QOCALIQDAN ŞİKAYƏT
Əfsus qocaldım, ağacım
düşdü əlimdən,
Səd heyf cavanlıq!
Zəf eylədi aciz məni, qaldım
əməlimdən,
Çəkdim nə ziyanlıq!
Saldıqca cavanlıqda keçən
günləri yadə
Dərdim
olur on qat!
Ya rəb, yetərəm birdəmi dünyada muradə?
Heyhat və heyhat!
Saqqal ağarıb, bel bükülüb, dinmə
filani!
Övqatım
olub təlx;
Övrət
də yaxır saqqalıma gündə hənani,
"Rişi
ki, bərəng əlx".
Yad olsun î günlər ki, muradımca
gəzərdim
Sazəndə
Oruğnan;
Min
acizü biçarələrin başın əzərdim
Sillə
və yumuruqnan.
Bu
sayədə hər ləhzə edib səyü
təlaşı,
Sərvət
qazanardım;
Təhsil
eləyib qol gücünə əmri-məaşı,
Dövlət
qazanardım.
Əzalar
isə süst olub indi qocalıqdan,
Bir
dadrəsim yox!
Görməzmisən
əhvalımı, düşdüm ucalıqdan,
Fəryadrəsim
yox,
Heç
yerdə səsim yox,
Kəskin
nəfəsim yox,
Fikrimdə
cəvanlıq,
Başqa həvəsim yox.