.
Yusif evә gәlib Maşonun halını xeyli
pәrişan gördü. Maşo kağızı
Yusifә göstәrib dedi:
"Daha yatmaq vaxtı deyil. Gәrәkdir bir
әncam çәkmәk, yoxsa qız özünü
hәlak edәr."
Yusif kağızı diqqәtlә oxuyub
dedi:
"Mәn hәrçi fikir edirәm, bir
şey çıxmayır. Sonanı çağır buraya
özü ilә söhbәt edim. Bizim özümüz
Bahadırı çox sevirik, nә eybi var. Bahadır
ağıllı-kamallı bir oğlandır, onun
üçün hansı bir mәzhәbdә
olmağın tәfavütü yoxdur. Bu әqidәdә
olmaq kağızından mәlum edir. Ona görә
hәrgah xristianlığı qәbul edәrsә, biz
böyük şadlıqla onu qәbul edәrik.
"Ah, sevgili atacığım! Mәn
tәvәqqe edirәm belә mәsәlәni
heç ortaya gәtirmәmәk. Mәn heç vaxt
elә sözlәri demәrәm vә razı da olmaram
Bahadıra deyilsin. Nә üçün Bahadır xristian
olsun vә yainki nә sәbәbә mәn
müsәlman olam? Bizi xristianlıqmı vә ya
müsәlmanlıqmı bir-birimizә yavuq etdi? Yainki
özgә bir şey?"
"Yox, qızım, elә deyil. Hәr
halda, biz bir millәtin hissәsi hesab olunuruq. Bu
millәtә dair müәyyәn bir yol vә ya bir
adәt var. Biz haman adәtlәrә bәrәks
hәrәkәt edәriksә, bizә ayrı bir
nәzәrlә baxarlar. Bizi camaatımız
özündәn hesab etmәz. Sәn millәtini
sevirsәn, onun uğrunda can qoymağa hazırsan, razı
olarsanmı haman millәt sәni özündәn
kәnar etsin?"
"Bәs Bahadırın millәtdәn
kәnar olmağına necә razı olmaq?".
"Qızım! Mәnim sәnә olan
mәhәbbәtim hәr şeyi qәbul etmәyә
vadar edәrdi. Mәn sizin mәhәbbәtinizә mane
olmazdım, ixtiyarım da yoxdur vә genә dә olmuram.
Fәqәt bunu demәk istәyirәm: Bahadırın
vә sәnin fәlsәfәnizdәn millәtin
xәbәri yoxdur. Tәklikdә fәlsәfәniz
gözәl dә olmuş olsa, camaat haman
fәlsәfәnizә nifrәtlә baxacaqdır.
Camaatın fәlsәfәsi müәyyәn qanunlar
vә ata-babalarımızın adәtlәridir,
qızım!"
"Atacığım, sözlәriniz
haqdır. Millәt, camaat ümumiyyәtliklә bizim
fәlsәfәyә nifrәt nәzәri ilә
baxacaqdır. Bunu yaxşı
düşünürәm....
Bәs nә etmәli? Mәn çaşıram.... Millәtimdәn uzaq
düşmәk istәmirәm. Mәn ömrümü
millәt yolunda sәrfetmәyә hazıram, onu
sevirәm.... Bahadırı da
sevirәm. Bahadır burada ikәn belә şeylәr
fikrimdәn keçmәyirdi.... Bәlkә bu
ayrılıq sәmәrәsidir. Bәlkә bir
yerdә olsaq vә yainki birlikdә mәslәhәt
etsәk, özgә bir nöqtәyә gәlәrik,
bilmirәm.... Başım
işlәmәyir, fikrim dağınıqdır.... Әhvalım
pәrişandır....
Bahadırın sözlәri vә әqidәsi
haqdır. Camaata, millәtә dair dediyiniz sözlәri
dә diqqәtsiz qoymaq olmaz....
Özgә bir yol, qeyri bir çarә yoxmu, sevgili
atacığım? Yusif xeyli fikirdәn sonra dedi:
"Qızım! Mәnim başıma bir
fikir gәlir: sәninlә bir yerdә Peterburqa gedәk,
Bahadırla bir yerdә söylәşәk,
bәlkә birlikdә bir çarә tapdıq."
Bu sözlәri Yusif hәlә
qurtarmamışdı, Sonanın qara buluda bәnzәr
üzü açıldı. Ucadan güldü vә
atasının boynunu qucaqlayıb öpdü.
"Ah, sevgili atacığım! Nә
yaxşı vә gözәl fikirdir! Mәn
razıyam!"--Bu sözlәrdәn sonra "sevgili
anacığım", deyib Maşonun qucağına
düşdü:--Siz dә atamın fikrinә
şәriksinizmi?
"Bu fikir mәnim başımda var idi.
Mәn Bahadırın nәcibliyinә, kamalına ümid
bağlayıb, yәqin edirdim birlikdә çarә
tapılar...."
"Yaxşı, hazırlaşaq, iki
gündәn sonra gedәrik."--Yusif deyib yerindәn durdu.
Sona şadlığından gah atasını,
gah anasını öpürdü. Balaca uşaqlar kimi
atılıb-düşürdü. Peterburqa getmәk
mәsәlәsi Sonanın әhvalını
büsbütün dәyişdi. Sevindiyindәn
bilmәyirdi nә etsin. Gah anası ilә zarafat edirdi, gah
qulluqçularla, gah şaq-şaq gülürdü, gah
güldüyü zaman gözlәrindәn şadlıq
yaşı gәlirdi. İşin aqibәti nә
olmağını fikir etmәzdi....
Bir Bahadırı görmәk, onunla söhbәt
etmәk, onunla bir yerdә oturub dәrin-dәrin fikrә
getmәk, yoldaşlı mühüm mәsәlәlәri
müzakirә etmәk,--ancaq belә fikirlәr Sonanı
mәşğul edirdi.Yusif isә ancaq bu
görüşmәyin barәsindә fikir edirdi. Nә
tövr iş görmәk? Bahadıra nә demәk?
Nә mәslәhәt etmәk? Bahadır filan söz
deyәrsә nә cavab vermәk?
Maşonun müәyyәn bir fikri yox idi.
Ümidini allaha bağlayıb ürәkdәn hәr iki
novcavanın halına yanardı....
Getmәk vaxtı araya gәldi. Sona vә
Yusif yola lazım olan şeylәri hazır edib troykaya
mindilәr. Maşo bunlar ilә öpüşüb
ağladı.
"Anacığım, ağlama!"--Sona
deyib anasının boynundan qucaqladı.--Tez әhvalatı
yazaram....
Troyka yola düşdü. Fәqәt
troykanın zınqrovu qәmgin bir sәs verirdi....
* *
* * *
Bahadır kağızına cavab
gözlәyirdi. "Sona bunun sözlәrinә
şәrik olacaqmı? Bunun әqidәsinә rəy
verәcәkmi? Yoxsa "uçurum dәrәlәr"
ortalığa gәlәcәkdir? Bu fikirlәri
başından keçirәrkәn Bahadır
hәrdәnbir belә bir atәşli kağız
göndәrmәyindәn peşiman olardı. "Sona
millәtini nәhayәtdә sevәn bir cavan, Sona ata
vә anasına artıq dәrәcәdә
mәhәbbәt bağlamış bir qız.... Bu
"uçurum dәrәlәri" keçә
bilәcәkmi? Keçәrsә atasına, anasına
әziyyәt olmazmı? Bunlar mәni öz övladları
kimi sevirdilәr, mәnә hәr dürlü
yaxşılıqlar ediblәr. Mәni tәmiz, saf
ürәkli, әmin adam bilib qızlarını
mәnә tapşırmışdılar.... Öz hissiyyatımı,
mәhәbbәtimi açıq-açığına
Sonaya yazmaq, Sonanı rahatsız edәcәkdir, qeyri bir
fikirlәrә salacaqdır....
Mәnim bir kimsәm yox. Atam-anam
qәbirdә, mәnim halıma yanan, mәnim
dәrdimә qalan yox. Mәnә nә olursa-olsun
heç kimә әziyyәt olmayacaqdır.... Sona isә atasının,
anasının әziz pәrvәriş edilmiş
qızı. Sona belә bir yaxşı gözәl
külfәtin işığı... Sonanın qәmi, ümumi
külfәt qәmi, Sonanın bәdbәxtliyi, ata-anasının
bәdbәxtliyi ... yәqin
ki, Sona mәhәbbәtini pünhan saxlaya
bilmәyәcәkdir. Bu mәhәbbәtin aşkar
olmağı atasının vә anasının rahatsız
olmağına şәksiz sәbәb olacaqdır.
Ah, nә üçün mәn belә bir
atәşli kağız yazdım? Nә üçün
belә bir ali tәbiәtli validәlәrin ruhlarına
әziyyәt vermәli oldum? Nә üçün?"
Bu fikirlәri Bahadır başından
keçirәrkәn halı büsbütün
tәğyir tapırdı. Ürәyi tez-tez
döyünürdü, qayibanә Yusifdәn vә
Maşodan xәcalәt çәkirdi.
Bir gün yenә başından belә
fikirlәr keçirәrkәn artıq
dәrәcәdә qәmgin oldu. Gözlәri mizin
üstdәki tapançaya sataşıb әlinә
götürdü. Bir az әlindә tutub: "Ah, bu nә
halәtdir!" dedi vә әlindәn tapançanı
buraxıb taxtın üstә yıxıldı vә
üzünü әllәri ilә tutub uca sәslә
dedi: "Ah, Sona! Ah, mәnim mәhәbbәtim!"
Bu vaxt qapını döydülәr,
"giriniz" deyib, Bahadır cavab verdi. Qapı
açılıb Yusifi vә yanında Sonanı
gördü, әvvәl özünü itirib bilmirdi nә
etsin. Sonra ixtiyarsız Yusifi qucaqladı vә sonra Sonanın
әllәrini tutub kәrratla öpdü.
"Bizi gözlәmәyirdiniz,
deyilmi?"--deyib Sona pәncәrәnin qabağında
oturdu.
"Xeyr, xanım әfәndi, heç
fikrimә gәlmәzdi." Bir-birinin әhvalından
xәbәrdar olandan sonra Bahadır çay tәdarük
etdi.
"Çay hazır olanadәk mәn
özümә әlcәklәr alım,"--deyib Sona
otaqdan çıxdı.
Yusiflә Bahadır keçmiş
günlәrdәn söhbәt etdilәr vә
Maşonun әhvalını xәbәr alıb Bahadır
dedi:
"Әcәba! Maşo xanımı nә
üçün gәtirmәdiniz?"
Yusif başını aşağı salıb
bir az fikirdәn sonra cavab verdi.
"Bahadır bәy! Bizim
gәlmәyimizә sәbәb mühüm bir
mәsәlә olubdur...."
Bahadır tәәccüblә Yusifә
baxıb soruşdu:
"Әcәba! Nә üz veribdir?"
"Sizin Sonaya vә Sonanın sizә olan
mәhәbbәti mәni vә Maşonu böyük
tәşvişә salıbdır. Siz özünüz
bilirsiniz: dünyanın işığına Sonanın
gözlәri ilә baxırıq. Biz Sonanın uğrunda
can vermәyә hazırıq. İndi bu tәmiz, saf
ürәkli qız sizә aşiq olub, gecә-gündüz
aramı yoxdur. İndi ikimiz dә gәlmişik
üçlükdә bu işә sәrәncam
verәk. Sonanın öz millәtinә olan
mәhәbbәti sizә mәlum. Bizim vә yainki sizin
millәtin belә işlәrdә qeyri bir
nәzәrdә olmağı da sizdәn gizlin
deyil.... Özünüz,
әlbәttә, düşünürsünüz...."
Sizin kağızınızı mәn oxudum.
Fikirlәriniz düz, әqidәniz tәmiz,
müqәddәs bir әqidә, fәqәt
camaat.... Millәt....
"Bәli, bәli .... "--Bahadır deyib
fikrә getdi.--Düz buyurursunuz....
Mәn.... Sәhv
etmişәm .... Mәnim
mәhәbbәtim sizә әziyyәt veribdir.... Bağışlayınız....
Bağışlayınız.... Әfv ediniz mәni.... Mәn.... Mәn....
Bahadır özünü saxlaya bilmәyib
uşaq kimi ağladı. Yusif dә buna baxıb
ağladı.... Bu vaxt qapı
açılıb Sona tәlәsmiş içәri daxil
oldu. Bunları bu halda görüb heyran qaldı vә sonra
bir söz dә söylәmәyib oturdu vә
üzünü әllәri ilә tutub bir
nöqtәyә baxdı. Yusif vә Bahadır
gözlәrini silib xeyli vaxt sәssiz oturdular, bir azdan sonra
Bahadır: "Çay içiniz", deyib Sonaya yavuq oturdu.
"Mәn sizdәn tәvәqqe
edirәm nahara bizә buyurasınız. Bir yerdә
söylәşib mәslәhәt edәrik.... Ümidvaram hamı
düyünlәr açılsın...."
Yusif vә Sona söz verdilәr ki, nahara
Bahadırın mәnzilinә gәlsinlәr. Bir
neçә dost adamları görmәk qәsdi ilә
Yusif vә Sona Bahadırla salamatlaşıb getdilәr.
Bahadır Sonanın dalınca diqqәtlә
baxdı. Sonra xeyli vaxt otaqda gәzinib birdәn oturdu vә
bu kağızı yazdı: "Tәvәqqe edirәm
mәnim ölmәyimdә heç kimi müqәssir
etmәyәsiniz. Mәn özüm öz әlimlә
özümü öldürdüm....Ah, insanları
bir-birindәn ayıran "uçurum
dәrәlәr"! Mәn sizi mәhv etmәk
istәrkәn siz mәni mәhv etdiniz.... Fәqәt әmin olunuz, siz
axırda mәhv olunacaqsınız....Bahadır".
Bu sözlәri yazandan sonra tapançanı
gicgahına sıxdı....
Bir dәqiqә bundan müqәddәm
döyünәn ürәk, bir dәqiqә bundan
müqәddәm hamı insanları
birlәşdirmәk istәyәn beyin hәmişәlik
rahat oldu....
Yusif vә Sona nahar vaxtı Bahadırın
mәnzilinә gәldilәr. Bu dәhşәtli
xәbәri eşidib Sona qәşş etdi vә sonra
özünә gәlib yaman bir halәtdә
bulundu.... Yusif Maşoya teleqram
göndәrdi ki, tez gәlsin.
Maşo gәlib qızını
dәlilәr azarxanasında gördü.