|
 |
12. 02. 2020-ci il Suraxanı rayonu D.Məmmədzadə adına 232 nömrəli tam orta məktəbin VII-VIII sinif şagirdləri Azərbaycan Milli Kitabxanasında ekskursiyada olmuşlar. Şagirdlər Milli Kitabxananın binası ilə tanış olmuş, elektron kataloq və elektron kitabxanadan istifadə qaydaları haqqında məlumat almış, iş prosesini izləmişlər.
Fevralın 11-də Azərbaycan Milli Kitabxanasında milli ədəbiyyatımızın görkəmli tədqiqatçılarından biri, Əməkdar elm xadimi, filologiya elmləri doktoru, ədəbiyyatşünas, mətnşünas alim Əziz Mirfeyzulla oğlu Mirəhmədovun anadan olmasının 100 illiyi münasibətilə “Əziz Mirəhmədov – 100” adlı kitab sərgisi açılıb.
Fevralın 7-də Milli Kitabxanada Azərbaycan Respublikası Mədəniyyət Nazirliyi, AMEA Abbasqulu Ağa Bakıxanov adına Tarix İnstitutu və Azərbaycan Milli Kitabxanası birgə AMEA A.A.Bakıxanov adına Tarix İnstitutunun son illərdə xarici dillərdə nəşr etdiyi Azərbaycanın tarixinə dair kitabların xarici ölkə milli kitabxanalarına göndərilmək məqsədilə M.F.Axundov adına Azərbaycan Milli Kitabxanasına təqdimetmə mərasimini keçirib.
Fevralın 6-da Milli Kitabxanada “Bakıda ermənilərin azərbaycanlılara qarşı soyqırımı – 115” adlı kitab sərgisi açılıb. Soyqırımla bağlı təqdim olunan sərgidə 1905-1906-cı illərdə ermənilər tərəfindən Azərbaycan xalqının başına gətirilən faciələri, erməni vəhşiliklərini əks etdirən Azərbaycan, rus, ingilis, alman, fransız və digər dillərdə nəşr olunmuş Azərbaycan və xarici müəlliflərin kitabları, eyni zamanda qəzet-jurnal materialları və foto-şəkillər nümayiş olunur.
Fevralın 5-də Milli Kitabxanada dahi Azərbaycan bəstəkarı, pedaqoq, Azərbaycan EA-nın akademiki, SSRİ Xalq artisti, Dövlət mükafatları laureatı Qara Qarayevin anadan olmasının 102 illiyinə həsr olunmuş tədbir keçirilib.
Azərbaycan Milli Kitabxanası © Bütün hüquqlar qorunur
