M.F.Axundov adına Azərbaycan
Milli Kitabxanası 2012-ci ildə

 M.F.Axundov adına Azərbaycan Milli Kitabxanası Azərbaycanda kitabxana işi sahəsində dövlət siyasətini həyata keçirən, milli nəşrləri, xarici ölkələrdə Azərbaycan dilində nəşr olunmuş çap məhsullarını və Azərbaycan müəlliflərinin əsərlərini, dünya əhəmiyyətli nəşrləri, o cümlədən xarici dillərdə çap olunmuş məlumat daşıyıcılarını toplayıb mühafizə edən milli xəzinə və dövlət kitabsaxlayıcısıdır.

2012-ci ildə Milli Kitabxananın fəaliyyətinin əsas istiqamətini kitabxana-biblioqrafiya proseslərinin avtomatlaşdırılması, avtomatlaşdırılmış idarəetmə sistemlərinin tətbiqi ilə oxuculara kitabxana xidmətinin müasir tələblərə uyğun qurulmasını təmin etmək, oxuculara və istifadəçilərə virtual rejimdə xidmət göstərmək üçün elektron kitabxananın və elektron kataloqun məlumat bazasının genişləndirilməsi təşkil etmişdir.

Milli Kitabxananın fondunda 4 552 266 nüsxə ədəbiyyat saxlanılır. Bunlardan 2 376 049 nüsxə kitab və kitabçalar, 2 176 217 nüsxəsi isə digər sənədlərdir.

2012-ci ildə kitabxanaya 20 045 nüsxə yeni ədəbiyyat daxil olmuşdur. Bunun 13 521 nüsxəsi kitab, 6524 nüsxəsi isə digər sənədlərdir.

İl ərzində kitabxananın daimi oxucularının sayı 36 360 nəfər olmuşdur. Virtual oxucuların (saytdan istifadə edənlər) sayı 449 000 nəfər, virtual sifarişin xidmətlərindən istifadə edənlər 1257 nəfər, Rusiya Dövlət Kitabxanasının Dissertasiyaların virtual oxu zalından və Azərbaycanda müdafiə olunmuş dissertasiyaların elektron məlumat bazasından istifadə edənlər 625 nəfərdir. İl ərzində 163 383 nəfər oxucuya, 771 023 nüsxə ədəbiyyatla xidmət edilmişdir.

Oxuculara xidmətin yüksək səviyyədə olması işin təşkilindən, kitabxanaçıların peşəkarlığından çox asılıdır. 2012-ci ildə Oxuculara xidmət şöbəsində oxucuların lokal şəbəkədə mütaliəsi üçün müasir tələblərə cavab verən yeni “Lokal şəbəkədən istifadə üzrə oxu zalı” açılmışdır.

Cari ildə kitabxanada kitab, qəzet və jurnalların rəqəmsallaşdırılması və oxuculara elektron informasiya xidmətinin göstərilməsi işi davam etdirilmişdir. Elektron resurslardan istifadənin təşkili bölməsi cari ildə oxucu sorğusu əsasında 321 nüsxə ədəbiyyatın (148 adda kitab, 81 adda jurnal Azərbaycan ədəbiyyatının arxivi şöbəsinin fondundan, 4 adda kitab Nadir nəşrlər bölməsinin fonddan, 75 adda kitab əsas fonddan, 6 adda kitab Xarici ədəbiyyat və beynəlxalq kitab mübadiləsi şöbəsinin fondundan və 7 adda kitab isə Not nəşrləri və səsyazmaları şöbəsinin fondundan) elektron versiyası hazırlanaraq kitabxananın lokal şəbəkəsində yerləşdirilərək oxucuların istifadəsinə verilmişdir. 18 342 oxucu üçün kitab, dissertasiya, jurnal və qəzet materiallarının müəyyən hissəsinin surəti çəkilmişdir.

Milli Kitabxana hazırda real fəaliyyət göstərən müxtəlif funksional avtomatlaşdırılmış kitabxana sistemi VİRTUA proqramına malikdir. Kitabxana VTLS proqramının bütün modullarını almışdır. Administrator yarımsisteminin köməkliyi ilə mütəxəssislərimiz avtomatlaşdırılmış idarəetmə sisteminin yeni və son versiyasının quraşdırma işlərini başa çatdırıblar.

 VTLS/VİRTUA sisteminin əsas üstün cəhətləri aşağıdakılardır:

1. VTLS/VİRTUA proqramı başqa sistemlərlə asan informasiya mübadiləsini

həyata keçirməyə imkan yaradır;

2. Bölgələrdə elektron kataloq yaratmaq üçün əlavə sistem olmadan İnternet

vasitəsilə Milli Kitabxananın sisteminə qoşularaq öz elektron kataloqunu yarada bilərlər.

Bu ilk növbədə kataloqlaşdırma ilə məşğul olan kataloqçulara vaxta qənaət

etməyə imkan verir. Onlar sistem vasitəsilə Milli Kitabxananın Elektron kataloquna daxil olaraq lazım olan ədəbiyyatın hazır təsvirini alaraq, oraya sadəcə sənədin olduğu yerin unvanını və mühafizə şifrəsini, kütləvi kitabxanalar üçün Kitabxana Biblioqrafiya Təsnifatı (KBT) indekslərini əlavə edərək özlərinin Elektron kataloqlarını yaradırlar.

Bakının Xətai rayon MKS-i, Quba və Balakən rayonlarının MKS-ləri, İsmayıllı rayon Heydər Əliyev Muzey Kitabxanası, Mərdəkan Mədəniyyət Sarayı Kitabxanası, Azərbaycan Turizm İnstitutunun və Moskva Dövlət Universitetinin Bakı filialı kitabxanası, M.Qorki adına MSKF, M.Ə. Sabir adına Şəhər Kitabxana-klub, Milli Aviasiya Akademiyasının kitabxanaları M.F.Axundov adına Azərbaycan Milli Kitabxanasının elektron kataloquna qoşularaq artıq öz elektron kataloqlarını yaratmış və məlumat bazasına biblioqrafik yazıları daxil etmişlər.

Elektron kataloqun formalaşdırılmasına dəstək şöbəsi 2012- ci ildə kitabxanaya daxil olan Azərbaycan və rus dillərində olan 7964 adda yeni ədəbiyyatı məlumat bazasına daxil etmişdir.

 Analitik elektron məlumat bazasının təşkili şöbəsində işlər avtomatlaşdırılmış kitabxana proqramına uyğun olaraq aparılır. Şöbə il ərzində respublikamıza dair və ümumi xarakterli məqalələrin Azərbaycan və rus dilində 34 628 (26 478 Azərbaycan dilində, 8150 rus dilində) analitik-biblioqrafik yazısını elektron katoloqun analitik məlumat bazasına daxil etmişdir. 26 751 (20 249 Azərbaycan dilində, 6502 rus dilində) Azərbaycan və rus dilində məqalələrin tam elektron mətni kitabxananın saytına daxil edilmişdir.

 Elektron bazada yığılan materiallar əsasında mədəniyyət, incəsənət və turizmə aid materiallar ayrıca toplanaraq “Mədəniyyət, incəsənət və turizm haqqında yeni ədəbiyyat” adı informasiya bülleteni şəklində ayda bir dəfə 50 nüsxə tirajla nəşr edilir. Göstəricidə materiallar kitabxana biblioqrafiya təsnifatına uyğun olaraq yarımrubrikalara ayrılıb. Bu il göstəriciyə yeni yarımrubrikalar – “M.F.Axundzadə ili”, “Eurovision-2012” mahnı müsabiqəsi, “Mirzə Ələkbər Sabir-150”, “012 Bakı Publik Art Festivalı”, “M.F.Axundzadə-200”, “IV Qəbələ Beynəlxalq Musiqi Festivalı”, Şəkidə keçirilən “İpək Yolu” III Beynəlxalq musiqi festivalı", “Müslüm Maqomayev-70”, “İpək yolunun tamı: Kulinariya, mədəniyyət və turizm” mövzusunda beynəlxalq konfrans, “Mədəniyyətlərin dialoqu şəraitində türk dünyasında fəlsəfi və mənəvi dəyərlər” mövzusunda beynəlxalq elmi konfrans, “Müstəqil Həmkarlar İttifaqının XVII Respublika Konfransı”, “Nizami Gəncəvi-870”, ”II Bakı Beynəlxalq Humanitar Forumu”, “Bakı Beynəlxalq Caz Festivalı”, “I Bakı Beynəlxalq İdman Filmləri Festivalı”, “Azərbaycan-UNESCO əlaqələri – 20”, “II Bakı Beynəlxalq Teatr Konfransı” və s. - əlavə edilib.

Diyarşünaslıq elmi biblioqrafiya şöbəsi öz işini yeni informasiya texnologiyaları əsasında qurmuş, istifadəçiləri elektron kataloqda əks olunmuş diyarşünaslıq xarakterli məqalələrin təsviri ilə təmin etmişdir. Cari ildə şöbə Azərbaycanşünaslıq toplu kataloqundan 1990-2007-ci illəri əks etdirən retro kartoçkaları Virtua sistemi ilə kitabxananın elektron kataloquna köçürməsi işini davam etdirmişlər. Bu müddət ərzində elektron kataloqa 1740 biblioqrafik yazı daxil edilmişdir ki, 1140 yazı Azərbaycan, 600 biblioqrafik yazı isə rus dilindədir.

Azərbaycan ədəbiyyatının arxivi şöbəsində arxiv fondunu elektron kataloqa köçürməsi işi davam etdirilmişdır. İl ərzində 4383 biblioqrafik yazı Virtuaya daxil edilmişdir ki, bunun 1323-ü qədim ədəbiyyatı əhatə edir (1928-ci il 232-525-ə kimi, 1929,1930,1931/618-ə qədər).

İl ərzində 2149 kitabın, 43 adda 289 komplekt jurnal elektron versiyası hazırlanıb, lokal şəbəkəyə daxil edilmişdir.

Not nəşrləri və səsyazmaları şöbəsində fonoteka fondunun qrammafon vallarının CD-yə köçürülməsi işi davam etdirilmişdir. Belə ki, cari ildə 550 ədəd qrammafon valı CD-lərə köçürülmüşdür ki, bu işdə milli musiqimizə daha önəmli yer verilmişdir. 887 kitab rəqəmsallaşdırılmışdır.

Elektron resursların yaradılması şöbəsi Elektron Kitabxananın bazasının zənginləşdirilməsi işini davam etdirmişdir. “Müəlliflik hüququ və əlaqəli hüquqlar haqqında” Azərbaycan Respublikası Qanunu əsas tutularaq şöbədə Milli Kitabxananın İnternet (http://www.anl.az) və İntranet (http://web.anl.az/) səhifələrində olan Elektron Kitabxanaların bazaları üçün işlər davam etdirilmişdir.

Şöbədə 2012-ci ildə Milli Kitabxananın fondunda olan nəşrlər rəqəmsal fotoaparatlar və qrafik proqramların köməyi ilə işlənilib hazırlanan elektron resurslar saytlarımızın Elektron Kitabxanalarında müvafiq bazalarda yerləşdirilmişdir. İl ərzinə 5112 kitab, 21061 qəzet və jurnal nömrələri ümumilikdə 26173 resurs rəqəmsallaşdırılmışdır. “M.Ə.Sabir”, “M.F.Axundzadə”, “Nizami Gəncəvi”, “Fikrət Əmirov”, “Həsən bəy Zərdabi”, BDU-nun Kitabxanaçılıq-informasiya fakültəsi” adlı yeni elektron məlumat bazaları yaradılıb, “Xocalı” və “31 Mart” məlumat bazalarına isə əlavələr edilib.

Elektron dissertasiya fondunun təşkili və ondan istifadə şöbəsində 4965 tammətnli elektron resurs var. Bunlardan 1131 nüsxəsi aftoreferat, 3834 nüsxəsi isə dissertasiyadır. İl ərzində 1272 dissertasiya rəqəmsallaşdırılmışdır.

2012-ci ildə Çap məhsullarının qeydiyyatı və Milli biblioqrafiya şöbəsi tərəfindən “Birillik Azərbaycan Kitabiyyatı”nın respublikamızda dərc olunmuş kitabları əhatə edən 1995-ci ilin buraxılışı çap olunmuş, 1994-cü il buraxılışı çapa hazırlanmış , “Yeni kitablar” göstəricisinin 2011-ci ilin IV buraxılışı, 2012-ci ilin I,II,III buraxılışları çap olunmuş, IV buraxılış isə çapa hazırlanmuşdır.

Azərbaycan milli biblioqrafiyasının tərkib hissəsi olan “Azərbaycan kitabı” fundomental biblioqrafiyasının 1940-1960-cı illəri əhatə edən 3-cü cildi çapa hazırdır, Milli Kitabxananın 90 illik yubileyi ərəfəsində çap olunacaq.

2012-ci ildə Milli Kitabxananın nəşriyyat fəaliyyəti səmərəli olmuş, 51 adda, 8617 nüsxə, 498,85 çap vərəqi biblioqrafiya, biblioqrafik məlumat kitabı, metodik vəsait, metodik tövsiyyələr nəşr edilmişdir. Çap olunan bütün vəsaitlər respublikanın MKS-nə və Bakı şəhər kitabxanalarına vaxtında və operativ surətdə çatdırılmışdır.

Elektron informasiya xidməti və kitabxanalararası abonement şöbəsində il ərzində 3094 oxucu internet xidmətlərindən istifadə edib, onların sorğuları əsasında 40 elektron arayış ödənilib.

Kitabxanalararası abonement yolu ilə 10 xarici dövlətdən - Amerika, Braziliya, İtaliya, İran, İsrail, Polşa, Pakistan, Türkiyə, Rusiya, Ukrayna – daxil olan sorğulara cavab olaraq 14 kitab skaner olunaraq göndərilmiş, bir kitab isə Ukrayna Milli Kitabxanasından alınmışdır.

Ölkədaxili kitab mübadiləsi şöbəsinə cari ildə 18 368 nüsxə kitab daxil olub, 25 348 nüsxə kitab isə paylanıb. Ölkədaxili kitab mübadiləsinin xətti ilə xarici ölkə səfirliklərinə, beynəlxalq kitab sərgilərinə və s. 3157 nüsxə kitab göndərilmişdir.

Xarici ədəbiyyat və beynəlxalq kitab mübadiləsi şöbəsinin fondlarında ingilis, fransız və jurnal fondlarında yoxlama aparılmış, inventar kitabı ilə tutuşdurulmuşdur.

İl ərzində 568 bibloqrafik yazı Virtuaya daxil edilmişdir. Beynəlxalq kitab mübadiləsi ilə əlaqədar xarici ölkə kitabxanalarına 328 məktub göndərilmiş, 185 cavab alınmışdır. Sorğular əsasında 1149 nüsxə ədəbiyyat dünya milli kitabxanalarına göndərilmiş, 1151 nüsxə ədəbiyyat isə kitabxanaya daxil olmuşdur.

Beləliklə, cari ildə milli kitabxanalara, xarici ölkələrdə olan səfirliklərə, beynəlxalq kitab sərgi-yarmarkalara və s. ümumilikdə 4298 nüsxə ədəbiyyat göndərilmişdir, 1151 nüsxə ədəbiyyat isə kitabxanaya daxil olmuşdur.

2012-ci ildə 83 022 biblioqrafik yazı elektron kataloqa daxil edilmişdir. Ümumiyyətlə 490 912 nüsxə ədəbiyyat üçün 287 256 adda biblioqrafik yazı elektron məlumat bazasına daxil edilmişdir.

Kitabxanaşünaslıq elmi tədqiqat şöbəsi 2012-ci ildə “Azərbaycan kitabxanaları XXI əsrin informasiya məkanında” adlı çoxcildlinin növbəti VI cildinə aid olan materialları toplamış və bir sıra dəyişikliklər aparmışdır.

Cari ildə Milli Kitabxananın oxucularının informasiya tələbatının nə dərəcədə ödənildiyini öyrənmək məqsədilə TV və media nümayəndələrinin iştirakı ilə may ayının 25-də “Oxucu günü” keçirilmişdir. Saat 10 ⁰⁰-dan 17 ⁰⁰-dək oxuculara 254 ədəd anket paylanılmışdır. Milli Kitabxananın sərgi zalında kitabxananın müdiriyyəti və şöbə müdirləri ilə görüş keçirilmişdir. Daha sonra konfrans zalında oxucular üçün treninq keçirilmişdir. Treninqdə kitabxanamızın əməkdaşları “Kitabxana saytı, “Virtual sifarış”, “Yeni kitablar ”, “Elektron kitabxanadan istifadə”, “Elektron kataloqda axtarış”, “Bizdən soruşun”, “Kitabxananın yeni xidmətləri və iş növləri” mövzüları barədə məlumatlar vermişlər.

Kitabxanaşünaslıq elmi tədqiqat şöbəsi “Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı”nın həyata keçirilməsinə dair Mədəniyyət və Turizm Nazirliyinin tədbirlər planının 2.5.9. maddəsinə əsasən 2012-ci ildə respublikanın kitabxana mütəxəssisləri haqqında məlumat bazasını yaratmaq üçün proqram hazırlamağa başlamışdır.

Milli Kitabxananın saytında fəaliyyət göstərən “Bizdən soruşun” pəncərəsinə il ərzində 253 məktub gəlmişdir. Onlardan 251-i Azərbaycan, 2-si isə rus dilində göndərilmişdir. Məktubların yalnız 10-u müvafiq olmadığından cavablandırılmamışdır.

Cari ildə “Elmi əsərlər”in bərpası və yenidən nəşr olunması məqsədilə kitabxana əməkdaşlarının hazırladıqları məqalələri toplanmış, yoxlanılmış, dizayn verilmiş, redaktəyə təhvil verilmişdir.

Azərbaycan Respublikası Prezidenti cənab İlham Əliyevin böyük Azərbaycan şairi, bədii-ictimai fikir tariximizdə yeni ədəbi məktəbin banisi, görkəmli maarifpərvər Mirzə Ələkbər Sabirin anadan olmasının 150 illik yubileyinin təntənəli surətdə keçirilməsi məqsədi ilə imzaladığı sərəncamına müvafiq olaraq Milli Kitabxana, Azərbaycan Respublikası Mədəniyyət və Turizm Nazirliyi ilə birgə Kürdəmir, İsmayıllı, Lənkəran və Şamaxı şəhərlərində konfranslar Kitabxanaların metodik təminatı şöbəsi tərəfindən keçirilmişdir.

2012-ci il may ayının 11-də Sumqayıt şəhərində ulu öndər Heydər Əliyevin anadan olmasının 89-cu ildönümünə həsr edilmiş ümumşəhər kitab bayramında Milli Kitabxana “Heydər Əliyev Fondunun nəşrləri” və “Mirzə Ələkbər Sabir-150” adlı sərgilərlə təmsil olunmuşdu.

İl ərzində regionlara ezamiyyələr zamanı 16 rayon, 2 şəhər və 46 filial kitabxanası əhatə olunmuş və onlara metodik köməklik göstərilmişdir.

Cari ildə oxuculara xidmətin keyfiyyətini artırmaq üçün yeni sistemin quraşdırılmasına başlanılmışdır. Bu məqsədlə kitabxanaya yeni avadanlıqlar gətirilmiş və quraşdırılaraq istifadəyə verilmişdir.

Milli Kitabxanada oxucuların qeydiyyatının avtomatlaşdırılması məqsədilə elekron kartların tətbiqinə başlanılmışdır. Belə ki, bu sistemin qurulması nəticəsində qısa müddət ərzində oxcunun qeydiyyatı aparılır, oxucu bileti çap olunur.

Qeydiyyatdan keçən oxucuların kitabxanaya daxil olmasını qeydiyyata almaq xüsusi turniket adlanan qapılar quraşdırılmışdır.

Oxuculara kitab verilişinin təkminləşdirilməsi məqsədilə kitabxananın fondlarında yeni kompyuterlər və avadanlıqlar quraşdırılmışdır. Bu kompyuterlər kitab verilişi sisteminin daha da sürətlənməsi üçün lazımi proqramlarla təmin olunmuşdur. Binanın müxtəlif yerlərində informasiya monitorları quraşdırılmışdır. Bu monitorlarda oxucunun kart vasitəsilə etdiyi sifariş barədə məlumatlar öz əksini tapacaq.

Bununla yanaşı Milli Kitabxanada olan kitab və digər materialların icazəsiz kitabxanadan kənara çıxarılmasının qarşısını almaq məqsədilə kitabların və materialların RFID mikro çiplərin yapışdırılması üçün avadanlıq və kitabxananın çıxışında siqnalizator qapılar quraşdırılmışdır. Bütün bu sistem kitabxanada mövcud olan VİRTUA sistemi ilə inteqrasiya olunmuşdur.

 Milli Kitabxanada olan ənənəvi kataloqların retrokonversiyasına başlanılmışdır. Bu məqsədlə kartoçkaların skan edilməsi üçün xüsusi skaner alınmışdır. Hal hazırda retrokonversiya prosesi və skan olunmuş kartoçkaların elektron bazaya yerləşdirilməsi sürətlə davam etdirilir. Bu elektron kartoçkaların axtarışı və sifarişi üçün xüsusi TouchScreen monitor quraşdırılmışdır.

Kitabxanada elektron resursların keyfiyyətinin artırılması üçün kitabları özü skan edən xüsusi robot skaner quraşdırılmışdır. Bu aparat kitabın skan olunması prosesini tam olaraq özü həyata keçirir.

M.F.Axundov adına Azərbaycan Milli Kitabxanası Avropa Milli Kitabxanaları konfransı (CENL), Avrasiya Kitabxanalar Assambleyası (BAE), Avropa Kitabxanası, türkdilli ölkələrin milli kitabxana direktorları şurasının, İqtisadi Əməkdaşlıq Təşkilatına üzv ölkələrin Milli Kitabxanaları şurasının, Avrasiya Kitabxanaçılar Birliyinın üzvüdür.

M.F.Axundov adına Azərbaycan Milli Kitabxanasının beynəlxalq əlaqələri də cari ildə xeyli genişlənmişdir. Rusiya Dövlət kitabxanası və Türkiyə Milli Kitabxanası arasında imzalanmış ikitərəfli qarşılıqlı əməkdaşlıq haqqında Memorandumların müddətləri uzadılmış, Çexiya, Yunanıstan və Macarıstan milli kitabxanaları ilə ikitərəfli qarşılıqlı əməkdaşlıq haqqında Memorandum imzalanmışdır. İskəndəriyyə Kitabxanası, Mərakeş, Polşa və Bolqarıstan milli kitabxanaları ilə Memorandum layihələrinə baxılmış, maddələr müzakirə olunmuş və ümumi razılıq əldə olunaraq 2013-cü ilin əvvəllərində imzalanması qərarına gəlinmişdir.

Mədəniyyət və Turizm Nazirliyi, TÜRKSOY və Azərbaycan Milli Kitabxanası Nizami Gəncəvinin anadan olmasının 870 illiyinə həsr edilmiş TÜRKSOY ölkələrinin Milli Kitabxanalarının nümayəndələrinin iştirakı ilə M.F.Axundov adına Milli Kitabxanada “Nizami irsinin təbliği” mövzusunda Beynəlxalq Elmi Konfrans keçirilmişdir. Tədbirdə Nizami Gəncəvinin Türkiyə Milli Kitabxanasında qorunan “Xəmsə”sinin surəti, Çexiya Milli Kitabxanasında qorunan Nizaminin “Xəmsə”sinin illüstarsiyaları, Füzulinin, Nəsiminin, Xaqaninin əlyazmalarının surəti Azərbaycan Milli Kitabxanasına hədiyyə olunmuşdur.

Milli Kitabxananın əməkdaşları 2012-ci ildə 20 xarici ezamiyyədə olmuş, beynəlxalq kitab sərgilərində, seminar və konfranslarda, milli kitabxanaların yubiley tədbirlərində, stajorluqlarda iştirak etmişlər. Belarus Milli Kitabxanası ilə tanışlıq, Budapeşt şəhərində keçiriləcək beynəlxalq kitab festivalı, Frankfurt şəhərində keçirilmiş 63-cü Beynəlxalq Kitab Sərgisində, Amerika Birləşmiş Ştatlarının Təhsil və Mədəniyyət məsələləri bürosu üzrə Dövlət Departamentinin Amerika kitabxanaları və mədəniyyətin mühafizəsi üzrə beynəlxalq ziyarətçi və rəhbərlik proqramında iştirak, Hindistanda dahi Azərbaycan şairi Nizami Gəncəvinin 870 illik yubileyinə həsr olunmuş tədbirlərdə iştirak etmək məqsədilə Dehli şəhərində, İspaniyanın Madrid şəhərində Madrid Complutense Universitetinin ev sahibliyi etdiyi Avropa Kitabxanaları / Europeana Libraries birgə görüşlərdə və başqa bu kimi tədbirlərdə Azərbaycan Milli Kitabxanası təmsil olunmuşdur. Praqaya səfər çərçivəsində Çexiya Milli Kitabxanasının fondunda ərəb və fars dillərində olan nadir əlyazmalar aşkarlanmış, onların titul vərəqləri və son səhiflərin fotosurəti çıxarılaraq ölkəmizə gətirilmişdir.

2012-ci il böyük mütəfəkkir, Azərbaycan milli dramaturgiyasının banisi, görkəmli ictimai xadim və maarifçi M.F.Axundzadənin 200 illik yubileyi ilə əlaqədar TÜRKSOY təşkilatı tərəfindən “M.F.Axundzadə ili” elan edilmişdir.

Bu məqsədlə türkdilli ölkələrin milli kitabxanalarının iştirakı ilə “M.F.Axundzadə ili” bağlanış tədbirləri çərçivəsində 14-15 dekabr 2012-ci il tarixlərində Kipr Respublikasında beynəlxalq konfrans, 17 dekabr tarixində Ankarada Türkiyə Milli Kitabxanasında və 18 dekabrda İstanbul Aydın Universitetində M.F.Axundzadəyə həsr olunmuş simpozium keçirilmiş və “Azərbaycanfilm”in yeni istehsal etdiyi “Sübhün səfiri” 2 seriyalı bədii film nümayiş etdirilmişdir.