M.F.Axundov adına Azərbaycan Milli Kitabxanası
2008-ci ildə
2008-ci il M.F.Axundov adına Azərbaycan Milli
Kitabxanası üçün çox əhəmiyyətli olmuşdur. Azərbaycan
Respublikası Mədəniyyət və Turizm Naziri cənab Əbülfəs
Qarayevin 07.08.08 tarixli 416 nömrəli əmrinə əsasən ilk
dəfə olaraq 17-19 noyabr 2008-ci ildə Milli Kitabxananın
85 illik yubileyi təntənəli şəkildə keçirilmişdir.
17 noyabr
2008-ci il tarixində Milli Kitabxananın 85
illik yubileyinə həsr olunmuş bir sıra təntənəli
mərasimlərin açılışı olmuşdur. Yubiley tədbirlərində 18
ölkədən 27 qonaq iştirak etmişdir. Milli Kitabxanada 8
adda sərginin - “Heydər Əliyev Miili Kitabxanamızda”,
“Tariximizdən səhifələr”, “Azərbaycan xarici mətbuatda”,
“Musiqi tariximizin qızıl fondundan”, “85 il xalqın
xidmətində”, “Kitabxanamızın inciləri”, “Azərbaycanın
kitab abidələri”, “Əməkdaşlarımızın yubiley töhfələri”
açılışı olmuşdur. Sərgilər qonaqlar tərəfindən böyük
maraqla qarşılanmışdır.Noyabrın 17-də axşam
Musiqili Komediya Teatrında Milli Kitabxananın 85 illik
yubilleyinə həsr olunmuş təntənəli mərasim olmuşdur.
Rəsmi hissə Azərbaycan Respublikasının Himninin
səsləndirilməsi ilə başlamışdır. Sonra “Salnamə”
studiyası tərəfindən lentə alınmış “Milli Kitabxana-85”
adlı sənədli film nümayiş olunmuşdur.
Milli Kitabxananın direktoru Kərim Tahirov
tədbirə gələnləri salamlayaraq giriş sözünü Azərbaycan
Respublikasının Mədəniyyət və Turizm Naziri cənab
Əbülfəs Qarayevə vermişdir. Cənab nazir əvvəlcə tədbir
iştirakçılarını salamlamış və bütün kitabxanaçıları bu
bayram münasibətilə ürəkdən təbrik etmişdir. Sonra o
Azərbaycan Respublikasının Prezidenti cənab İlham
Əliyevin yubiley iştirakçılarına, Türkdilli ölkəklərin
milli kitabxana direktorlarının II konfransının və
“Avrasiya Kitabxanalar Assambleyası” Qeyri Əməkdaşlıq
təşkilatının 10-cu illik iclasının iştirakçılarına
təbrik məktubunu oxumuşdur. Nazir kitabxananın 10
əməkdaşına Mədəniyyət və Turizm Nazirliyinin Fəxri
Fərmanını təqdim etmişdir.
Rəsmi hissə bitdikdən sonra tədbirin bədii
hissəsi başlanmışdır. Konsert proqramında milli
musiqimizdən və rəqslərdən nümunələr nümayiş olunmuşdur.
Tədbirin sonunda kitabxananın direktoru Kərim Tahirov
Azərbaycan Respublikasının Prezidenti cənab İlham
Əliyevin Milli Kitabxananın bir qrup əməkdaşına
fəxri adların
və
medalların
verilməsi barədə sərəncamlarını oxumuşdur.
Noyabrın 18-də yubiley tədbirləri davam
etdirilmiş və yubiley çərçivəsində iki böyük beynəlxalq
konfrans - “Avrasiya Kitabxanalar Assambleyası”
Qeyri-kommersiya Əməkdaşlıq Təşkilatının (BAE) onuncu
ümumi iclası və Türkdilli ölkələrin Milli Kitabxana
Direktorlarının ikinci konfransı keçirilmişdir.
Milli Kitabxanada
25 şöbə, 50 bölmə fəaliyyət göstərir və onlarda cəmi 361
nəfər işçi çalışır.
Hazırda Milli Kitabxananın fondunda 4 508 626 nüsxə
ədəbiyyat saxlanılır. Cari ildə kitabxanaya 25 672
nüsxə yeni ədəbiyyat daxil olmuşdur.
İl ərzində kitabxananın daimi oxucularının
sayı 37 185 nəfər, virtual oxucuların (saytdan istifadə
edənlər) sayı 98 447 nəfər, virtual sifarişin
xidmətlərindən istifadə edənlər 260 nəfər, elektron
kataloqdan istifadə edənlər isə 43 458 nəfərdir.
Davamiyyət 175 969 nəfər olmuş, kitab verilişi isə
694 017 nüsxəyə çatdırılmışdır.
Azərbaycan ədəbiyyatının arxivi şöbəsinin nəzdində
fəaliyyət göstərən Mikrofilm bölməsində
bu il 109 nüsxə kitab, 4 ədəd jurnal, Nadir kitablar
bölməsindən isə 29 nüsxə ədəbiyyat
mikrofilmləşdirilib. Ümumilikdə 142 nüsxə ədəbiyyat
mikrofilmləşdirilmişdir. 86 ədəd mikrofilm elektron
kitabxanaya köçürülmüşdür.
Elektron resursların yaradılması şöbəsi
2008-ci ildə 26 960 adda Azərbaycan, rus və digər
dillərdə olan ədəbiyyatın biblioqrafik yazısını
yaradaraq, 60 504 nüsxə ədəbiyyatı elektron kataloqun
məlumat bazasına daxil edilmişdir.
Cari ildə kitabxana saytının (www.anl.az) Elektron
kitabxana səhifəsində “Elektron versiyası hazırlanmaqda
olan kitablar” başlıqlı bölmə yerləşdirilib. Burada
elektron versiyası hazırlanmaqda olan kitabların
siyahısı və onların qısa annotasiyası verilir.
İl ərzində “Heydər Əliyev irsi”, “Mir Cəlal Paşayev
irsi” “Nizami Gəncəvi irsi”, “Füzuli irsi”, “Hüseyn
Cavid irsi” elektron məlumat bazaları yaradılmışdır.
2008-ci ilin mart ayından kitabxananın
saytında “Virtual sifariş” bölməsi yaradılmışdır. Bu
bölmə oxuculara məsafədən sifariş (virtual) xidmətini
təklif edir. Kitabxananın üzvü olan hər bir oxucu bu
bölməyə daxil olmaqla kitabxanaya gəlmədən, iş və ya
yaşayış yerindən ayrılmadan İNTERNET vasitəsilə kitab,
jurnal və qəzet sifariş edə bilir.
Kitabxana işçilərinin təlimi və tədrisi şöbəsində
Kompyuterin əsasları üzrə 2 qrupa, Elektron kataloqda
axtarış- VTLS üzrə 3 qrupa kurslar keçirilmişdir.
Ölkədaxili kitab
mübadiləsi şöbəsinə cari ildə 41 198 nüsxə kitab daxil
olub ki, bunlardan 22 500 nüsxə Mədəniyyət və Turizm
Nazirliyinin xəttilə, 9 600 nüsxə kitab Azərbaycan
Respublikası Prezidentinin sərəncamı ilə çap olunan
kitablardır. İl ərzində 45 610 nüsxə kitab paylanıb.
Milli Kitabxana Azərbaycan Respublikasının
Prezidenti cənab İlham Əliyevin prezidentlik
fəaliyyətindən bəhs edən rus və ingilis dilində Moskvada
nəşr olunmuş “Èëüõàì Àëèåâ: Îòêðûòûé ìèð” kitabını
respublikanın 72 Mərkəzləşdirilmiş Kitabxana Sisteminə
və dünyanın 62 ölkəsinin Milli Kitabxanasına
göndərmişdir. Milli Kitabxananın poçtuna daxil olan
məktublardan
məlum olur ki,
Azərbaycan həqiqətlərini dünyaya açan bu kitab xarici
ölkə kitabxanaları tərəfindən böyük maraqla
qarşılanmışdır.
Cari ildə kitabxanada 60 tədbir keçirilmişdir.
2008-ci ildə Çap məhsullarının qeydiyyatı və Milli
biblioqrafiya şöbəsi (Kitab Palatası) tərəfindən «Birillik
Azərbaycan Kitabiyyatı»nın respublikamızda dərc olunmuş
kitabları əhatə edən buraxılışları (2002 və 2006- cü
illər), “Yeni kitablar” göstəricisinin 2007-ci ilin III
və IV rübü, 2008- ci ilin nəşr olunmuşdur.
2008-ci ildə Milli Kitabxananın nəşriyyat fəaliyyəti də
səmərəli olmuş, 41 adda, 42 buraxılışda: biblioqrafiya,
biblioqrafik məlumat kitabı, metodik vəsait, metodik
tövsiyyələr nəşr edilmişdir. Çap olunan bütün vəsaitlər
respublikanın MKS-nə və Bakı şəhər kitabxanalarına
vaxtında və operativ surətdə çatdırılmışdır.
Cari ildə kitabxananın 34 nəfər işçisi
ezamiyyədə olmuşdur.
Kitabxana siyasəti və metodik rəhbərlik şöbəsinin
əməkdaşları il ərzində 22 rayonda ezamiyyədə olmuşdur ki,
bu da 44 filialı əhatə etmişdir. Bakı şəhər kütləvi
kitabxanaları üçün 3 seminar-müşavirə keçirilmişdir.
Virtual metodik xidmət vasitəsilə 175-dən çox sorğuya
cavab verilmişdir.
Kitab fondlarının mühafizəsi şöbəsinin bütün
fondlarında yoxlamalar aparılıb. Bunun nəticəsi olaraq
rədd cavablarının sayı minimuma enmişdir.
M.F.Axundov adına Azərbaycan Milli Kitabxanasının
beynəlxalq əlaqələri də genişlənmişdir. 3 ölkənin milli
kitabxanası ilə ikitərəfli qarşılıqlı əməkdaşlıq
haqqında saziş imzalanmışdır. Xarici ədəbiyyat və
beynəlxalq kitab mübadiləsi şöbəsinə 621 nüsxə
ədəbiyyat daxil olmuşdur. Eyni zamanda beynəlxalq kitab
mübadiləsi xətti ilə xarici ölkələrin Milli
kitabxanalarına onların sorğuları əsasında 619 nüsxə,
ölkədaxili kitab mübadiləsinin xətti ilə isə 1041 kitab
göndərilmişdir. İl ərzində cəmi 1 629 kitab xarici ölkə
kitabxanalarına göndərilmişdir.
Bu il 7 xarici ezamiyyə olmuşdur.
Sentyabr ayında
M.F.Axundov adına Milli Kitabxanada Rusiya
Dövlət Kitabxanasının Elektron Dissertasiya fondunun
virtual oxu zalının açılış mərasimi olmuşdur. Virtual
oxu zalının köməyi ilə oxucular Rusiya Dövlət
kitabxanasının 350 min nüsxədən artıq dissertasiya və
avtoreferatlarının tam elektron mətnindən istifadə etmək
imkanı əldə etmişlər.
Milli Kitabxananın
nəzdində fəaliyyət gostərən Ekspert Komissiyasi
tərəfindən xaricə aparılmasına 8 icazə sertifikatı
verilmişdir. Sertifikatın 1-i mülki şəxslərə, 6
sertifikat sərgidə nümayiş olunacaq ədəbiyyatlar üçün
(qaytarılmaq şərtilə), 1 sertifikat isə Gürcüstanda
M.F.Axundov adına Muzey Mədəniyyət Mərkəzinin
kitabxanasına hədiyyə olunacaq kitablara verilmişdir. 2
nəfər mülki şəxsin müraciətinə baxılmış, aparmaq
istədiyi ədəbiyyat tarixi mühüm əhəmiyyət kəsb etdiyinə
görə icazə sənədi verilməmişdir.
2008-ci ildə kitabxananın əməkdaşları tərəfindən dövrü
mətbuat səhifələrində 99 material dərc olunmuşdur.
