23 may 2013-cü il tarixində M.F.Axundov adına Azərbaycan Milli Kitabxanasının yaranmasının 90 illik yubileyi ilə əlaqədar “Milli Kitabxana-90” adlı sərgi təşkil edilmişdir.

13 may 2013-cü il tarixində Akademik Milli Dram Teatrında Azərbaycanın Xalq yazıçısı, dramaturq, görkəmli ictimai-siyasi xadim Elçin İlyas oğlu Əfəndiyevin anadan olmasının 70 illiyi münasibəti ilə yubiley tədbiri keçirilmişdir. Tədbirdə Milli Kitabxana tərəfindən “Elçinin söz dünyası” adlı kitab sərgisi təşkil edilmişdir. Sərginin “Əsərləri”, ”Xarici dillərdə”, ”Haqqında”, ”Balalara hədiyyə”, “Ön söz, tərtib etdiyi, redaktoru olduğu kitablar”, “ Elçin irsi elmi tədqiqatlarda”, ”Tərcümləri” bölmələrində 300-dən çox kitab, qəzet və jurnal materialları, görkəmli şəxsiyyətlərin dramaturq haqqında söylədikləri fikirlər, öz əksini tapmışdır. Yubiley tədbirində Axundov adına Azərbaycan Milli Kitabxanası tərəfindən hazırlanan Azərbaycanın görkəmli şəxsiyyətləri seriyasından “Elçin“ adlı biblioqrafiya kitabını Mədəniyyət və Turizm Naziri Əbülfəs Qarayev Elçin Əfəndiyevə hədiyyə etmişdir. Sərgi tədbir iştirakçılarının böyük marağına səbəb olmuşdur.

8 may 2013-cü il tarixində Milli Кitabхanada Mədəniyyət və Turizm Nazirliyi M.F.Axundov adına Azərbaycan Milli Kitabxanası ilə birgə ümummilli lider Heydər Əliyevin anadan olmasının 90 illik yubileyinə həsr edilmiş “Heydər Əliyev milli intibahımızın memarıdır” mövzusunda geniş kitab sərgisi, Milli Kitabxananın əməkdaşları tərəfindən hazırlanmış “Heydər Əliyev-mədəniyyətimizin hamısı” elektron məlumat bazasının və “Müstəqilliyimiz əbədidir” çoxcildliyinin köməkçi göstəricisinin 3-cü cildinin təqdimat mərasimini keçirmişdir.

2 may 2013–cü il tarixində Milli Kitabxananın sərgi zalında erməni işğalçıları tərəfindən Şuşa şəhərinin işğal edilməsinin 21-ci ildönümü ilə əlaqədar “Qarabağın tacı Şuşa” başlığı altında geniş kitab sərgisi təşkil edilmişdir.

Sərgidə Qarabağın dilbər guşəsi olan Şuşa şəhəri haqqında kitablar, Şuşa ziyalılarının fotoşəkilləri nümayiş edilir.

2 may 2013- cü il tarixində M.F.Axundzadə adına Azərbaycan Milli Kitabxanasının sərgi zalında faşizm üzərində qələbənin 68-ci ildönümü münasibətilə “9 may-Qələbə günü” başlığı altında geniş kitab sərgisi təşkil edilmişdir.

Sərgidə 100 adda ədəbiyyat nümayiş olunur.

2 may 2013-cü il tarixində M.F.Axundzadə adına Azərbaycan Milli Kitabxanasının sərgi zalında müstəqil Azərbaycan dövlətinin inkişafı yolunda əvəzsiz xidmətləri olmuş, milli dövlətçilik ideyasının bərqərar olması və ölkəmizin beynəlxalq aləmdə nüfuzunun artması naminə misilsiz töhfələr vermiş Azərbaycan xalqının ümummilli lideri, ulu öndər, dahi şəxsiyyət Heydər Əliyevin 90 illik yubileyi ilə əlaqədar olaraq “Heydər Əliyev- 90” başlıqlı geniş kitab sərgisi təşkil edilmişdir.

2 may 2013-cü il tarixində Kürdəmir şəhərində Azərbaycan Respublikası Mədəniyyət və Turizm Nazirliyi, M.F.Axundov adına Milli Kitabxana Kürdəmir rayon Mədəniyyət və Turizm şöbəsi ilə birgə Azərbaycanın ümummilli lideri Heydər Əliyevin 90 illik yubileyinə həsr olunmuş “Heydər Əliyev çağdaş kitabxana quruculuğunun banisidir” mövzusunda konfrans, “Heydər Əliyev - Mədəniyyətimizin hamisi" elektron məlumat bazasının təqdimatı və “Heydər Əliyev milli intibahımızın memarıdır” adlı kitab sərgisi keçirmişdir.

25 aprel 2013- cü il tarixində M.F.Axundov adına Azərbaycan Milli Kitabxanasının sərgi zalında Azərbaycan nəsrinin görkəmli nümayəndəsi, Azərbaycanın Əməkdar Elm xadimi, yazıçı- alim Mir Cəlal Paşayevin anadan olmasının 105 illiyi münasibətilə “Mir Cəlal-105” başlığı altında geniş tərtibatda kitab sərgisi açılmışdır.

Sərgidə yazıçı- alimin müəllifi olduğu əsərlər, haqqında yazılan kitablar, qəzet və jurnal materialları sərgilənmişdir. Sərgi davam edir.

Milli Kitabxananın direktoru Kərim Tahirov və Xarici ədəbiyyat və beynəlxalq kitab mübadiləsi şöbəsinin müdiri Xəyalə İsmayılova 23-25 aprel 2013-cü il tarixlərində Azərbaycan Milli Kitabxanası ilə Polşa Milli Kitabxanası arasında əməkdaşlıq barədə Memorandum imzalamaq məqsədilə Varşava şəhərində ezamiyyədə olmuşlar.

M.F.Axundov adına Azərbaycan Milli Kitabxananın beynəlxalq əlaqələr üzrə direktor müavini Mələk xanım Hacıyeva aprel ayının 22-dən 27-dək Özbəkistan Respublikasında ezamiyyədə olmuşdur.

22 aprel 2013-cü il tarixində Milli Kitabxanada Hüseynbala Mirələmovun “Görkəmli adamların həyatı” bioqrafik silsiləsindən nəşr edilən görkəmli alim-oftalmoloq, tibb elmləri doktoru, akademik Zərifə xanım Əliyevaya həsr edilmiş Azərbaycan və ingilis dillərində çap olunmuş “Zərifə Əliyeva” kitablarının təqdimat mərasimi keçirilmişdir.

18 aprel 2013-cü il tarixində Milli Kitabxanada Azərbaycan Respublikası Təhsil Nazirliyi, Mədəniyyət və Turizm Nazirliyi, Milli Kitabxana tərəfindən təşkil edilən Ulu Öndər Heydər Əliyevin 90 illik yubileyinə həsr olunmuş “Heydər Əliyev və Azərbaycanda dərslik siyasəti” mövzusunda sərgi keçirilmişdir.

14 aprel 2013-cü il tarixində Müslüm Maqomayev adına Azərbaycan Dövlət Filarmoniyasında XX əsrin görkəmli bəstəkarı, ictimai xadim və pedaqoqu, dərin düşüncəyə malik intellektual musiqiçi-alim və publisist Qara Qarayevin anadan olmasının 95 illik yubileyinə həsr olunmuş tədbir keçiriləcəkdir.

Tədbirdə M.F.Axundzadə adına Azərbaycan Milli Kitabxanası tərəfindən “Qara Qarayev- 95” adlı geniş kitab sərgisi nümayiş olunacaqdır.

10 aprel 2013- cü il tarixində M.F.Axundzadə adına Azərbaycan Milli Kitabxanasının sərgi zalında Azərbaycanın görkəmli alimi, tibb elmləri doktoru, professor, əməkdar elm xadimi, Azərbaycan Respublikası Milli Elmlər Akademiyasının həqiqi üzvü, Azərbaycanda oftalmologiya elminin inkişafında xidmətləri olan Zərifə Əziz qızı Əliyevanın anadan olmasının 90 illik yubileyi münasibəti ilə kitab sərgisi açılmışdır.

Sərgidə alimin müəllifi olduğu əsərlər, məqalələr, ayrı- ayrı müəlliflərin Zərifə Əliyeva haqqında yazdıqları kitablar, qəzet, jurnal materialları nümayiş etdirilir.

“ Kəlbəcər həm təbii sərvətlərlə zənginliyinə görə, həm iqliminin gö-zəlliyinə görə, həm də orada yaşayan insanların fədakarlığına görə respublikada həmişə çox hörmətə, ehtirama layiq olubdur. Kəlbəcər Azərbaycanın ayrılmaz bir parçasıdır, hissəsidir.Heç şübhəsiz, o gün gələcək ki, Kəlbəcər rayonu Ermənistanın silahlı qüvvələrinin işğalından azad olacaq və Kəlbəcərin vətəndaşları, sakinləri,bizim soydaşlarımız öz yerlərinə, yurdlarına qayıdacaq-lar” / H.Əliyev

3 aprel saat 13⁰⁰ - da Milli Kitabxanada Mədəniyyət və Turizm Nazirliyi, Azərbaycan Aşıqlar Birliyi və M.F.Axundov adına Milli Kitabxana birgə Azərbaycan xalqının ümummilli lideri Heydər Əliyevin anadan olmasının 90 illik yubileyinə həsr olunmuş “Heydər Əliyev və Azərbaycan folkloru” mövzusunda elmi praktik konfrans keçirəcəkdir.

2 aprel 2013- cü il tarixində Akademik Milli Dram Teatrında tanınmış aktyor, rejissor, Xalq artisti Həsənağa Turabovun anadan olmasının 75 illiyinə həsr olunmuş geniş yubiley tədbiri keçirilmişdir.

Tədbirdə M.F.Axundzadə adına Azərbaycan Milli Kitabxanası tərəfindən “Həsənağa Turabov- 75” başlığı altında kitab sərgisi təşkil olunmuşdur. Sərgidə tanınmış aktyor haqqında yazılmış kitablar, ayrı-ayrı şəxslərin söylədikləri fikirlər, qəzet, jurnal məqalələri nümayiş olunmuşdur.

Sərgi tədbir iştirakçıları tərəfindən maraqla qarşılanmışdır.