22. 08. 2019-cu il tarixində “Kreativ Nəsil” Tədris Mərkəzinin II-VII sinif şagirdləri Azərbaycan Milli Kitabxanasında ekskursiyada olmuşlar. Şagirdlər Milli Kitabxananın binası ilə tanış olmuş, elektron kataloq və elektron kitabxanadan istifadə qaydaları haqqında məlumat almış, iş prosesini izləmişlər.
14 avqust 2019-cu il tarixində Azərbaycan Milli Kitabxanasında Azərbaycan Yazıçılar Birliyinin üzvü, Prezident təqaüdçüsü, BDU-nun doktorantı, gənc yazar Ülvi Aydının “Eşqin səsi” adlı adlı kitabının təqdimatı və imza mərasimi keçirilmişdir.
10 avqust 2019 - cü il tarixində Milli kitabxanada “12 avqust - Beynəlxalq Gənclər günüdür” adlı kitab və dövri mətbuat nümunələrindən ibarət geniş sərgi açılmışdır. Qeyd edək ki, 1998-ci il avqustun 8-dən 12-dək Lissabonda gənclərlə iş üzrə nazirlərin iştirakı ilə keçirilən beynəlxalq konfransda hər il avqustun 12-nin dünyada Gənclər Günü kimi qeyd olunması qərara alınmışdır.
Milli Kitabxanada 10 avqust 2019-cu il tarixində görkəmli ədəbiyyatşünas,tanınmış ictimai xadim, yazıçı, publisist, tərcüməçi, mətnşünas, Azərbaycan Yazıçılar Birliyinin üzvü, Nizami Gəncəvi adına Milli Azərbaycan Ədəbiyyatı Muzeyinin direktoru, Filologiya elmləri doktoru, Professor, AMEA-nın həqiqi üzvü, Millət Vəkili, Azərbaycan Respublikası Milli Məclisinin Mədəniyyət komitəsinin sədri Rafael Baba oğlu Hüseynovun yaradıcılığına həsr olunmuş kitab və dövri-mətbuat sərgisi açılmışdır. Sərgidə müəllifin azərbaycan və xarici dillərdə əsərləri, elmi məqalələri, tərtib və tərcümə etdiyi, redaktoru olduğu, ön söz yazdığı kitablar, dövri mətbuat materialları nümayiş olunur.
Avqustun 7-də Azərbaycan Milli Kitabxanasında ölkəmizdə bütün sahələr üzrə azərbaycanşünaslığın inkişafı yollarında səy və bacarığını əsirgəməyən, Azərbaycan elminin inkişaf etdirilməsində çox böyük xidmətləri olan AMEA-nın həqiqi üzvü, AMEA İctimai Elmlər Bölməsinin akademik-katibi, tarix üzrə elmlər doktoru Axundova Nərgiz Çingiz qızının anadan olmasının 60 illik yubileyi münasibətilə “Axundova Nərgiz – 60” adlı kitab sərgisi açılmışdır. Sərgidə akademikin Azərbaycan və rus dilində müəllifi olduğu əsərləri, elmi məqalələri, redaktoru olduğu əsərlər və akademik haqqında yazılan materiallar, qəzet, jurnal məqalələri nümayiş olunur.
Azərbaycan Milli Kitabxanası © Bütün hüquqlar qorunur
