Xarici ədəbiyyat və beynəlxalq kitab mübadiləsi şöbəsi

Şöbə müdiri: Məmmədova Zübeydə Əhməd qızı
Tel: (994 12) 493 18 06

Şöbə haqqında ümumi məlumat

Xarici ədəbiyyat və beynəlxalq kitab mübadiləsi şöbəsi 1965-ci ildən müstəqil şöbə kimi fəaliyyət göstərir. Kompleks xarakterli şöbədir.

1965-ci ilə qədər şöbənin fondunda 130 012 nüsxə ədəbiyyat olmuşdur. Hazırda şöbənin fondunda 304 000-dən artıq  ədəbiyyat var. Burada 40-a yaxın dildə kitab, jurnal, mikrofiş toplanmışdır.

Şöbəyə ədəbiyyat müxtəlif mənbələr vasitəsilə: BMT, BKM, müxtəlif nəşriyyatlar, səfirliklər, sərgilər, hədiyyələr və pul köçürmə yolu ilə daxil olur. Xarici ədəbiyyat və beynəlxalq kitab mübadiləsi şöbəsi 1994-cü ildən BMT-nin və ATƏT-in ehtiyat kitabxanası sayılır. Bu təşkilatlardan alınan qiymətli nəşrlər şöbədə araşdırılır, lazım olan kitablar kitabxana qaydası ilə işlənir və çoxsaylı oxucuların istifadəsinə təqdim olunur.

Şöbənin 24 nəfərlik oxu zalında müxtəlif dillər üzrə 2500 nüsxə ədəbiyyat toplanmışdır. Kataloqlar xarici ədəbiyyat şöbəsinin oxu zalında yerləşir.

Strukturu

• Beynəlxalq kitab mübadiləsi bölməsi
• Kitabişləmə və informasiya bölməsi
• Oxu zalı bölməsi

Vəzifələri

• Azərbaycan müəlliflərinin xarici ölkələrdə çap olunan əsərlərini və Azərbaycanla əlaqədar olaraq nəşr olunmuş ədəbiyyatı toplamaq.

Fəaliyyət istiqamətləri

• 1965-ci ildən Beynəlxalq kitab mübadiləsi (BKM) və 1978-ci ildən Beynəlxalq kitab mübadiləsi (BKM) ilə məşğul olmaq;
• BKM-si aparmaq üçün ölkədaxili kitab mübadiləsi  şöbəsinin nəzdnində respublikada çap olunan ədəbiyyatın ehtiyat mübadilə fondunu yaradır;
• Şöbəyə daxil olan ədəbiyyat kitabxana qaydası ilə işlənir, «Azərbaycan xarici mətbuatda» kartotekasında əks olunur. Şöbə kitabxanada dil öyrənənlərə lazımi köməklik göstərir.